Isaias 17:5 - Manobo Western Bukidnon OT

⁵ Egkeiring is Israel te pemuleey he is menge pungu zuen midlegtey en te ebpemenraǥun, iring te pemuleey ziyà te Suǥud he Refaim he netevasan.

Isaias 17:5 ပူးပေါင်းရင်းမြစ်များ

Joel 3:13

Iring sikandan te edreǥunen he ereg en he egeraven su nelutuan en, etawa iring te paras he ereg en he egkeresen su nepenù en te paras is keresà. Utew en sikandan midtaman he lalung; is menge salè dan iring te wahig te paras he midrepey ziyà te midteǥuan duen.”

Jeremias 51:33

Migkaǥi is Nengazen he Mekeǥeǥehem, he Megbevayà te Israel te, “Is Babilonia iring te trigu he meǥaan en egkeuma is timpu te kedreǥuna kandin.”

2 Samuel 5:18

Dutun, migkampu is menge Filistihanen diyà te menge Suǥud he Refaim.

2 Samuel 5:22

Midlikuan te menge Filistihanen haazà is Suǥud he Refaim ne migkampu zan dutun.

Hoseas 6:11

Minsan sikiyu is menge tig-Juda netelaan en is kedsiluti keniyu. “Egkesuat a pezem he idlikù ku is meupiya he kebpekesavuk te menge etew ku.

Jeremias 9:22

Migkaǥi is Nengazen te, “Ne nekepeyapat diyà te tanà is nemematey he henduen be te menge tai. Wey henduen be te menge pungu he netaǥak te menge ebpemenraǥun, ne wazè en heini seǥipaa.”

Isaias 17:11

minsan pa ke edtuvù heini wey ebpengevukad dutun mismu te andew te kebpemulaa niw zuen, ne wazà beǥas he egkekuwa niw puun kayi, su iyan dà egkekuwa niw is kedlised wey kenà egkeengked he kegkerasey.

Josue 15:8

Puun dutun mibpehendiyà heini te Suǥud-suǥud te Ben Hinom he ebpekevayà diyà te menge kelendiǥan diyà te zivavà taman te inged te menge Jebusihanen. (Heini he inged iyan is Jerusalem.) Ne mibpetekezeg heini pehendiyà te puntur te vuntud he zapit te edsenlepan he Suǥud-suǥud te Ben Hinom, diyà te purù te egkezizaya te Suǥud he Refaim.

Josue 18:16

Mibpetupang heini ziyà te lugtenaan te vuntud he zehipag te Suǥud-suǥud he Ben Hinom he ziyà te zizaya he vahin te Suǥud he Refaim. Midlaus heini ziyà te Suǥud-suǥud he Ben Hinom, nekeikul te zivavà he kelendiǥan te inged te menge Jebusihanen, pelaus diyà te En Rogel.

Erubasa 27:25

Egeraven nu is menge igkumpey nu; ne egkesuvul ǥihapun haazà is migeravan nu, su para zuen layun sagbet he egkekaan te menge uyaǥen nu puun te menge vuvungan.