Isaias 11:2 - Manobo Western Bukidnon OT

² Edumelahan sikandin te Mulin-ulin te Nengazen su wey meveǥayi sikandin te ketau, kedsavut, ebilidad te kebpelanu, gehem, keuluwanen, wey kedtahud diyà te Nengazen.

Isaias 11:2 ပူးပေါင်းရင်းမြစ်များ

2 Samuel 23:3

Is Megbevayà he iyan is endilungà he vatu te Israel, migkaǥi sikandin kedì, ke sikandin te, ‘Is etew he metazeng is kedumala wey zuen din kegkehandek te Megbevayà,

Salmo 72:2

para egkezumahan te ketazeng is kedhukumi zin te menge etew nu lavew en is egkengaayu-ayu.

Exodus 28:3

Keǥiyi nu sikan is menge maama he mibeǥayan ku te ketau te kebpemaal te visti he veeli zan si Aaron te menge visti, su wey niw sikandin ikepeveyveyai kedì su edhimuwen ku sikandin he memumuhat he edsilbi kedì.

Isaias 28:6

Ebeǥayan din is menge zatù te tinguhà te layun kebeǥey te hustu he kukuman. Wey ebeǥayan din te kevurut is menge sundaru he ebantey su wey kenà ebpekeseled is menge edsurung diyà te inged.

Isaias 32:15

Egkehitavù heini taman te ibpehendini te kenitew is Mulin-ulin he ebpuun te langit. Ne is sibsivayan egkehimu he uuzaran he vevesukà.

Isaias 42:1

Migkaǥi is Nengazen te, “Heini zed is suluǥuen ku he edlig-enan ku. Mibpilì ku heini ne ingkelipey ku sikandin. Midumala ku sikandin te Mulin-ulin ku, ne edhimuwen din diyà te menge nasyun is paaǥi he wazà duen egkevintahaan.

Isaias 48:16

Uvey kew kayi te kediey ne pemineǥa niw heini. Puun pa te puunà ne wazà a megkaǥi ziyà te meeles; ne zutun te timpu te kegkehitevua te migkaǥi ku, ne zutun a.” Ne ǥuntaan, is Nengazen he MEGBEVAYÀ wey is Mulin-ulin din midsuǥù kediey wey ku metudtul heini he menge lalag:

Isaias 59:21

Ne iyan heini kebpekid-uyun ku keniyu: Kenà egkaawà is Mulin-ulin ku he ziyà te keniyu wey is menge lalag he migkaǥi ku keniyu. Tudtula niw heini ziyà te menge anak niw, ne edtudtulen dan daan heini ziyà te kandan he menge anak, ne ebpedayun heini pehendiyà te huziyan he menge lapis te kevuwazan. Iyan a, is Nengazen, is migkaǥi kayi.”

Isaias 61:1

Is Mulin-ulin te Nengazen he MEGBEVAYÀ ne kayi te kediey. Su mibpilì e zin he ibpewali te meupiya he tudtulanen diyà te menge pubri. Midsuǥù e zin te kedlipey te egkengeseeng wey kebpenudtul ziyà te menge vihag wey menge pirisu he ebpekeǥawas dan en.

Isaias 9:6

Egkelipey pa zaan sikandan su id-anak is batà he maama ne edhedian key zin. Egngezanan sikandin te, “Egkein-inuwan he Sumesambag, Mekeǥeǥehem he Megbevayà, Wazà Pidtemanan he Emey, wey Pengulu he Ebpekeveǥey te Kelinew!”

Zacarias 4:6

Ne migkaǥi sikandin kayi te kedì te, “Kenè ku pa edtevaken is insè nu, ne pemineǥa nu heini is menge lalag te Nengazen he Mekeǥeǥehem diyà te ki Zerubabel: “Zerubabel, egkepasad nu is kebpehitindeg te valey te Nengazen kenè pinaaǥi te zesen wey egkehimu te etew, kekenà, pinaaǥi te Mulin-ulin he ibpetavang ku kenikew.

Deuteronomio 34:9

Ne zutun, si Josue he anak ni Nun mibeǥayan te Mulin-ulin te ketau su mibpilì sikandin ni Moises he ilis kandin pinaaǥi te kedepeneti zin kandin. Umbe mibpezumazuma kandin is menge Israilihanen, ne mibeelan dan is langun he insuǥù te Nengazen pinaaǥi ki Moises.