Isaias 1:9 - Manobo Western Bukidnon OT

⁹ Emun wazà uuyag he midsamà kenitew te Nengazen he Mekeǥeǥehem, ne egkeiring kiw en te Sodom wey Gomora.

Isaias 1:9 ပူးပေါင်းရင်းမြစ်များ

Genesis 18:26

Ne midtavak dutun is Nengazen te, “Emun duen egkeehè ku he 50 he menge metazeng he etew zutun te inged, kenè ku edèdeetan is tivuuk he inged tenged dutun te 50.”

Genesis 18:32

Ne migkaǥi pa maan si Abraham te, “Nengazen, Kenà a kenikew mepeuki, ketepusan en heini he id-insè ku. Penenglitan ke zuen 10 he menge metazeng he egkeehè nu zutun?” Ne midtavak is Nengazen te, “Ke zuen egkeehè ku ziyà he minsan 10 dà he menge metazeng, ne kenè kud edlimasen.”

Genesis 19:24

Segugunà mibpeuzan is Nengazen te egkeregreg he esupri ziyà te inged he Sodom wey Gomora.

1 Hadì 19:18

Piru edsemaan ku is 7,000 he menge Israilihanen he wazà medluhud wey medhazek te ledawan ni Baal.”

2 Hadì 19:4

Midsuǥù te hadì te Asiria is peremandar te menge sundaru zin te ked-undaunda te uuyag he Megbevayà. Kela ke seǥipaa te Nengazen he Megbevayè nu is mibpengaǥi zuen te peremandar te menge sundaru ne edsilutan sikandin tenged dutun, umbe pengemuyù ka para kenitew te nengesamà.’ ”

Isaias 1:8

Ne wazè en nesamà gawas te Jerusalem. Neiring heini te helungà diyà te pemuleey te paras etawa lawig diyà te menge pemuleey te timun he iyan dà nekehitindeg. Ne iring daan heini te inged he edliǥuyan te menge kuntada.

Isaias 11:11

Dutun daan he timpu, ed-umanan egemita te Nengazen is gehem din te kebpeulì te nesamà he menge etew zin diyà te Asiria, Ehipto, Patros, Etiopia, Elam. Babilonia, Hamat, wey is diyà te menge pulu.

Isaias 11:16

Ne iring te zuen meluag he zalan he mid-ikul te menge etew te Israel hein mid-awà sikandan diyà te Ehipto, ne zuen daan meluag he zalan he egkeikul te menge nesamà he menge etew zin diyà te Asiria.

Isaias 17:6

Deisey zà is egkesamà he menge etew zutun. Egkeiring te kayu he ulibu he mibpenrupù en is menge veǥas din: egkesemaan dà heini te zezuwa etawa tetelu he veǥas diyà te kinepuruan he menge subpang din; ne heepat etawa lelima he veǥas diyà te zuma he menge subpang.” Iyan a, is Nengazen he Megbevayà te Israel, is migkaǥi kayi.

Isaias 24:13

Deisey zà is menge etew he egkesamà kayi te langun he menge nasyun kayi te kelibutan, egkeiring te ulibu etawa paras he rerawen dà is egkesamà.

Isaias 24:6

Umbe, edrewakan te Megbevayà is kelibutan, ne televaken heini te menge meǥinged kayi tenged te menge salè dan. Edezeetan sikandan he iring te ebinsulan te hapuy, ne zeisey zà is egkesamà kandan.

Isaias 37:4

Midsuǥù te hadì te Asiria is peremandar te menge sundaru zin te ked-undaunda te uuyag he Megbevayà. Kela ke seǥipaa te Nengazen he Megbevayè nu is mibpengaǥi zuen te peremandar te menge sundaru ne edsilutan sikandin tenged dutun, umbe pengemuyù ka para kenitew te nengesamà.”

Isaias 46:3

Pemineg kew kediey is menge kevuwazan ni Jacob, wey sikiyu is langun he nesamà he menge etew te Israel. Mid-atur ku sikiyu puun pa te kegkeetew niw.

