Isaias 2:20 - Manobo Western Bukidnon OT

²⁰ Dutun he andew, is menge ed-ezapen he menge pelata wey menge vulawan he mibeelan dan su ed-ezapen dan, ibpenimbag dan diyà te menge rumat wey menge kaveg.

Isaias 2:20 ပူးပေါင်းရင်းမြစ်များ

Genesis 35:4

Ne haazà is menge ed-ezapen dan wey menge eritis, imbeǥey zan ki Jacob ne inleveng din diyà te sihung te kayu he ulayan diyà te uvey te Shekem.

Megwewali 3:6

duen timpu te kebpen-ahà wey timpu zaan te kedtazin, duen timpu te kedtipig wey timpu zaan te kedlaga,

Isaias 10:3

Hengkey is ebeelan niw zutun te andew he edsilutan kew? Hengkey is ed-ul-ulahan niw emun ebpekeuma is kezeetan he ebpuun te meziyù? Hentei is ebuyuan niw te tavang? Wey hendei niw id-eles is ketiǥeyunan niw?

Isaias 17:8

Kenè dan en edangep diyà te menge pemuhatà he mibeelan dan dà. Kenè dan en edseǥipaan is menge tukud he simbulu te ed-ezapen he si Ashera, wey is menge pemuhatà he edtutungan dan te veyewà, menge pemuhatà he vineelan dan dà daan.

Isaias 30:22

Igkeremerik niw en is menge ed-ezapen niw he mibpekeplaan te pelata wey vulawan. Idtimbag niw heini iring te meremerik he terapu, ne egkaǥi kew te, “Kenè ku en sikiyu egkesuatan te ed-ahà!”

Isaias 31:7

Su egkeuma is timpu he idselikwey niw is tarù he menge ed-ezapen niw he pelata wey vulawan, he mibeelan niw tenged te mekesesalè kew.

Isaias 40:19

Iyan be is menge ed-ezapen he ebeelan dà te pandey, ne ed-epizan te vulawan wey edeyzeyanan te kedina he pelata?

Isaias 46:1

Is menge ed-ezapen diyà te Babilonia he si Bel wey si Nebo ebpekezungul zutun te kegkergaha kandan te kerwahi he eguyuzen te menge asnu. Meveǥat heini he karga te egkeveley he menge asnu.

Isaias 46:6

Is duma he menge etew ibpeǥawas dan is bulawan wey pelata zan, ne edsuluhan dan is platiru su wey zin heini meveeli he ledawan su ed-ezapen dan, ne ed-ezapen dan heini.

Ezekiel 14:6

“Umbe ǥuntaan, keǥiyi nu is menge Israilihanen he siak, is Nengazen he MEGBEVAYÀ, migkaǥi a te: Helina niw is isip niw ne iselikwey niw is menge ed-ezapen niw wey engkezi niw is langun he utew mezaat he menge vaal.

Ezekiel 36:25

Ed-itisan ku sikiyu te lumpiyu he wahig para maawà diyà te keniyu is langun he meremerik, ne kenè kew en ed-uman ed-azap te zuma he menge ed-ezapen.

Ezekiel 7:19

Ibpenimbag dan is menge pelata zan wey menge vulawan dan diyà te menge zalan he henduen be te meremerik he menge vutang. Kenà heini ebpekelibri kandan dutun te andew he ibpeehè ku is kegkepauk ku. Kenà heini ebpekahantey kandan su iyan heini hinungdan te kebaal zan te salà.

Hoseas 14:8

“Is menge tig-Israel, kenè dan en edangep diyà te zuma he menge ed-ezapen. Iyan a edtavak te menge kebpengemuyù niw wey ed-elima keniyu. Edipinsahan ku sikiyu. Iring a te kayu he sipris he merapung, he ebpekelambung. Iyan a ebpeuswag keniyu.”

Zefanias 2:11

Utew sikandan ebpelihendeka te Nengazen su edezeetan din is langun he menge ed-ezapen kayi te kelibutan. Ne ed-azap kandin is menge etew ziyà te kada nasyun diyà te keugelingen dan he lugar.”