Isaias 22:7 - Manobo Western Bukidnon OT

⁷ Edliǥuyan dan is uuzaran he menge suǥud diyà te keniyu, ne ed-amur-amur zan diyà te menge pultahan te inged niw.

Isaias 22:7 ပူးပေါင်းရင်းမြစ်များ

Isaias 22:6

Nenurung is menge sundaru he tig-Elam he ebpemen-untud te menge kudà he zuen dan menge panà. Is menge sundaru ziyà te Kir nenurung daan he zuen dan egewazan he menge kelasag.

Isaias 22:8

Naaǥew zan is menge pengalang te Juda. Dutun he andew migkuwa kew te menge ǥumaan niw ziyà te teleǥuey kayi.

Isaias 37:34

Edlikù sikandin diyà te mibpuunan din, he ed-uman ed-ikul ziyà te zalan he mid-ikul zin. Kenà sikandin ebpekeseled kayi he inged. Iyan a, is Nengazen, is migkaǥi kayi.

Jeremias 1:15

Pemineg ka! Edsuǥuen ku is menge sundaru ziyà te menge ginhedian diyà te zizaya he surunga zan is Jerusalem. Is menge hadì dan ne edsavuk te menge pinuuwè dan te kedhadì diyà te menge pultahan te Jerusalem. Edliǥuyan dan is menge verengbeng kayi, wey edsurungen dan daan is duma he menge inged kayi te Juda.

Ezekiel 4:2

Ne himuwa nu heini he henduen be te edliǥuyan te menge kuntada. Ne sevuki nu heini te para te kedsurung: menge turi-turi, pemenehikà dutun te verengbeng, idtambù he menge tanà su para mepemenehiki is berengbeng, menge kayu he ibpenbengkag dutun te verengbeng. Ne pelinguti nu heini te menge kampu.

Ezekiel 4:3

Ne kuwa ka te meluag he putew ne iyan heini iverengbeng nu ziyà te mid-elangan niw zuen te inged. Ne ed-etuvang ka zutun te inged is uvag edsurung kayi. Egkehimu heini he petizaan te menge etew te Israel he edsurungen sikandan te menge kuntada zan.