Isaias 1:30 - Manobo Western Bukidnon OT

³⁰ Egkeiring kew te kayu he ulayan he neǥangu, wey te pemuleey he wazà mevinyaǥi.

Isaias 1:30 ပူးပေါင်းရင်းမြစ်များ

Ezekiel 17:24

Ne egketuenan te langun he menge kayu kayi te tanà he iyan a is Nengazen edtamped te metawis he menge kayu wey ebpeketawis te mevavà he menge kayu. Iyan a zaan egangu te merapung he menge kayu wey ed-uman ebpetuvù te neǥangu he menge kayu. Iyan a, is Nengazen, midsaad kayi ne edtumanen ku heini.”

Jeremias 31:12

Edhendiyè dan te Buvungan he Zion ne ed-ugyab sikandan tenged te kegkelipey. Egkelipey zan tenged te menge keupiyaanan he ibeǥey ku kandan–he iyan is uzar he trigu, binu, lana, wey menge uyaǥen. Egkeiring sikandan te pemuleey he layun ebinyaǥi, ne kenè dan en egkeseeng.

Isaias 58:11

Layun ku sikiyu egiyahi, ne edhimuwen ku he mekuntintu kew en minsan mereǥen is kebpekesavuk niw. Ebbeǥayan ku sikiyu te meupiya he kedlelawa, ne egkeiring kew te pemuleey he kenà egkekurang is wahig etawa serebseb he kenà egkemezahan.

Isaias 5:6

Ebpesegdanen ku en heini he pemuleey. Kenè ku en ebpenempezen is subpang etawa edterebehuwen is tanà duen. Etuvuan dà heini te menge sagbet wey duǥiyen he dezeisey he kayu. Ne egkeǥiyan ku is menge ǥapun he kenè dan heini petiǥisi te uzan.”

Genesis 12:6

Ne hein nekeuma zan diyà te Canaan midlaus pa ensi Abram taman te zekelà he kayu he More he ziyà te inged he Shekem. (Ne zutun he timpu iyan meǥinged dutun is menge kevuwazan ni Canaan.)

Isaias 64:6

Neiring key is langun te vutang he meremerik, ne is langun he meupiya he menge vaal zey, ne iring dà te meremerik he terapu. Iring key is langun te zahun he neǥangu, ne is kelelalung dey ne iring te keramag he midlayap kenami.

Isaias 64:5

Edewaten nu is menge etew he igkelipey zan is kebaal te metazeng, wey ed-ikul te menge paaǥi nu. Piru nepeukan key kenikew su mibpedayun key te kedsupak te menge paaǥi nu. Egkehimu ve ke egkelibri key?