Isaias 2:18 - Manobo Western Bukidnon OT

¹⁸ Ne egkahanew is langun he tarù he menge ed-ezapen.

Isaias 2:18 ပူးပေါင်းရင်းမြစ်များ

Isaias 2:17

Dutun he andew iyan dà edeliǥen is Nengazen. Ibpekevavè din is ked-etew te menge hembugiru wey menge mepelevawen.

Isaias 21:9

Ne ǥuntaan, ahàa niw man duen egkeehè ku he edhendini he menge kerwahi wey pereuntud te kudà he mibparisparis.” Ne mibpedayun megkaǥi haazà is bantey te, “Nezeetan en bes utew is Babilonia. Nengerupet en is langun he menge ledawan he menge ed-ezapen kayi ne nekepeyapat diyà te tanà.”

Isaias 27:9

Wey zà sikandan egkepesaylu emun edrupeten dan is menge vatu he pemuhatè dan, ne ebekbeken dan heini, wey id-awè dan is menge tukud he simbulu te ed-ezapen he si Ashera, wey is menge pemuhatà he edtutungan dan te veyewà.

Isaias 46:1

Is menge ed-ezapen diyà te Babilonia he si Bel wey si Nebo ebpekezungul zutun te kegkergaha kandan te kerwahi he eguyuzen te menge asnu. Meveǥat heini he karga te egkeveley he menge asnu.

Jeremias 10:11

Keǥiya heini te menge ed-azap te zuma he menge ed-ezapen: “Is menge ed-ezapen niw he wazà iyan medlimbag te kelibutan wey langit, ne egkahanew kayi te kelibutan.”

Jeremias 51:18

Wazè kayi pulus wey telemayen heini. Emun timpu en te kedsilut ne egkezeetan sikandan is langun.

Ezekiel 30:13

Migkaǥi pa is Nengazen he MEGBEVAYÀ te, “Edèdeetan ku zaan is menge ledawan te menge ed-ezapen diyà te Memfis. Wazè en ebpengulu te Ehipto ne ebpelihendeken ku is langun he meǥinged kayi.

Ezekiel 36:25

Ed-itisan ku sikiyu te lumpiyu he wahig para maawà diyà te keniyu is langun he meremerik, ne kenè kew en ed-uman ed-azap te zuma he menge ed-ezapen.

Ezekiel 37:23

Kenè dan en ed-umanan edremeriki is keugelingen dan pinaaǥi te ked-azap te mezaat he menge ed-ezapen dan, wey kebaal te minsan hengkey he salà, su edlibriyen ku sikandan te langun he menge salè dan, ne edlumpiyuwan ku sikandan. Egkehimu sikandan he menge etew ku ne egkehimu a he Megbevayè dan.

Ezekiel 6:6

Is kada inged niw ne edezeetan. Egkengerupet is menge simbahan niw ziyà te metikang he menge lugar, menge ed-ezapen, menge pemuhatà, ragkes is menge pemuhatà he edtutungan te menge veyewà, wey is duma pa he iring kayi te menge vineelan niw.

Hoseas 14:8

“Is menge tig-Israel, kenè dan en edangep diyà te zuma he menge ed-ezapen. Iyan a edtavak te menge kebpengemuyù niw wey ed-elima keniyu. Edipinsahan ku sikiyu. Iring a te kayu he sipris he merapung, he ebpekelambung. Iyan a ebpeuswag keniyu.”

Micas 1:7

Egkengerupet is langun he menge ledawan te menge ed-ezapen diyà te Samaria, ne egketutung is langun he imbayad te menge maama te kebpekidhilavet dan te menge vahi he ebelegyà te zengeg dan diyà te simbahan. Neketiǥum is menge tig-Samaria te menge ledawan pinaaǥi te kebeyazi te menge vahi he ebelegyà te zengeg dan diyà te simbahan. Umbe ǥuntaan, is menge kuntada zan, egkuwaan dan is menge pelata wey menge vulawan he impekaplà diyà te menge ledawan dutun su ibayad dan daan wey zan mekepekidhilavet te menge vahi ziyà te simbahan para te zuma he menge ed-ezapen diyà te kandan.”

Micas 5:13

Ne kenè kew en ebpekaazap te menge ledawan wey tedeman he menge vatu he mibeelan niw, su edrupeten ku heini,

Zefanias 1:3

is menge etew, is menge langgam ragkes en is menge tagbis wey menge isdà. Id-awè ku is menge edtukù te menge etew wey zan mekesalà ragkes en is menge mekesesalà. Edezeetan ku is langun he etew ziyà te tanà. Iyan a, is Nengazen, is migkaǥi kayi.

Zefanias 2:11

Utew sikandan ebpelihendeka te Nengazen su edezeetan din is langun he menge ed-ezapen kayi te kelibutan. Ne ed-azap kandin is menge etew ziyà te kada nasyun diyà te keugelingen dan he lugar.”