Isaias 17:6 - Manobo Western Bukidnon OT

⁶ Deisey zà is egkesamà he menge etew zutun. Egkeiring te kayu he ulibu he mibpenrupù en is menge veǥas din: egkesemaan dà heini te zezuwa etawa tetelu he veǥas diyà te kinepuruan he menge subpang din; ne heepat etawa lelima he veǥas diyà te zuma he menge subpang.” Iyan a, is Nengazen he Megbevayà te Israel, is migkaǥi kayi.

Isaias 17:6 ပူးပေါင်းရင်းမြစ်များ

1 Hadì 19:18

Piru edsemaan ku is 7,000 he menge Israilihanen he wazà medluhud wey medhazek te ledawan ni Baal.”

Isaias 1:9

Emun wazà uuyag he midsamà kenitew te Nengazen he Mekeǥeǥehem, ne egkeiring kiw en te Sodom wey Gomora.

Isaias 10:22

Minsan pa te iring kehabet is menge kevuwazan ni Israel te pantad diyà te veyvey te zaǥat, piru zeisey zà kandan is edlikù. Netelaan en is kedezeeti te tanè dan. Kenè en egkeeǥen is metazeng he kedsilut te Nengazen he MEGBEVAYÀ he Mekeǥeǥehem. Edtumanen din iyan heini.

Isaias 24:13

Deisey zà is menge etew he egkesamà kayi te langun he menge nasyun kayi te kelibutan, egkeiring te ulibu etawa paras he rerawen dà is egkesamà.

Isaias 27:12

Emun egkeume en haazà, edtiǥumen te Nengazen is menge Israilihanen puun te Wahig he Eufrates taman te zal-ug te Ehipto he iring te kedtiǥum te ginunas he trigu.

Jeremias 4:27

Iyan heini migkaǥi te Nengazen: “Egkevengkag is tivuuk he kelibutan, piru kenè ku heini ebpurungan edezeeti.

Ezekiel 39:29

Kenè ku en sikandan ebpesegdanen su edsuǥuen ku ziyà te kandan is Mulin-ulin ku. Iyan a, is Nengazen he MEGBEVAYÀ, is migkaǥi kayi.”

Obadias 1:5

“Kenè be is menge tekawen, kenè dan ed-eminen te egkuwa is diyà te seled te valey, kekenà, iyan dà egkuwaan dan is egkinehenglanen dan? Kenè be is edraǥun te paras, kenè dan ed-eminen te ebpenrupù is beǥas kayi, kekenà, edsemaan dan? Piru sikiyu mulà, ed-eminen kew edezeeti te menge kuntada niw.

Micas 7:1

Migkaǥi si Micas te, “Mekehizuhizu a! Iring a te etew he egkevitil he nengahà te rerawen he menge veǥas te paras etawa higus piru wazè din naahà.

Deuteronomio 4:27

Idsawed kew te Nengazen diyà te zuma he menge nasyun, ne zeisey zà is egkesamà keniyu ziyà te menge nasyun he edtimbaǥan keniyu te Nengazen.

Zatù 8:2

Ne migkeǥiyan sikandan ni Gideon te, “Deisey zà is kedì he nehimu emun id-iring te keniyu he nehimu. Minsan is deisey he nehimu niw lavew pa te langun he nehimu te pemilya zey.