Isaias 22:9 - Manobo Western Bukidnon OT

⁹ Mid-ehè niw is menge verengbeng te Inged ni David su wey niw metueni ke hendei is nengeǥevà kayi. Midtiǥum kew te wahig he ebpuun diyà te peneng he ziyà te alug.

Isaias 22:9 ပူးပေါင်းရင်းမြစ်များ

2 Hadì 20:20

Is duma pa he ǥuǥud mehitenged te kedhadì ni Hezekia, wey is langun he nevantug he menge vaal zin wey is kebaal zin te peneng wey ebpetudaan dutun pehendiyà te inged, ne ingkesurat diyà te Libru he Midsuratan te menge Keguǥuza te menge Hadì te Juda.

2 Cronica 32:30

Si Hezekia is midsuǥù te kedtambun te lepawà te wahig he ziyà te zivavew he vahin te serebseb diyà te Gihon ne ziyà heini ipetudà te zapit te edsenlepan dutun te Inged ni David. Midlampus si Hezekia te langun he mibeelan din.

Nehemias 3:16

Is sunud kandin iyan is anak ni Azbuk he si Nehemias, he pengulu te ketengà te distritu te Bet Zur. Mibangun din is berengbeng he ebpekesinaru ziyà te penlevengà ni David taman diyà te pemeziǥuey he mibpeveelan wey ubpeey te menge sundaru.

Isaias 22:10

Mid-ehè niw is menge valey ziyà te Jerusalem ne midrundus niw is duma zutun su egemiten niw is menge vatu zuen te kebpurung te verengbeng te inged.