Isaias 18:4 - Manobo Western Bukidnon OT

⁴ Su iyan heini migkaǥi te Nengazen kayi te kediey: “Ke hendei a ebpinuu ne edtengteng a puun dutun he melinawen. Iring te kedsilà te andew emun meudtu wey kegkepurma te zehemug dutun te meǥenew he kezukileman emun tiraǥun.”

Isaias 18:4 ပူးပေါင်းရင်းမြစ်များ

2 Samuel 23:4

iring sikandin te anlag te andew he edsilà ke meselem he wazà gapun, he ebpekepesinew te neuzanan he menge sagbet!’

2 Cronica 6:21

Pemineǥa nu is menge hangyù ku wey hangyù te menge etew nu he Israilihanen te kebpengemuyù dey he kayi he lugar ed-etuvang. Pemineǥa nu keniyan te ubpeey nu he langit. Ne emun egkezineg key kenikew, ne peseyluwa key.

Salmo 72:6

Berakat he egkeiring sikandin te uzan he ebpekeveǥey te wahig kayi te kelibutan.

Erubasa 19:12

Emun egkepauk is hadì ne iring haazà te edhiniǥer he erimaung, iyan, is tavang din igkepetug-iring daan te zehemug he ebpekepetuvù te pinemula.

Isaias 12:6

Ugyab kew wey megkanta te kelipey, is menge etew te Jerusalem. Su mekeǥeǥehem is Waǥas he Megbevayà te Israel he iyan duma niw.”

Isaias 14:32

Hengkey is idtavak tew te menge menunudtulà he ebpuun te Filistia? Egkeǥiyan tew sikandan te, “Is Nengazen iyan mibangun te Jerusalem, ne dengepà heini te menge etew zin he nengerasey.”

Isaias 18:7

Piru zuen timpu he egkeuma he zutun edawat is Nengazen he Mekeǥeǥehem te gasa he ebpuun kayi te tanà he nevahin pinaaǥi te zezekelà he menge wahig. Ibeǥey heini te menge etew kayi he memelangkew wey memetilak is kedlulundis. Mekeǥeǥehem sikandan ne igkikinehendekà diyà te minsan hendei. Ed-uwiten dan is menge gasa zan diyà te Buvungan he Zion, he zutun ebeǥayi te zengeg is Nengazen he Mekeǥeǥehem.

Isaias 26:19

Piru egkevanhew is menge etew nu he nemematey. Ed-enew sikandan is egkanta tenged te kelipey iring te zehemug emun meselem he ebpekeveǥey te keǥenew te tanà, sikew Nengazen ebenhawen nu is menge minatey.”

Isaias 26:21

Su edhendini en sikandin puun te ubpeey zin su edsilutan din is menge meǥinged kayi te kelibutan tenged te menge salè dan. Ibpeǥawaǥawe en diyà te tanà is menge etew he mibpenhimetayan; ne kenè din en heini id-eles.

Isaias 31:9

Ebpemelaǥuy is menge sundaru zan tenged te utew zan kegkahandek ne ebpekedsusuwey is menge upisyal zan emun egkeehè dan is bendirà te menge kuntada zan. Iyan heini migkaǥi te Nengazen, he egkeregreg is hapuy zin diyà te Zion, kes inged he Jerusalem.

Isaias 46:13

Kenà egkeuǥet, ebeǥayan ku te kezeeǥan wey ketazeng is Jerusalem. Uya, meǥaan ku en heini edlibriya, ne ebeǥayan ku te zengeg is Israel.

Isaias 57:15

Iyan daan heini egkeǥiyen te Utew Lavew he Megbevayà, kes Waǥas he Megbevayà he wazà pidtemanan te untung din: “Diyà a ed-ubpà te metikang wey segradu he lugar, piru ed-ubpa a zaan duma te menge etew he kenà ebpelavew wey mid-iniyug te mezaat he ulaula su wey ku sikandan melig-eni.

Hoseas 14:5

Edtuvazan ku is menge tig-Israel. Egkeiring a te zehemug he ebpekevinyag te menge pinemula. Ed-uswag sikandan iring te liryu he ebpemulak. Ebmelig-en sikandan iring te kayu he sidru ziyà te Lebanon he mezalem is nesenevan te zalid din.

Hoseas 5:15

Ne kegkepasad dutun edlikù a ziyà te lugar ku, taman te ed-engkenen dan is menge salè dan. Ne edangep dan kayi te kedì tenged te kegkerasey zan.”

Joel 3:17

Menge tig-Juda, egketuenan niw he iyan a, is Nengazen he Megbevayè niw, mid-ubpà a ziyà te Zion he segradu he vuvungan ku. Ne egkeuman en maan egkehimu he segradu is Jerusalem; kenè ne heini ed-umanan edsurunga te menge etew ziyà te zuma he menge nasyun.

Amos 3:7

Benar iyan, wazà minsan hengkey he ebeelan te Nengazen he MEGBEVAYÀ emun wazè din ikehuna ikepezayag diyà te menge suluǥuen din he menge ebpeneuven.