Isaias 17:2 - Manobo Western Bukidnon OT

² Wazè en ed-ubpà diyà te menge inged diyà te Aroer. Egkehimu zà heini he pepenebtavà te menge langgam, ne wazà ebuǥew kandan.

Isaias 17:2 ပူးပေါင်းရင်းမြစ်များ

Job 11:19

Edhizeǥè ka he wazè ebpelihandek kenikew, wey mahabet is ebpetavang kenikew.

Isaias 27:10

Nevengkag en is inged he neliǥuy te verengbeng. Nehimu en heini he mekevulungbulung iring te sibsivayan, ne wazè en ed-ubpà kayi. Nehimu zà heini he penebtavà wey himelayà te menge vaka. Ed-eminen edtebtava te menge vaka is menge zahun te menge subpang.

Isaias 5:17

Is nevengkag he menge inged he iyan mid-ubpaan te menge sepian, egkehimu he penebtavà te kerehidu.

Isaias 7:21

“Dutun he timpu, is egkeelimahan te menge etew tigselimbaha zà he zumeraǥa he vaka wey zezuwa he kambing,

Isaias 7:22

ne iyan dà haazà egkuwaan dan te ǥatas. Gatas wey teneb is egkehimu he keuyaǥan te langun he egkesamà diyà te Juda.

Jeremias 48:19

Sikiyu is menge meǥinged diyà te Aroer, hitindeg kew ziyà te kilid te zalan, ne taǥad kew. Insai niw is ebpemelaǥuy ke hengkey is nehitavù.

Jeremias 7:33

Is ebpematey he menge etew ku egkeenen te menge tagbis wey zumezaas he menge langgam, ne wazà ebuǥew kandan.

Ezekiel 25:5

Edhimuwen ku he penebtavà te menge kemilyu is inged he Raba, ne is tivuuk he Ammon edhimuwen ku he himelayà te menge kerehidu. Ne zutun egketuenan niw he iyan a Nengazen.’

Ezekiel 39:26

Egkelipatan dan en is keelezan dan wey kedluivi zan kedì, emun ebpengungubpaan en sikandan he melinawen wey wazà egkehendekan.

Micas 4:4

Is kada etew ebpinuu ziyà te sihung te pinemula zin he paras wey kayu he higus he wazè din igkahandek. Egkehitavù iyan heini su iyan mismu is Nengazen he Mekeǥeǥehem migkaǥi kayi.

Zefanias 2:6

Umbe, is tanè niw he uvey te zaǥat egkehimu he pepenebtavà wey tudil te menge kerehidu.

Numero 32:34

Mibangun umana te tribu ni Gad is menge inged he Dibon, Atarot, Aroer,

Deuteronomio 2:36

“Midtevangan kiw te Nengazen he Megbevayè tew te ked-aǥew te Aroer he kilid te zal-ug he Arnon wey te zuma he inged he uvey kayi wey te menge lugar pehendiyà te Gilead. Wazà medselir kenitew is menge verengbeng te menge inged.

Deuteronomio 3:12

“Hein naaǥew tew en heini he tanà, imbeǥey ku ziyà te menge kevuwazan ni Reuben wey te menge kevuwazan ni Gad is tanà he uvey te zal-ug he Arnon, ragkes en is ketengà te menge vuvungan te Gilead wey is menge inged kayi.

Josue 13:16

Ebpuun te Aroer he kilid te zal-ug he Arnon (ragkes is inged diyà te kilid kayi he zal-ug) taman te tivuuk he suǥud he nekepeliǥuy te Medeba.

Josue 13:25

Jazer wey is langun he menge inged diyà te Gilead, wey is ketengà te tanà te menge Amunihanen taman te Aroer ziyà te edsilaan he vahin te Raba.