Isaias 2:2 - Manobo Western Bukidnon OT

² Diyà te huziyan he menge andew, sikan is buvungan he edhitindeǥan duen te valey te Nengazen egkehimu he lavew he impurtanti te langun he menge vuvungan. Ne ebpekeuma kayi he vuvungan is mahabet he menge etew he ebpemuun diyà te langun he menge nasyun.

Isaias 2:2 ပူးပေါင်းရင်းမြစ်များ

Genesis 49:1

Ne zutun mid-umew ni Jacob is menge anak din, ne ke sikandin te, “Pen-uvey kew kayi su wey ku sikiyu mekeǥiyi ke hengkey is egkeulaula keniyu keuzemà.

Job 19:25

“Piru netuenan ku he is uuyag he Megbevayà iyan edlavan kedì, ne egkeuma is timpu keuzemà te kebpekeuma zin dini te tanà te kedlavan kedì.

Salmo 102:23

Wazè pa meepus is untung ku, ne impemeluya ad te Nengazen; impemevavè din is untung ku.

Salmo 2:8

Buyù ka kayi te kediey ne ibeǥey ku kenikew is menge nasyun, taman te pinekemeziyù he lugar te tivuuk he kelibutan para maangken nu heini, ne edtumanen ku heeyan.

Salmo 22:27

Egketenuzan ka te langun he menge etew ziyà te minsan hendei kayi te tivuuk he kelibutan ne edlikù dan diyà te kenikew, Nengazen, ne ed-ezapen ke zan,

Salmo 22:28

Su iyan ka hadì, ne iyan ka edumala te menge nasyun.

Salmo 48:2

Mekempet is ketikang kayi he vuvungan ne ebpekeveǥey te kelipey te tivuuk he kelibutan. Heini is segradu he Buvungan he Zion iyan inged te Mekeǥeǥehem he Hadì.

Salmo 68:17

Nekeuma is Nengazen diyà te valey zin he ebpuun diyà te Sinai duma te linibu he menge kerwahi zin.

Salmo 72:8

Berakat he is ginhedian din ebpuun te sevaha he zaǥat ne taman en te sevaha pa he zaǥat, wey puun te Wahig he Eufrates ne taman te kinemeziyuan he vahin te kelibutan.

Salmo 86:9

Edsimba kenikew is langun he menge etew ziyà te menge nasyun he midlimbag nu. Ne edeliǥen ke zan.

Salmo 87:1

Midtukud te Megbevayà is inged he Zion; diyè din benguna te segradu he menge vuvungan. Lavew is kebmahala zin kayi he inged te kebmahala zin te langun he zuma he menge lugar ziyà te Israel.

Isaias 11:10

Egkeuma is andew he is beǥu he hadì he kevuwazan ni David, egkeiring te bendirà he iyan tuus te menge etew ziyà te menge nasyun he kinahanglan edtiǥum dan. Edtiǥum dan diyà te kandin. Ne egkevantug is ubpeey zin.

Isaias 25:6

Kayi te Buvungan he Zion, ebpengandam is Nengazen he Mekeǥeǥehem te sevaha he keemuran te para te langun he menge etew. Ne zutun metaam he menge keenen wey menge inumen is id-andam din.

Isaias 27:13

Dutun he timpu ibpezaǥing is mezaǥing he vudyung. Ne ebpemenlikù diyà te Jerusalem is menge Israilihanen he nekaantus te kegkevihaǥa kandan diyà te Asiria wey Ehipto. Ne ed-ezapen dan is Nengazen, diyà te segradu he vuvungan diyà te Jerusalem.

Isaias 30:29

Piru sikiyu is menge etew te Megbevayà egkanta kew mulà iring te layun niw ebeeli zutun te mezukilem he edsilibrahan niw is pista te kebeǥayi te Nengazen te zengeg. Edlipey kew mulà iring te menge etew he ebmartsa he egkumpas te zaǥing te pulalà dutun te kedhendiyè dan te Buntud te Nengazen te ked-azap kandin te vatu he endilungà te Israel.

Isaias 49:6

Migkaǥi sikandin te, “Sikew is suluǥuen ku, zuen pa zekelà he vuluhaten ku he ebpeveelan ku kenikew, gawas te kebpelikùa nu te menge Israilihanen he ebpengelangan ku. Edhimuwen ku pa sikew he iring te sulù he ebpeketayew te menge nasyun, su para zuen kelibriyanan kayi te tivuuk he kelibutan he egkaangken te menge etew.”

