Isaias 17:9 - Manobo Western Bukidnon OT

⁹ Dutun he andew egkengevengkag is melig-en he menge inged dan, ne ed-ewaan dan dà heini. Egkeiring heini te menge inged te menge Amunihanen wey menge Hivihanen he mid-ewaan dan hein nekeuma is menge Israilihanen.

Isaias 17:9 ပူးပေါင်းရင်းမြစ်များ

Isaias 17:10

Egkehitavù heini keniyu te menge tig-Israel, su ǥeinà te midlipatan niw is Megbevayà he menluluwas niw, he iyan batu he egkeendilungan niw. Umbe minsan ebpemula kew pa te meupiya he kelasi te menge pinemula, iring te paras he ebpuun pa ziyà te zuma he lugar,

Isaias 17:8

Kenè dan en edangep diyà te menge pemuhatà he mibeelan dan dà. Kenè dan en edseǥipaan is menge tukud he simbulu te ed-ezapen he si Ashera, wey is menge pemuhatà he edtutungan dan te veyewà, menge pemuhatà he vineelan dan dà daan.

Isaias 27:10

Nevengkag en is inged he neliǥuy te verengbeng. Nehimu en heini he mekevulungbulung iring te sibsivayan, ne wazè en ed-ubpà kayi. Nehimu zà heini he penebtavà wey himelayà te menge vaka. Ed-eminen edtebtava te menge vaka is menge zahun te menge subpang.

Hoseas 10:14

ne egkehitavù diyà te keniyu is tebek ne egkewaǥey is binerengbeng he menge inged niw. Ebeelan te menge kuntada niw is iring te mibeelan ni Shalman diyà te inged he Bet Arbel, iring te midruntek din is menge iney wey is menge anak dan.

Amos 7:9

Edrundusen ku is menge simbahan diyà te metikang he menge lugar he zutun ed-azap is menge tig-Israel he menge kevuwazan ni Isaac. Ne ibpesurung ku te menge kuntada is Israel, he ginhedian ni Hadì Jeroboam.”

Micas 5:11

Edweǥayen ku is menge inged niw ragkes en is binerengbeng he menge inged.

Micas 6:16

Egkehitavù heini keniyu su ǥeina te mid-iringan niw is mezaat he menge vaal, menge sulunuzen, wey menge sambag ni Hadì Omri wey te anak din he si Hadì Ahab. Umbe, edezeetan ku sikiyu, ne ed-un-undahan kew wey edsudien te menge etew ziyà te zuma he menge nasyun.”

Micas 7:13

Egkehimu he mekevulungbulung is menge nasyun kayi te kelibutan tenged te kegkezeeti te menge meǥinged kayi.”