Isaias 20:3 - Manobo Western Bukidnon OT

³ Ne migkaǥi is Nengazen te, “Is suluǥuen ku he si Isaias midhiphipanew he wazè din bisti wey sendalyas seled te tetelu he tuig. Ne sevaha heini he simbulu wey petizaan te Ehipto wey Etiopia.

Isaias 20:3 ပူးပေါင်းရင်းမြစ်များ

Isaias 19:4

Ibpezizalem ku sikandan te gehem te mesipala he hadì.” Iyan heini migkaǥi te Nengazen he MEGBEVAYÀ he Mekeǥeǥehem.

Isaias 37:9

Ne si Hadì Senakerib he hadì te Asiria, duen nezineg din he tudtul he si Hadì Tirhaka he hadì te Etiopia, migenat en te kebpekidtebek kandin. Ne zutun, midsuǥù sikandin te menge menunudtulà diyà te ki Hezekia te kegkaǥi kayi he menge lalag:

Isaias 43:3

Su iyan a, is Nengazen Megbevayè nu, he Waǥas he Megbevayà te Israel, ne iyan a menluluwas nu. Ibeǥey ku ziyà te zuma he nasyun is Ehipto, Etiopia wey Seba he ilis kenikew.

Isaias 8:18

Heini e zed wey is menge anak ku he imbeǥey te Nengazen kedì. Menge tuus key para te Israel he ebpuun diyà te Nengazen he Mekeǥeǥehem. Ed-ubpà sikandin diyà te Buvungan he Zion.

Jeremias 13:1

Migkaǥi is Nengazen kayi te kedì te, “Hipanew ka ne pemasa ka te vahag he linu, ne ivevahag nu heini. Piru kenè nu heini pìpii.”

Ezekiel 12:6

Ne zutun te edtengteng sikandan, bevaa nu is uwiten nu ne ǥenat ka zutun te egkesakep en. Tembuni nu is buked nu su wey nu kenà maahà is tanà. Heini is ebeelan nu ebpezayag te sevaha he petizaan diyà te menge etew te Israel.”

Ezekiel 30:4

Edsurungen is Ehipto, ne ebpekebmereǥen is menge tig-Etiopia. Mahabet is ebpematey ziyà te Ehipto, ne ebpenguwaan is menge ketiǥeyunan kayi he nasyun, ne ebengkaǥen heini.

Ezekiel 30:6

Iyan a, is Nengazen he MEGBEVAYÀ migkaǥi he egkezeetan iyan is diyà te menge nasyun he nekidsevaha te Ehipto, ne egkaawà is gehem he impehivantug te menge Ehiptohanen. Egkeǥerà is meǥinged kayi puun te Migdol pehendiyà te Aswan.

Ezekiel 4:1

Migkeǥiyan a te Nengazen te, “Guntaan, sikew is etew, kuwa ka te brik, ne isavuk nu ziyà te etuvangan nu, ne druwinga nu zuen is inged he Jerusalem.

Ezekiel 4:3

Ne kuwa ka te meluag he putew ne iyan heini iverengbeng nu ziyà te mid-elangan niw zuen te inged. Ne ed-etuvang ka zutun te inged is uvag edsurung kayi. Egkehimu heini he petizaan te menge etew te Israel he edsurungen sikandan te menge kuntada zan.

Zefanias 2:12

Migkaǥi is Nengazen te, “Sikiyu zaan is menge tig-Etiopia, ibpehimetayan ku sikiyu pinaaǥi te tebek.

Zacarias 3:8

Guntaan pemineg ka Josue he lavew he memumuhat: Sikew wey is duma nu he memumuhat, menge tuus kew te edtelinguma he menge hitavù. Su edsuǥuen ku is suluǥuen ku he migngezanan te Subpang.

Numero 14:34

Ne geina te 40 he andew is kebpeniizi te menge meniniid duen te tanà, ne ebpekaantus kew zaan te 40 he tuig tenged te menge salè niw, wey niw metueni ke hengkey is ebeelan ku ke egkepeukan ku is ebpekigkuntada kedì.