Isaias 6:13

Minsan mesamè pa is ikesepulù he vahin te menge Israilihanen diyà te tanà te Israel, edezeetan ǥihapun sikandan. Piru zuen mibpilì ku ziyà te kandan ne iyan sikandan egkesamà. Egkeiring sikandan te tued te kayu he ulayan he mibpiley.”

Isaias 65:8

Migkaǥi zaan is Nengazen, “Wazà dèdeeti is mezaat he rupung dutun te menge paras su zuen pa zutun beǥas he egkepulusan, ne iring keniyan is ebeelan ku te menge etew ku, kenè ku zaan ed-eminen te edezaat is langun he menge etew ku. Edlibriyen ku is menge nenilbi kediey.

Jeremias 23:14

Piru neehè ku he edlavew pa he lalung is menge ebpeneuven diyà te Jerusalem. Mid-azap dan te zuma he menge ed-ezapen ne midtarùtarù dan pa. Ed-iniyaten dan is menge lalung te kebpeiseg te kelelalung dan. Umbe wazè dan engkezi is kelelalung dan. Is menge etew ziyà te Jerusalem, iring kezaat te menge etew ziyà te Sodom wey Gomora.

Jeremias 42:2

Migkaǥi zan diyà te ki Jeremias te, “Edhangyù key ziyà te kenikew he pengemuyù ka ziyà te Nengazen he Megbevayè nu para kenami te nesamà. Neehè nu he mezakel key zengan, iyan, guntaan deisey key zà.

Jeremias 50:20

Dutun he timpu, egkehanew en is menge salà wey is menge kedsupak te nesamà he menge etew ziyà te Israel wey Juda, su ebpeseyluwen ku sikandan.’ ”

Penhulùhulù 3:22

he is kebmahal wey hizu te Nengazen ne wazà pidtemanan. Umbe wazè kiw zed mepurung mezeeti.

Penhulùhulù 4:6

Is insilut diyà te zuma ku he menge meǥinged, ne subra pa te insilut diyà te menge tig-Sodom he midtik-ew zèdeeti te Megbevayà he wazà neketevang kandan.

Ezekiel 14:22

Piru zuen kandan egkesamà he uuyag, ne edumahan sikandan kayi te Babilonia ne idtampu keniyu su menge vihag daan sikandan. Egkeehè niw ke sengemenu kezaat is betasan dan wey menge ulaula zan ne egkaawà is kegkeseeng niw tenged te kedsilut ku ziyà te Jerusalem.

Ezekiel 6:8

“Piru kenè ku sikiyu ed-eminen te edhimatey. Is duma keniyu ebpekepelaǥuy te tebek ne ebpekepeyapat dan diyà te zuma he menge nasyun

Joel 2:32

Piru is minsan hentei he edangep diyà te Nengazen ne egkelibri te silut he edtelinguma. Su sumalà is migkaǥi te Nengazen, duen menge Israilihanen he egkesamà diyà te Jerusalem he migngezanan he Buvungan he Zion. Heini sikandan mibpilì te Nengazen he egkengelibri.

Amos 4:11

“Midezeetan ku is duma keniyu iring te mibeelan ku ziyà te Sodom wey Gomora. Ne is duma keniyu he nekelingkawas neiring te kayu he midsekelew puun te hapuy. Piru wazè kew ǥihapun medlikù kayi te kedì. Iyan a, is Nengazen, is migkaǥi kayi.

Habakuk 3:2

“He Nengazen, nezineg ku is menge mibeelan nu, ne tenged kayi utew zekelà is kedtehuza ku kenikew. Ne ǥuntaan umani nu heini veeli kayi te kenami he timpu. Ne zutun te timpu te kebpaahaa nu te pauk nu ne kehizuwi key kenikew.

Deuteronomio 29:23

Is tivuuk he tanè niw egkeiring te disirtu he netembunan te esupri wey timus. Wazà ebpemula kayi he tanà su kenà edtuvuan te pinemula. Egkezeetan heini iring te kegkezeeti te Sodom wey Gomora, Adma wey Zeboyim he midezeetan te Nengazen tenged te utew zin kegkepauk.