Isaias 13:4 - Manobo Western Bukidnon OT

⁴ Pemineǥa niw is keǥurub diyà te menge vuvungan te utew mahabet he menge etew. Pemineǥa niw is keǥurub diyà te menge ginhedian wey menge nasyun he edtiǥum. Edtiǥumen te Nengazen he Mekeǥeǥehem is menge sundaru zin he para te tebek.

Isaias 13:4 ပူးပေါင်းရင်းမြစ်များ

Isaias 17:12

Is keǥurub diyà te mahabet he menge etew, iring te deǥurus te zezekelà he menge vaǥel.

Isaias 48:14

“Medtiǥum kew is langun, ne pemineg kew: Hentei te menge ed-ezapen is midtagnè din he edsurungen te emiǥu ku is Babilonia su wey zin metuman is pelanu ku he ebpekesuǥat kayi he nasyun? Wazà!

Isaias 5:26

Ed-uyawan din is menge nasyun diyà te meziyù; egkulehian din te ked-umew is menge meǥinged diyà te utew meziyù he vahin te kelibutan, ne segugunà sikandan ebpekeuma is edsurung keniyu.

Isaias 5:30

Dutun te kedsurunga zan te Israel, ebpengulahì dan te iring te deǥurus te zaǥat. Ne emun edtengtengan te etew is tanà te Israel, iyan egkeehè din is kerusirem wey kelised. Is kereyag ebmerusirem su edtembunan te mekepal he menge ǥapun.

Jeremias 21:4

“Keǥiyi niw si Zedekia te iyan heini migkaǥi te Nengazen he Megbevayà te Israel: Edhimuwen ku he kenà mebpulus is menge ǥumaan niw, he egemiten niw te kebpekidtebek ki Nebucadnezar wey te menge sundaru zin he edliǥuy ziyà te menge verengbeng niw. Edtiǥumen ku sikandan kayi te inged.

Jeremias 25:14

Egkeuripen sikandan te mahabet he menge nasyun wey te mekeǥeǥehem he menge hadì. Edsilutan ku sikandan te sungkad te menge vaal zan.”

Joel 2:25

Su migkaǥi is Nengazen te, “Idlikù ku is nelaga ziyà te keniyu zutun te menge tuig he mid-etaki is menge pinemula niw te nekedtutundug he grupu te menge terapan. Iyan a midsuǥù dutun te mahabet he menge terapan he menge sundaru ku.

Joel 3:14

Utew mahabet is menge etew he eguǥurub diyà te Suǥud te Kedhukum, su hapit en egkeuma is andew te kedsilut te Nengazen.