Isaias 56:5

Edtuǥutan ku sikandan te kedseled diyà te valey ku ne ebeǥayan ku sikandan te zengeg he lavew pa te zengeg he egkezawat dan emun duen dan menge anak. Kenà sikandan egkelipatan te menge etew te taman te taman.

Isaias 56:7

Ed-uwiten ku sikandan diyà te segradu he vuvungan ku, ne edlipayen ku sikandan diyà te valey ku he elempuanan. Edewaten ku ziyà te pemuhatà he para kediey is menge pemuhat dan he edtutungen wey zuma pa he menge pemuhat; su is baley ku egngezanan te valey he elempuanan te menge etew ziyà te langun he menge nasyun.”

Isaias 60:3

Ed-uvey is menge etew ziyà te menge nasyun wey is menge hadì dan diyà te kerayag nu.

Isaias 65:11

“Piru edsilutan ku sikiyu is edselikwey kediey wey kenà edseǥipà te segradu he vuvungan ku, kekenà, iyan ebpemuhaten niw is menge ed-ezapen he edtuuwan niw he ebpekeveǥey keniyu te meupiya he ked-ubpà.

Isaias 66:20

Ne id-ulì dan is langun he menge zuma niw he Israilihanen puun keniyan he menge nasyun; ne ed-untud dan te menge kudà, menge mula wey menge kemilyu, wey menge kerwahi wey kerumata. Edumahan dutun te menge menunudtulà sikandan diyà te segradu he vuvungan ku ziyà te Jerusalem su iring sikandan te pemuhat kayi te kediey. Iring heini te ebeelan te menge Israilihanen he ed-uwit diyà te valey ku te menge pemuhat he para gasa he intaǥù diyà te lumpiyu he teleǥuey.

Isaias 66:23

Ne kada kebpuun te hayag wey kada Andew te Kedhimeley ne ed-azap kedì is langun he menge etew. Iyan a, is Nengazen, is egkaǥi kayi.

Jeremias 16:19

Migkaǥi a te, “He Nengazen, iyan ka zesen ku wey eputà emun timpu te kelised. Ed-uvey ziyà te kenikew is menge etew ziyà te menge nasyun he ebpemuun diyà te nekedseselekawà he vahin kayi te kelibutan ne ke sikandan te, ‘Wazà pulus te menge ed-ezapen te menge kepuun dey. Wazà keupiyaanan he nehimu kayi ziyà te kandan.

Jeremias 23:20

Kenà iyan egkaawà is pauk ku taman te egkeveelan ku is egkesuatan ku te ebaal. Ne ziyà te huziyan he timpu egkepurung niw zed egkesavut heini.

Jeremias 26:18

“Hein si Hezekia pa is hadì te Juda, si Mica he tig-Moreshet, midtudtul zin diyà te langun he menge etew kayi te Juda is menge lalag te Nengazen. Ke sikandin te, ‘Migkaǥi is Nengazen he Mekeǥeǥehem he edezeetan is Zion, is inged te Jerusalem. Egkeiring heini te mid-eradu he bevesukà, ne egkehimu heini he egketembuan te menge nengeǥevà. Ne egkehimu heini he ketelunan is buvungan he mibengunan te valey te Nengazen.’

Jeremias 3:17

Dutun he timpu egngezanan niw is Jerusalem he ‘Pinuuwà te Nengazen te Kedhadì Din,’ ne is langun he menge etew ziyà te menge nasyun edtiǥum dan diyà te Jerusalem te kebayew te ngazan te Nengazen. Kenè dan en ebpezumdumahan is kegkemesinupaken te mezaat he ǥehinawa zan.

Jeremias 30:24

Ne kenà egkaawà is utew ku kegkepauk emun kenè ku pa egkeveelan is egkesuatan ku te ebaal. Ne ziyà te huziyan he menge andew egkesavut niw zed heini.”

Jeremias 31:12

Edhendiyè dan te Buvungan he Zion ne ed-ugyab sikandan tenged te kegkelipey. Egkelipey zan tenged te menge keupiyaanan he ibeǥey ku kandan–he iyan is uzar he trigu, binu, lana, wey menge uyaǥen. Egkeiring sikandan te pemuleey he layun ebinyaǥi, ne kenè dan en egkeseeng.

Jeremias 48:47

Piru ziyà te huziyan he timpu, idlikù ku zed is meupiya he kebpekesavuk diyà te Moab. Iyan a, is Nengazen, is migkaǥi kayi.” Iyan heini menge lalag mehitenged te Moab.

Jeremias 49:39

Piru ziyà te huziyan he timpu idlikù ku zed is meupiya he kebpekesavuk diyà te Elam. Iyan a, is Nengazen, is migkaǥi kayi.”

