Isaias 24:2 - Manobo Western Bukidnon OT

² Sevaha zà is egkepeveyaan te langun–memumuhat etawa meǥinged, egalen etawa suluǥuen, ebpememelegyà etawa ebpememasa, ebpeutang etawa ed-utang.

Isaias 24:2 ပူးပေါင်းရင်းမြစ်များ

Genesis 41:50

Ne te wazè pa meuma sikan is pitu he tuig he vitil duen dezuwa he anak he maama ni Jose he in-anak te esawa zin he si Asenat, sikan is anak ni Potifera he memumuhat diyà te On.

2 Cronica 36:20

Mibihag ni Nebucadnezar pehendiyà te Babilonia is menge Israilihanen he wazè mepatey, ne nehimu sikandan he menge uripen din wey te menge anak din, ne wazà meengked is kegkeuripena kandan taman te iyan en nehimu he gemhanan is ginhedian te Persia.

Isaias 2:9

Umbe, ebminusen is ked-etew te kada sevaha kandan wey ebpeel-elezan nu. Kenè nu sikandan peseyluwa, Nengazen!

Isaias 24:3

Egkepurung egkezeeti is kelibutan ne wazè en egkesamà kayi he menge azen. Egkehitavù heini su iyan is Nengazen migkaǥi kayi.

Isaias 28:7

Piru ǥuntaan ebpemekeziregdireg te kegkelangut is menge memumuhat wey menge ebpeneuven he kenè en hustu is isip dan. Kenà egkesavut te menge ebpeneuven is ibpelewasan kandan, ne egkengesayep is menge memumuhat emun edhukum dan.

Isaias 5:15

Ebpekevevaan is ked-etew te langun he etew, lavew en sikan is menge gelbuwen.

Jeremias 41:2

midhitindeg si Ishmael wey sikan is sepulù he etew, ne midhimetayan dan si Gedalia pinaaǥi te ispada. Umbe mibpatey sikan is midhimu te hadì te Babilonia he gubirnedur ziyà te Juda.

Jeremias 42:18

“Migkaǥi pa is Nengazen he Mekeǥeǥehem, he Megbevayà te Israel te, ‘Iring te impeseǥazan ku te menge etew ziyà te Jerusalem is rimeǥas te utew ku kegkepauk, ibpeseǥazan ku zaan heini keniyu emun edhendiyè kew te Ehipto. Edrewakan kew wey egkelimezangan is menge etew tenged keniyu. Ed-un-undahan kew zan wey edsudien, ne kenè kew en ebpekelikù diyà te tanè niw.’

Penhulùhulù 4:13

Piru nehitavù heini tenged te menge salà te menge ebpeneuven kandan wey te menge memumuhat dan, he ebpenhimatey te menge etew he kenà ereg he edhimetayan.

Penhulùhulù 4:16

Iyan mismu is Nengazen mibpeyapat kandan; wazè en sikandan seǥipaa te Nengazen. Wazè en tehuza is menge memumuhat wey menge perezumala.

Penhulùhulù 4:6

Is insilut diyà te zuma ku he menge meǥinged, ne subra pa te insilut diyà te menge tig-Sodom he midtik-ew zèdeeti te Megbevayà he wazà neketevang kandan.

Hoseas 4:9

Umbe, ǥuntaan te edsilutan ku is menge etew, ne edsilutan ku zaan sikiyu is menge memumuhat. Edsilutan ku sikiyu tenged te vetasan niw; ebelesan ku sikiyu tenged te menge vaal niw.