Isaias 13:3 - Manobo Western Bukidnon OT

³ Midsuǥù ku en is pinilì ku he menge sundaru te kedsilut te menge etew he egkeepesan ku. Heini he menge sundaru nengelipey sikandan su edsarig dan he edhimuwen ku heini he kedsilut.

Isaias 13:3 ပူးပေါင်းရင်းမြစ်များ

Salmo 149:2

Medlipey kew is menge tig-Israel; ikelipey niw is midlimbag keniyu. Medlipey kew is menge etew ziyà te Zion tenged te hadì niw.

Isaias 23:11

Imbayew te Nengazen is belad din diyà te zaǥat su edezeetan din heini, umbe mibpengerker tenged te kegkahandek is menge meǥinged diyà te menge ginhedian. Mibmandar sikandin he bengkaǥa is melig-en he verengbeng te Fenecia.

Isaias 5:26

Ed-uyawan din is menge nasyun diyà te meziyù; egkulehian din te ked-umew is menge meǥinged diyà te utew meziyù he vahin te kelibutan, ne segugunà sikandan ebpekeuma is edsurung keniyu.

Jeremias 25:9

ibpesurung ku sikiyu te menge etew ziyà te zizaya he ebpenguluwan te suluǥuen ku he si Hadì Nebucadnezar he hadì te Babilonia. Edsurungen dan heini he tanà wey is langun he meǥinged kayi, ragkes en is langun he menge nasyun diyà te nekeelingkus kayi. Ebpurungan ku sikiyu edezeeti, ne egkeheratan is menge etew he ebpekaahà te egkehitavù keniyu ne egkehimu kew he telemayen. Uya, egkezeetan kew taman te taman.

Jeremias 51:46

Piru kenè kew mahandek wey luyahi emun ebpekeuma ziyà te keniyu is menge tudtul vahin te tebek. Su is menge tudtul vahin te kegira te menge hadì egketudtul kada tuig.

Jeremias 51:53

Minsan mekeuma pa ziyà te langit is berengbeng te Babilonia wey minsan utew pa heini melig-en, duen gihapun edsuǥuen ku te kedezaat kayi.

Joel 3:11

Hendini kew, uvey kew zini, sikiyu is menge etew ziyà te peliǥuy he menge nasyun. Ne tiǥum kew ziyà te Suǥud ni Jehoshafat. Nengazen, ipetupang nu en dutun is menge sundaru nu!

Zefanias 1:7

“Pereremek kew kayi te etuvangan ku, su meǥaan en egkeuma is andew te kedsilut ku. In-andam ku en is menge etew he para ebpenhimetayan iring te uyaǥen he ibpemuhat. Insivey ku en is menge kuntada he mid-umew ku wey zan medsurung diyà te Juda.