Isaias 15:1 - Manobo Western Bukidnon OT

¹ Heini he menge lalag ne mehitenged te Moab: Seled dà te sengekezukileman ne egkevengkag en is menge inged he Ar wey Kir he sakup te Moab.

Isaias 15:1 ပူးပေါင်းရင်းမြစ်များ

2 Hadì 3:25

Mibengkag dan is menge inged, ne midtembuan dan te menge vatu is selebpeten he menge pemuleey taman te nekezengkuur is menge vatu zutun. Mibumbunan dan is menge teheb wey mibpemiley zan is meupiya he menge kayu. Ne iyan dà nesamà is inged he Kir Hareset, piru midliǥuyan heini te menge sundaru zan he zuen dan menge limpawes ne midsurung dan heini.

Isaias 11:14

Edsevaha sikandan te kedsurung te menge Filistihanen diyè dapit te edsenlepan. Edsurungen dan daan is menge nasyun diyà te edsilaan ne edtevanen dan is menge azen kayi. Edsekupen dan is Edom wey Moab, ne is menge Amunihanen ebpesakup daan kandan.

Isaias 13:1

Iyan heini lalag he mehitenged te Babilonia he impehayag te Nengazen diyà te ki Isaias he anak ni Amoz:

Isaias 14:28

Heini he menge lalag impahayag te Megbevayà hein tuig te kebpatey ni Hadì Ahaz:

Isaias 16:11

Umbe, neiring is gehinawa ku te mekevulungbulung he zaǥing te alpa su ingkeseeng ku is nehitavù diyà te Moab. Ingkeseeng ku zaan is nehitavù te Kir Hareset.

Isaias 16:6

Nezineg dey is kegkegelbuwen te menge tig-Moab. Menge gelbuwen sikandan wey menge mepelevawen, iyan, wazè en kayi pulus.

Isaias 16:7

Umbe, edsineǥawan te menge tig-Moab is nasyun dan. Edsineǥew sikandan is langun tenged te kegkaawà te metaam he keenen dan diyà te Kir Hareset.

Isaias 25:10

Benar iyan, edtevangan te Nengazen is menge etew ziyà te Buvungan he Zion, ne edsilutan din mulà is menge tig-Moab. Edtekutakan din sikandan iring te kedtekutaki te reǥami ne ebpesegdanen en he meredak.

Isaias 25:12

Ebengkaǥen din is metikang wey melig-en he menge verengbeng dan taman te ebpekepeyapat heini ziyà te tanà.

Jeremias 9:26

is menge tig-Ehipto, tig-Juda, tig-Edom, tig-Amon, tig-Moab wey is langun he ebpemen-ubpà diyà te sibsivayan he mibpen-elutan is dapit te kendingen dan. Iyan tutuu is, heini is langun he meǥinged diyà te menge nasyun, ragkes en is langun he menge etew ziyà te Israel, henduen be te neked-iring dà he wazà menge sirkunsidar su meremerik is netaǥù diyà te gehinawa zan.”

Deuteronomio 2:18

‘Layun kew ziyà te dulunà te Moab wey Ar.

Deuteronomio 2:19

Ne emun ebpekeuma kew en diyà te menge Amunihanen, he menge kevuwazan ni Lot, kenè niw sikandan semuka wey tebeka su heeyan is tanè dan ne imbeǥey ku kandan, ne kenè ku sikiyu ebeǥayan te tanè dan minsan deisey.’

Deuteronomio 2:9

migkaǥi is Nengazen kayi te kedì te, ‘Kenè niw semuka wey tebeka is menge Moabitanhen he menge kevuwazan ni Lot, su imbeǥey ku kandan is tanà he Ar ne kandan haazà, ne kenè ku sikiyu ebeǥayan te tanè dan minsan deisey.’ ”