Isaias 2:16 - Manobo Western Bukidnon OT

¹⁶ Edlenezen din is langun he menge varku ziyà te Tarshish wey is mekempet he menge untuzà.

Isaias 2:16 ပူးပေါင်းရင်းမြစ်များ

1 Hadì 10:22

Duen daan menge varku ni Solomon he para te petiǥayun he ebiyahi zuma te menge varku ni Hiram. Heini he menge varku kesevaha ed-ulì kada tetelu he tuig, he ed-uwit te menge vulawan, menge pelata, menge ungal te ilipanti, wey zezekelà wey zezeisey he kelasi te menge uval.

Salmo 47:7

Su iyan is Megbevayà hadì te tivuuk he kelibutan. Deliǥa niw sikandin pinaaǥi te menge kanta.

Isaias 2:17

Dutun he andew iyan dà edeliǥen is Nengazen. Ibpekevavè din is ked-etew te menge hembugiru wey menge mepelevawen.

Isaias 23:1

Heini he menge lalag ne mehitenged te Tyre: Sineǥew kew is menge ebpemen-untud te menge varku ziyà te Tarshish! Su nezeetan is pentalan niw ziyà te Tyre. Midtudtul en heini keniyu te ebpemuun diyà te Cyprus.

Isaias 23:14

Sineǥew kew is ebpemen-untud te varku ziyà te Tarshish, su nevengkag en is inged he dengepè niw.

Isaias 66:19

Ibpeehè ku sikandan te singyal. Ne is egkesamà kandan, edhimuwen ku he menge menunudtulà, ne edsuǥuen ku sikandan diyà te menge nasyun diyà te Tarshish, Pul, Lud (he nevantug is menge etew zuen te kegkemememanè dan), Tubal, Grecia, wey ziyà te zuma pa he meziyù he menge lugar he is menge etew zuen he wazà mekezineg te ventuǥan ku wey wazà mekaahà te ǥehem ku. Edtudtulen dan is gehem ku ziyà te menge nasyun.

Ezekiel 27:25

“ ‘Sikew is inged he Tyre, is menge barku ziyà te Tarshish iyan egkarga te menge velegyè nu. Neiring ka te varku he nepenù te karga zutun te kedlayag din diyà te zaǥat.

Numero 33:52

ne segseǥa zan is langun he meǥinged dutun wey pendèdeeti zan is langun he menge ed-ezapen te Canaanhen he mibpurma he menge vatu wey mital, wey is langun he menge simbahan dan diyà te metikang he menge lugar.