Jeremias 51:44

Edsilutan ku si Bel is ed-ezapen diyà te Babilonia. Ibpeutè ku kandin is mibpen-eveleng din. Kenè en ebpekeuma is mahabet he menge etew he ebpuun diyà te menge nasyun he ed-azap kandin. Ne egkengetempag is berengbeng te Babilonia.

Ezekiel 38:16

Edsurungen nu is menge etew ku he Israilihanen he henduen kew te ǥapun he ebpeketambun te tanà. Uya, ibpesurung ku kenikew Gog, is nasyun ku te huziyan he timpu. Ne pinaaǥi te ebpeveelan ku kenikew, igkepeehè ku ziyà te menge nasyun is kegkewaǥas ku. Ne egketuenan dan he iyan a Nengazen.’ ”

Daniel 10:14

Ne ǥuntaan, kayi a su wey ku ikepesavut kenikew ke hengkey is egkehitavù te zuma nu he menge Israilihanen te huziyan he timpu, su is kenikew he naahà mehitenged te egkehitavù te huziyan he timpu.”

Daniel 2:28

Piru zuen Megbevayà diyà te langit he ebpezayag te menge nekeeles he ketutuanan. Mahal he Hadì, pinaaǥi te teǥeinep nu, ibpetuenan te Megbevayà kenikew ke hengkey is huziyan he egkehitavù. Guntaan, idseysey ku kenikew is nelewasan nu pinaaǥi te teǥeinep nu.

Daniel 2:35

Ne nelaus en mevekbek haazà is tivuuk he ledawan he putew, brik, brunsi, pelata, wey vulawan. Ne neiring heini te ukap te ginunas he ibpenlayap te keramag diyà te minsan hendei. Piru haazà is batu he nekevekbek duen te paa te ledawan, midekelà ne nehimu he vuntud he nekeeneb te tivuuk he kelibutan.

Daniel 2:45

Iring duen te neehè nu he vatu he midtipak puun te vuntud (piru kenà etew is midtipak duen) he nekevekbek duen te ledawan he putew, brunsi, brik, pelata, wey vulawan. “Mahal he Hadì, mibpezayag is mekeǥeǥehem he Megbevayà diyà te kenikew ke hengkey is huziyan he egkehitavù. Ne iyan heeyan kes teǥeinep nu wey kehuluǥan din. Ne tutuu heini is langun he migkaǥi ku.”

Hoseas 3:5

Piru ziyà te huziyan, he edtelinguma he menge andew, edlikù dan edangep diyà te Nengazen he Megbevayè dan wey ziyà te hadì dan he kevuwazan ni David. Ed-uvey zan diyà te Nengazen duma is kedtahud tenged te ketulanged din.

Zacarias 14:10

Egkehimu he suǥud is tivuuk he tanà puun te Geba ziyà te zizaya pehendiyà te Rimon diyà te zivavà te Jerusalem. Piru ebmetikang is Jerusalem diyà te nepelestaran din, ne ed-ubpaan heini puun te pultahan ni Benjamin pehendiyà te nepelestaran te Kezaan he Pultahan, ne pehendiyè en te Pultahan diyà te Suyuk; wey puun te Turi ni Hananel pehendiyà te keresà te paras te hadì. Kenè en ed-umanen edezeeti is Jerusalem, ne is menge meǥinged kayi ebpengungubpaan en he wazà ebpekezezaat kandan.

Zacarias 14:9

Iyan is Nengazen egkehimu he hadì te tivuuk he kelibutan. Iyan dà sikandin egkilelaan he Megbevayà ne wazè en duma.

Zacarias 8:22

“Mahabet he menge etew he ebpemuun diyà te gehemanen he menge nasyun is edhendiyà te Jerusalem te kedsimba wey kedhangyù te tuvad.

Zacarias 8:3

Edlikù a ziyà te Zion, kes inged he Jerusalem, ne ed-ubpà a ziyà. Ne egngezanan is Jerusalem te Metinumanen he Inged wey egngezanan heini is buvungan ku te Buvungan he Segradu.

Malakias 3:12

Ne is menge etew ziyà te langun he menge nasyun egngezanan kew zan te utew zeyzey su is tanè niw egkehimu man he dezeyaan is ked-ubpà duen, migkaǥi is Nengazen he Mekeǥeǥehem.”

Numero 24:14

Guntaan, ed-ulì ad diyà te menge emurè ku te inged. Piru ebpetizeenan ku sikew he zaan ke hengkey is ebeelan kayi he menge etew ziyà te menge etew nu ziyà te huziyan he menge andew.”