Isaias 18:1 - Manobo Western Bukidnon OT

¹ Mekehizuhizu is menge etew ziyà te veyvey te zezekelà he menge wahig diyà te Etiopia, he zutun egkezineg is rekubkub te zezeisey he menge keranapranap.

Isaias 18:1 ပူးပေါင်းရင်းမြစ်များ

2 Hadì 19:9

Ne si Hadì Senakerib he hadì te Asiria, duen nezineg din he tudtul he si Hadì Tirhaka he hadì te Etiopia migenat en te kebpekidtebek kandin. Ne zutun, midsuǥù sikandin te menge menunudtulà diyà te ki Hezekia te kegkaǥi kayi he menge lalag:

Salmo 17:8

Ilikey a kenikew te kezeetan iring te kedlikaya te etew te mata zin wey kenà mesazir, ne pengelangi a kenikew iring te kebpengalang te tagbis te menge anak din pinaaǥi te kedlekupi zin kandan.

Salmo 36:7

Megbevayè ku, utew mahal is gaǥew nu. Ebpengelangan nu is menge etew iring te kedlekupi te tagbis te pispis din.

Salmo 57:1

Kehizuwi a, Megbevayè ku, su ziyà a te kenikew med-aput, iring a te pispis te tagbis he ebpelekup te iney zin. Ed-aput a ziyà te kenikew taman te wazè en bangkit.

Salmo 61:4

Ipeubpà a ziyà te valey nu te wazà pidtemanan. Ipaaput a ziyà te kenikew iring te kebpeeputa te tagbis te menge pispis din pinaaǥi te kedlekupi zin kandan.

Salmo 63:7

su iyan ka midtavang kedì. Ne ed-ugyab a te kegkelipey zutun te kebpeeputa nu kedì diyà te kenikew he iring te kedlekupi te tagbis te menge pispis din.

Salmo 91:4

Edlekupan ke zin iring te piyak ne wazà ebpekekaid kenikew. Is kebmetinumanen din iyan kelasag nu wey pengalang nu.

Isaias 31:1

Mekehizuhizu kew is mibuyù te tavang diyà te Ehipto. Midsarig kew te meǥaan he menge kudè dan, mahabet he menge kerwahi zan, wey memezesen he menge pereuntud dan te kudà. Piru wazè kew midsarig te Nengazen, he Waǥas he Megbevayà te Israel, ne wazè kew mebuyù te tavang din.

Isaias 37:9

Ne si Hadì Senakerib he hadì te Asiria, duen nezineg din he tudtul he si Hadì Tirhaka he hadì te Etiopia, migenat en te kebpekidtebek kandin. Ne zutun, midsuǥù sikandin te menge menunudtulà diyà te ki Hezekia te kegkaǥi kayi he menge lalag:

Isaias 45:14

Migkeǥiyan te Nengazen is Israel te, “Egkehimu he sakup nu is menge tig-Ehipto wey menge tig-Etiopia, ragkes en is menge tig-Seba he memelangkew is menge maama kandan. Edhendiyà sikandan te kenikew he ed-uwit te menge ketiǥeyunan dan wey menge pruduktu. Egkehimu sikandan he menge vihag nu. Edluhuzan ke zan duma is kebpehizuhizu he egkaǥi te, ‘Tutuu he nekiduma kenikew is Megbevayà ne iyan dà sikandin Megbevayà!’ ”

Ezekiel 30:9

“Dutun he timpu, edsuǥù a te menge menunudtulà he ed-untud te menge untuzà he tenged kandan utew egkahandek is menge tig-Etiopia he ebpeeyehey zà. Egkeheratan sikandan dutun te timpu te kedèdeeti te Ehipto su siguradu egkeuma heeyan he timpu.”

Zefanias 2:12

Migkaǥi is Nengazen te, “Sikiyu zaan is menge tig-Etiopia, ibpehimetayan ku sikiyu pinaaǥi te tebek.

Zefanias 3:10

Is menge etew ku he nekepeyapat diyà te egkehunaan te menge wahig diyà te Etiopia ed-uwit kayi te kediey te menge pemuhat.

Ruth 2:12

Berakat he suhuli ka te Nengazen tenged te meupiya he mid-ulaula nu. Berakat he utew lavew is kedtuvazi kenikew te Nengazen he Megbevayà he Megbevayà te Israel, su mid-aput ka zini te kandin.”