Isaias 20:2 - Manobo Western Bukidnon OT

² Dutun te wazè pa heini mehitavù ne migkaǥi is Nengazen diyà te ki Isaias he anak ni Amoz te, “Luwasa nu is bisti nu he saku wey pul-uta nu is sendalyas nu.” Midtuman heini ni Isaias, ne midhiphipanew sikandin is wazà bisti wey sendalyas.

Isaias 20:2 ပူးပေါင်းရင်းမြစ်များ

2 Samuel 15:30

Midtekezeg si David diyà te Buvungan te menge Olibo. Ne wazè din sendalyas ne edtembunan din is ulu zin he edsineǥew. Ne ebpemenineǥew zaan haazà is menge zuma zin he edtambun daan te menge ulu zan.

2 Samuel 6:20

Ne mid-ulì daan si David su ebpenubtuvazan din is tivuuk he pemilya zin, ne midtelavuk sikandin ni Mical he anak ni Saul, ne migkeǥiyan din te, “Henduen te hentei he telehuzen is hadì te Israel guntaan he andew! Midsayew sikandin he samè dà kenà medlelevas dutun te etuvangan te menge suluǥuen he menge vahi te menge upisyal zin. Baal zà heeyan te wazè din keelezan.”

2 Hadì 1:8

Midtavak dan te, “Mibivisti sikandin te hinavel he vulvul te uyaǥen wey bevakes te lundis.” Ne migkaǥi haazà is hadì te, “Iyan sikandin si Elias he tig-Tishbe.”

Salmo 30:11

Tenged te tavang nu, mid-ilisan nu te melipayen he kedsayew is keseengan ku. Impeluwas nu kedì is bisti ku he saku he tuus te kedlalew ku, ne mibeǥayan a kenikew te kelipey.

Exodus 3:5

Migkaǥi is Megbevayà te, “Kenè ke en utew uvey, pul-uta nu is sandalyas nu su segradu heini is tanà he nehitindeǥan nu.”

Isaias 1:1

Heini he libru, ne mehitenged te impahayag te Megbevayà diyà te ki Isaias he anak ni Amoz. Ne heini, mehiten ged te Jerusalem wey Juda hein kedhadì diyà te Juda ni Uzia, ne nesunuzan ki Jotam, ki Ahaz, wey ki Hezekia.

Isaias 13:1

Iyan heini lalag he mehitenged te Babilonia he impehayag te Nengazen diyà te ki Isaias he anak ni Amoz:

Isaias 37:2

Ne impehendiyè din te ki Isaias he anak ni Amoz ensi Eliakim he edumala te turuǥan, si Shebna he sikritaryu, wey is lavew he menge memumuhat. Pudu sikandan mibivisti te saku.

Jeremias 48:37

Is kada sevaha kandan mibpaahà te kegkeseeng din pinaaǥi te kebpevangul, kegkiskis te sumpà, kebpemelìi te velad, wey kebivisti te saku.

Ezekiel 24:17

Diyè nu zà te ǥehinawa nu izag-es is kesakit kayi. Kenè ka lalew. Kenè nu puwasa is tengkulu nu wey kenè nu pul-uta is sandalyas nu, wey kenè nu tembuni is buked nu te kebpaahà he neseeng ka. Kenè ka zaan kaan te menge keenen he para te edlalew he mibpetayan.”

Ezekiel 24:23

Kenè niw zaan ebpuwasen is tengkulu niw wey kenè niw ebpul-uten is sandalyas niw. Kenè kew edsineǥew wey edseengseeng. Edluyahan kew tenged te menge salè niw, ne pesizag-es kew zà.

Ezekiel 4:1

Migkeǥiyan a te Nengazen te, “Guntaan, sikew is etew, kuwa ka te brik, ne isavuk nu ziyà te etuvangan nu, ne druwinga nu zuen is inged he Jerusalem.

Ezekiel 4:5

Is senga andew ebpesavut te senge-tuig. Umbe seled te 390 he andew is kedtianga nu te menge salè dan.

Micas 1:11

“Sikiyu is menge meǥinged diyà te Shafir, ebihaǥen kew ne edumahan he menge lelevas, umbe egkepeel-elezan kew. Is menge meǥinged diyà te Zaanan egkahandek en he egawas diyà te lugar zan te kedtavang keniyu. Is menge tig-Bet Ezel he edsineǥew tenged te kegkezeeti zan ne kenè daan ebpekelavan keniyu.

Micas 1:8

Migkaǥi si Micas te, “Tenged te kegkezeeti te Samaria, ne edisineǥew a wey ebpenhulùhulù a. Edhipanew a he wazà apid te paa ku wey kenà a egkukumbalà su ibpeehè ku is kedlalew ku. Edtaul a iring te leew he asu wey ed-iringan ku is kegkaǥi te ekang.

Zacarias 13:4

Dutun he timpu igkeeled en te menge ebpeneuven is migkaǥi zan he nelewasan dan. Kenè en sikandan ebivisti te bulvulen he visti te ebpeneuven he iyan egemiten dan te kedlimbung.

Josue 5:15

Ne midtavak haazà is peremandar te menge sundaru te Nengazen te, “Pul-uta nu is sandalyas nu su segradu he lugar heini is nehitindeǥan nu.” Ne midtuman ni Josue haazà is insuǥù kandin.

1 Samuel 19:24

Hein diyè en sikandin, midluwas din is kumbalè din, ne ebpenagnè en sikandin dutun te etuvangan ni Samuel. Midluluwas sikandin te tivuuk andew wey mezukilem. Iyan heini menge insà te menge etew, “Nehimu en be he menenagnà si Saul?”