Isaias 27:5 - Manobo Western Bukidnon OT

⁵ Piru egkelibri sikandin emun ebpekid-emiǥu sikandin kediey, ne edhangyù he pengelangi ku.

Isaias 27:5 ပူးပေါင်းရင်းမြစ်များ

Job 22:21

“Job, pesakup ka te Megbevayà wey pekidhusey ka kandin su wey ke zin penubtuvazi.

Isaias 12:2

Sikew Megbevayà, iyan ka menluluwas ku. Edsarig a kenikew ne kenà a egkahandek. Iyan ka, Nengazen, mibeǥey kedì te zesen, ne iyan ka egkentahan ku. Iyan ka midlibri kedì.”

Isaias 25:4

Iyan ka kes melig-en he eputà te menge pubri emun timpu te kedlised. Helungè ka emun timpu te vagyu wey gulavung. Su is kedsurung te mesipala he menge etew, iring te vagyu he ebpekesuǥat diyà te verengbeng,

Isaias 26:12

“Nengazen, beǥayi key te meupiya he kebpkesavuk. Su is langun he nehimu zey nehimu zey tenged te tavang nu.

Isaias 42:19

Menge suluǥuen ku sikiyu wey menge pinilì, edsuǥuen ku sikiyu wey kew mekepenudtul, piru wazà ebpekelavew te kegkelakap wey kegkevengel niw.

Isaias 45:24

Egkaǥi sikandan te, ‘Pinaaǥi zà te Nengazen ebpekaangken is etew te zesen wey kezeeǥan duma is ketazeng.’ ” Is langun he edumut te Nengazen ed-uvey ziyà te kandin is egkengepeel-elezan.

Isaias 56:2

Utew zeysey is etew he ebaal wey edtuman te ebpeveelan ku zutun te Andew te Kedhimeley. Wey zeyzey zaan is etew he wazà mebaal te mezaat.”

Isaias 57:19

Ne zutun ebpekezalig dan kedì. Ebeǥayan ku sikandan te meupiya he kebpekesavuk, ke ziyè dan man te meziyù etawa ziyè dà te uvey. Ebewian ku sikandan wey zan meulii. Iyan a, is Nengazen, is migkaǥi kayi.

Isaias 64:7

Wazà minsan sevaha kenami he midangep kenikew wey neninguhà he egawed kenikew. Iyan heeyan hinungdan ke maan is mid-iniyuǥan key kenikew, ne mibey-anan key en kenikew is ebpematey tenged te menge salè dey.

Josue 10:6

Ne mibpeuwit is menge tig-Gibeon te lalag diyà te ki Josue diyà te kampu zan diyà te Gilgal he edhenduen te, “Kenè key kenikew vey-ani is menge suluǥuen nu. Segugunè kew hendini ne libriya key. Tevangi key su midsevaha te kebpekigkuntra kenami is langun he menge hadì he Amorihanen he meǥinged diyà te menge vuvungan.”