Isaias 22:2 - Manobo Western Bukidnon OT

² Negurigew wey nemengulahì is menge etew ziyà te tivuuk he inged. Is nemematey keniyu ne wazà mebpatey te tebek.

Isaias 22:2 ပူးပေါင်းရင်းမြစ်များ

Isaias 10:4

Wazà egkesamà keniyu, kekenà, egkengevihag kew etawa ebpemematey. Piru kenè pa ǥihapun egkeengked is pauk te Nengazen! Andam pa ǥihapun sikandin he edsilut keniyu.

Isaias 23:7

Dengan, ne menge melipayen is ed-ubpà kayi te inged he Tyre he mibangun dutun te nehuna he timpu; is menge ed-upà kayi, ne nemekeuma ziyà te meziyù he menge lugar ne midsakup dan haazà he menge lugar. Piru ǥuntaan hengkey en is nehitavù kayi he inged?

Isaias 32:13

Is tanà te menge etew ku edtuvuan dà te zuǥiyen he zezeisey he kayu wey menge sagbet. Ne egkaawà is melipayen he menge pemilya wey is inged he melipayen is menge etew zuen.

Isaias 32:14

Is inged he mezakel zengan is mid-ubpà duen, ne kenè en maan ed-ubpaan. Is melig-en he menge vahin kayi, ebey-anan en. Is mibuntud-buntud wey turi kayi egkeiring te sibsivayan minsan keenu. Edriǥuriǥu kayi is menge asnu ne ebpemenabtab is menge langgam.

Isaias 37:33

“Ne iyan heini egkeǥiyen te Nengazen mehitenged te hadì te Asiria: Kenà sikandin ebpekeseled diyà te inged he Jerusalem wey kenè din heini egkepanà. Kenà sikandin ebpekeuvey kayi he kekelasag etawa kenà sikandin ebpekesurung kayi zuma te menge etew zin he edliǥuy kayi.

Isaias 37:36

Ne zutun midhendiyà is belinsuǥuen te Nengazen te kampu te menge tig-Asiria ne migerè din is 185,000 he menge sundaru. Ne hein meselem en, ked-enew zuen te nesamà he menge uuyag, neehè dan is utew mahabet he nemematey.

Jeremias 14:18

Emun edhendiyà a te menge vevesukà wey menge inged, egkeehè ku is mibpematey te tebek wey vitil. Is menge ebpeneuven wey is menge memumuhat mibpedayun te vuluhaten dan, piru wazè dan metueni ke hengkey is mibeelan dan.’ ”

Jeremias 38:2

is minsan hentei he kenà ed-awà kayi te inged ebpatey te tebek, bitil, wey zaru. Piru is minsan hentei he edsurindir ziyà te menge tig-Babilonia ne kenà ebpatey. Egkelibri sikandin ne egkeuyag-uyag.

Jeremias 52:6

Ne hein ikesiyam he andew te ikeepat he vulan dutun he tuig, utew mepait he vitil zutun te inged, ne wazè en egkekaan te menge etew.

Penhulùhulù 1:1

Utew mekevulungbulung is Jerusalem, he zengan mahabet is menge etew kayi. Dengan nevantug heini kayi te tivuuk he kelibutan, iyan, guntaan neiring en te valu he vahi. Dengan iyan heini edhuna he inged, piru ǥuntaan neiring en heini te uripen.

Penhulùhulù 2:20

He Nengazen, tengtengi key kenikew. Is-isipa nu ke hentei key is impaantus nu te iring kayi. Tenged te utew kegkevitil, migkaan te menge iney is ed-elimahan dan he menge anak dan. Is menge memumuhat wey menge ebpeneuven mibpenhimetayan diyà te valey nu.

Ezekiel 22:5

Sikew is inged, nevantug ka te kelelalung wey kesamuk, edsudien ka te menge nasyun he ziyà te uvey wey meziyù.

Zefanias 2:15

Iyan heeyan egkehitavù diyà te inged he Nineve he mibpahambug is menge meǥinged duen he wazà ebpekekaid kandan, ne ke sikandan diyà te gehinawa zan te, ‘Wazè en duma he ebpekerepeng te kegkemekeǥeǥehem tew!’ Piru egkepurung heini egkezeeti he inged ne egkehimu zà heini he ubpeey te leew he menge langgam. Ne edsudien heini he inged te langun he sumeseǥazà kayi.”