Isaias 17:8 - Manobo Western Bukidnon OT

⁸ Kenè dan en edangep diyà te menge pemuhatà he mibeelan dan dà. Kenè dan en edseǥipaan is menge tukud he simbulu te ed-ezapen he si Ashera, wey is menge pemuhatà he edtutungan dan te veyewà, menge pemuhatà he vineelan dan dà daan.

Isaias 17:8 ပူးပေါင်းရင်းမြစ်များ

2 Samuel 22:42

Mibuyù dan te tavang, piru wazà midlibri kandan. Nengumew-umew zan kenikew, piru wazè nu sikandan tevaka.

2 Cronica 14:5

Imperundus din is menge simbahan diyà te metikang he menge lugar wey menge pemuhatà he edtutungan te menge veyewà diyà te langun he inged te Juda. Umbe zuen kelinew te ginhedian te Juda te timpu he iyan hadì si Asa.

2 Cronica 31:1

Ne hein nepasad haazà is pista, is menge Israilihanen he midtelavuk dutun midhendiyà te menge inged te Juda ne mibpenrupet dan is tedeman he menge vatu wey mibpenamped dan is menge tukud he simbulu te vahi he ed-ezapen he si Ashera. Mibpenrundus dan is menge simbahan diyà te metikang he menge lugar wey is menge pemuhatà diyà te tivuuk he Juda wey Benjamin, wey ziyà te Efraim wey Manase. Ne hein nepasad dan haazà te ebpenrundus, ne mid-ulì sikandan diyà te menge inged dan wey tanè dan.

2 Cronica 34:4

Mibpezèdeetan din daan is menge pemuhatà he para te menge ledawan te ed-ezapen he si Baal wey is menge pemuhatà he edtutungan te veyewà diyà te avey kayi. Imperuntek din is menge tukud he simbulu te vahi he ed-ezapen he si Ashera wey is duma he menge ed-ezapen wey menge ledawan, ne insawed din heini ziyà te menge leveng te menge etew he nemuhat kayi he menge ed-ezapen.

Exodus 34:13

Umbe, pemengkaǥa niw is menge pemuhatè dan, penrupeta niw is tedeman dan he menge vatu, wey penempeza niw is menge tukud dan he simbulu te vahi he ed-ezapen dan he si Ashera.

Isaias 1:29

Egkepeel-elezan kew is menge tig-Jerusalem tenged te ked-azap niw ziyà te menge kayu he ulayan wey ziyà te pinilì niw he menge pemuleey.

Isaias 10:20

Egkeuma is andew he is egkengesamà he menge kevuwazan ni Israel, he iyan si Jacob, kenè ne edsarig te Asiria he mibpaantus kandan, kekenà, diyè en edsarig te Nengazen, he Waǥas he Megbevayà te Israel. Ebpekid-uliey zan te Mekeǥeǥehem he Megbevayà.

Isaias 17:9

Dutun he andew egkengevengkag is melig-en he menge inged dan, ne ed-ewaan dan dà heini. Egkeiring heini te menge inged te menge Amunihanen wey menge Hivihanen he mid-ewaan dan hein nekeuma is menge Israilihanen.

Isaias 2:8

Mahabet is menge ed-ezapen dan. Ed-ezapen dan is menge vutang he vineelan dan dà.

Isaias 27:9

Wey zà sikandan egkepesaylu emun edrupeten dan is menge vatu he pemuhatè dan, ne ebekbeken dan heini, wey id-awè dan is menge tukud he simbulu te ed-ezapen he si Ashera, wey is menge pemuhatà he edtutungan dan te veyewà.

Isaias 30:22

Igkeremerik niw en is menge ed-ezapen niw he mibpekeplaan te pelata wey vulawan. Idtimbag niw heini iring te meremerik he terapu, ne egkaǥi kew te, “Kenè ku en sikiyu egkesuatan te ed-ahà!”

Isaias 37:19

wey is menge ed-ezapen dan pinaaǥi te kebpenimbaǥa zan kayi ziyà te hapuy. Su kenà heini tutuu he menge Megbevayà, kekenà, menge vatu zà wey menge kayu he vineelan te etew.

Isaias 41:29

Pudu zan wazà pulus, ne kenà sikandan ebpekehimu. Iring dan te keramag he edlavey zà.”

Isaias 44:15

Ne egemiten din is duma he menge kayu he para te idtavun din, su wey sikandin mekehizazang, ne wey zaan mekehilutù te supas. Ne is duma zutun ebeelan din he ed-ezapen, ne edluhuzan din heini wey ed-ezapen.

Jeremias 17:2

Minsan is menge anak niw ed-azap diyà te menge pemuhatè niw wey te menge tukud he simbulu te vahi he ed-ezapen he si Ashera diyà te sihung te merapung he kayu wey ziyà te puntur te menge vuntud,

Ezekiel 36:25

Ed-itisan ku sikiyu te lumpiyu he wahig para maawà diyà te keniyu is langun he meremerik, ne kenè kew en ed-uman ed-azap te zuma he menge ed-ezapen.

Hoseas 14:8

“Is menge tig-Israel, kenè dan en edangep diyà te zuma he menge ed-ezapen. Iyan a edtavak te menge kebpengemuyù niw wey ed-elima keniyu. Edipinsahan ku sikiyu. Iring a te kayu he sipris he merapung, he ebpekelambung. Iyan a ebpeuswag keniyu.”

Hoseas 14:9

Berakat he is duen din kedsavut keniyu metueni zin wey mesavut din is menge ingkesurat kayi. Utew hustu is menge paaǥi te Nengazen ne ed-ikulen heini te menge metazeng, piru igkeseligkat mulà heini te menge merepasen.

Zefanias 1:3

is menge etew, is menge langgam ragkes en is menge tagbis wey menge isdà. Id-awè ku is menge edtukù te menge etew wey zan mekesalà ragkes en is menge mekesesalà. Edezeetan ku is langun he etew ziyà te tanà. Iyan a, is Nengazen, is migkaǥi kayi.

Deuteronomio 7:5

Iyan heini ereg he ebeelan niw: pemengkaǥa niw is menge pemuhatè dan, penrupeta niw is tedeman dan he menge vatu, penempeza niw is menge tukud dan he simbulu te ed-ezapen dan he si Ashera, wey penutunga niw is menge ed-ezapen dan.