Isaias 10:4 - Manobo Western Bukidnon OT

⁴ Wazà egkesamà keniyu, kekenà, egkengevihag kew etawa ebpemematey. Piru kenè pa ǥihapun egkeengked is pauk te Nengazen! Andam pa ǥihapun sikandin he edsilut keniyu.

Isaias 10:4 ပူးပေါင်းရင်းမြစ်များ

Isaias 22:2

Negurigew wey nemengulahì is menge etew ziyà te tivuuk he inged. Is nemematey keniyu ne wazà mebpatey te tebek.

Isaias 24:22

Edtiǥumen sikandan diyà te vudsi iring te menge pinirisu. Ebpirisuwen sikandan, ne edsilutan keuzemà.

Isaias 34:3

Kenè en idleveng is menge lawa zan, umbe edsengew is kemahù kayi, ne edranew is lengesa ziyà te menge vuvungan.

Isaias 5:25

Umbe tenged te utew kegkepeuki keniyu te Nengazen te menge etew zin, ne edsilutan kew zin. Egkehuyung is menge vuvungan ne ebpekepeyapat kew ziyà te kersada is ebpemematey he egkeiring te menge vesura. Ne minsan pa zutun kenè pa egkaawà is pauk te Nengazen. Andam pa ǥihapun sikandin he edsilut keniyu.

Isaias 66:16

Su edsilutan din pinaaǥi te hapuy wey ispada zin, is langun he mekesesalà he menge etew, ne mahabet is egkepatey zin.

Isaias 9:11

Umbe ibpesurung sikandan te Nengazen te menge tig-Asiria, he menge kuntada ni Hadì Rezin.

Isaias 9:12

Edezeetan dan te menge Aramihanen he ziyà te edsilaan wey menge Filistihanen he ziyà te edsenlepan, he iring te zumezaas he menge langgam he andam he ed-emeluk. Piru kenè pa egkeengked is pauk te Nengazen. Andam pa ǥihapun sikandin te kedsilut kandan.

Isaias 9:16

Is menge mibpengulu te menge etew te Israel iyan neketazin kandan, ne heini he menge etew nengetazin.

Isaias 9:17

Umbe kenà igkelipey te Nengazen is betan-en dan he menge maama, ne kenè din egkehizuwan is menge ilu kandan wey menge valu he vahi. Su lalung sikandan is langun ne kenà edsunud te Megbevayà; pudu mekeeled-eled is ebpengeǥiyen dan. Piru is pauk te Nengazen kenè pa egkeengked. Andam gihapun sikandin he edsilut kandan.

Isaias 9:20

Minsan hengkey he keenen is egkeehè dan diyà te peliǥuy egkuwaan dan ne egkeenen dan piru kenè dan gihapun egkahantey. Ragkes en he egkeenen dan is menge anak dan.

Isaias 9:21

Ebpetebekà is tribu he Manase wey Efraim, ne heini is dezuwa ne edsurung diyà te Juda. Piru kenè pa egkeengked is pauk te Nengazen. Andam pa ǥihapun sikandin he edsilut.

Jeremias 15:2

Emun ed-insà sikandan ke hendei zan ebpevayà, keǥiyi nu te iyan heini migkaǥi ku: Is midtelaan en is kebpatey zin ne ebpatey. Is duma ibanglis kandan is kebpatey pinaaǥi te tebek, ne is duma pinaaǥi te vitil. Ne is duma pa ibanglis kandan is kegkevihag.

Jeremias 37:10

Minsan egkezaag niw pa is langun he menge sundaru he edsurung keniyu, ne iyan dà egkesamà kandan is menge teǥepalì he ziyà te menge tulda zan, edsurung gihapun sikandan kayi te inged, ne ebinsulan dan heini.’ ”

Jeremias 4:8

Umbe, bivisti kew te saku he tuus te kegkeseeng niw. Lelendag kew su utew kiw egkepeuki te Nengazen.

Hoseas 9:12

Minsan ebpekaanak sikandan, ne egkuwaan ku is langun he anak dan ne ebpekelalew kew. Mekehizuhizu kew emun ed-ewaan ku en sikiyu.

Leviticus 26:17

Egkuntedahan ku sikiyu para mezaag kew te menge kuntada niw ne iyan sikandan edumala keniyu. Tenged te kegketeranta niw ne ebpelaǥuy kew minsan wazà edal-as keniyu.

Deuteronomio 32:30

Ebmenmenuwen man te kedal-as te sevaha he etew is nengkelibu he menge Israilihanen? Ebmenmenuwen te zezuwa he etew he melupig dan is sepulù he libu ziyà te kandan? Eghimu zan dà haazà emun idtuǥut kandan te Nengazen he iyan endilungè dan he iring te vatu.