Isaias 16:4 - Manobo Western Bukidnon OT

⁴ Ipeubpè key is menge tig-Moab diyà te tanè niw. Pengelangi key keniyu te egkesuat he edezaat kenami.” Egkeengked is kebpendaagdaag wey kebpendezaat. Egkaawè en is ebpendaagdaag diyà te tanà he Israel.

Isaias 16:4 ပူးပေါင်းရင်းမြစ်များ

Isaias 14:4

ne un-undaha niw is hadì te Babilonia. Ne iyan heini keǥiya niw: “Nezeetan en is hadì he ebpendaagdaag. Netapus en is kebpegalbu zin.

Isaias 15:6

Nemezahan is wahig he Nimrim, ne neǥangu is menge sagbet. Wazè en midtuvù he pinemula.

Isaias 25:10

Benar iyan, edtevangan te Nengazen is menge etew ziyà te Buvungan he Zion, ne edsilutan din mulà is menge tig-Moab. Edtekutakan din sikandan iring te kedtekutaki te reǥami ne ebpesegdanen en he meredak.

Isaias 33:1

Mekehizuhizu kew is menge ebpendezaat he wazà mekesaǥad he edezeetan. Mekehizuhizu kew is menge meluiven he wazà mekesaǥad he edluivan. Emun egkepasad en is kebpendezaat niw wey kebpenluib, ne iyan kew en maan edezeetan wey edluivan.

Isaias 49:26

Ibpekaan ku te menge midaagdaag kenikew is keugelingen dan he lawa, ne iring te vinu egkelangut dan te keugelingen dan he lengesa. Ne egketuenan te langun he etew he iyan a Nengazen, iyan a Menluluwas nu wey Perevelukas, iyan a Mekeǥeǥehem he Megbevayà ni Jacob.”

Isaias 51:13

Nelipatan niw en be he iyan a mibaal keniyu? Iyan a midempas te langit wey mibpelastar te midtukuzan te kelibutan. Maan is nengungubpaan kew he layun egkahandek te pauk te ebpesipala wey egkesuat he edezaat keniyu? Is pauk dan kenè en ebpekekaid keniyu.

Isaias 54:14

Ebmelig-en ka su edtinazeng is menge etew nu. Ebpeleǥuyan ka te menge kuntada nu, umbe wazè nu en igkahandek. Kenè en ed-uvey ziyà te kenikew is menge kuntada nu, ne kenè ke en egkeheratan.

Isaias 58:7

Beǥayi niw te keenen is egkengevitil, ipeubpè niw ziyà te menge valey niw is menge wazà egkeubpaan, bistiyi niw is menge wazà bisti, wey tevangi niw is menge kezuzumahi niw he ebpenginahanglan.

Isaias 9:4

Su ibpekeziyù nu sikandan diyà te midlupiglupig kandan. Iring sikandan te uyaǥen he ebedtien nu is id-eyuǥu zuen wey is tuked he idlagkut duen. Is ebeelan nu kandan iring te mibeelan nu zengan hein midaag nu is menge Midianhen.

Jeremias 40:11

Nezineg daan te menge Judio he nemelaǥuy ziyà te Moab, Ammon, Edom, wey zuma pa he menge nasyun he intuǥut ni Hadì Nebucadnezar he zuen egketaǥak he menge etew ziyà te Juda ne iyan midhimu si Gedalia he anak ni Ahikam wey apù ni Shafan he pengulu kayi he menge etew.

Jeremias 48:18

“Sikiyu is menge meǥinged diyà te Dibon, pekevavè kew ne lumpeng kew ziyà te tanà. Su is edezaat te Moab edsurung daan diyà te keniyu; ebengkaǥen dan is menge inged niw he mibpeliǥuyan te verengbeng.

Jeremias 48:8

“Ebpekeuma ziyà is ebpendezaat te kada inged, ne wazà inged he kenà egkezeetan. Egkezeetan daan is menge inged diyà te menge suǥud wey suǥud-suǥud diyà te vuvungan. Egkehitavù heini, su iyan a, is Nengazen, is migkaǥi kayi.

Obadias 1:14

Wazè kew pezem med-ayan diyà te menge lembaǥan is ebpemenhimatey te ebpemelaǥuy he ebpuun te Jerusalem. Ne wazè niw pezem ipalad sikandan diyà te menge kuntada zutun te timpu te kedlised dan.”

Zacarias 10:5

Edsevaha is menge etew te Juda ne egkeiring sikandan te mezesen he menge sundaru he edaag te menge kuntada zan he henduen dà te vasak diyà te menge zalan he edtekutakan dan. Ebpekidtebek dan su ǥeina te siak is Nengazen, dume e zan. Ne edaaǥen dan is menge pereuntud te kudà.

Zacarias 9:8

Ebpengelangan te Nengazen is baley zin su wey kenà mezezeeti te menge edsurung. Wazè en edaagdaag te menge etew zin, su ebentayan din sikandan.

Malakias 4:3

Edtekutakan niw is lalung he menge etew ne egkeiring dà sikandan te igmuk he ebpenggiekan niw zutun te andew te kedhimuwa ku he mehitavù heini, migkaǥi is Nengazen he Mekeǥeǥehem.

Deuteronomio 24:14

“Kenè kew mebpemintahà te pubri he terebahanti, Israilihanen man sikandin etawa kenà Israilihanen he meǥinged diyà te inged niw.