Isaias 1:1 - Manobo Western Bukidnon OT

¹ Heini he libru, ne mehitenged te impahayag te Megbevayà diyà te ki Isaias he anak ni Amoz. Ne heini, mehiten ged te Jerusalem wey Juda hein kedhadì diyà te Juda ni Uzia, ne nesunuzan ki Jotam, ki Ahaz, wey ki Hezekia.

Isaias 1:1 ပူးပေါင်းရင်းမြစ်များ

2 Hadì 15:1

Nehimu he hadì diyà te Juda si Azaria he anak ni Amazia hein ike-27 he tuig te kedhadì ni Jeroboam II diyà te Israel.

2 Hadì 15:13

Nehimu he hadì diyà te Israel si Shalum he anak ni Jabesh hein ike-39 he tuig te kedhadì ni Uzia diyà te Juda. Diyà te Samaria med-ubpà si Shalum, ne midhadì sikandin seled dà te senge vulan.

2 Hadì 15:32

Nehimu he hadì diyà te Juda si Jotam he anak ni Uzia hein ikezuwa he tuig te kedhadì ni Peka he anak ni Remalia ziyà te Israel.

2 Hadì 15:7

Hein minatey en si Azaria, inleveng sikandin diyà te midlevengan te menge kepuun din diyà te Inged ni David. Ne is anak din he si Jotam iyan nekeilis kandin te kedhadì.

2 Hadì 18:1

Nehimu he hadì diyà te Juda si Hezekia he anak ni Ahaz hein iketelu he tuig te kedhadì ni Hoshea diyà te Israel te anak ni Elah.

2 Hadì 19:2

Ne impehendiyè din te ki Isaias he anak ni Amoz ensi Eliakim he edumala te turuǥan, si Shebna he sikritaryu, wey is lavew he menge memumuhat. Pudu sikandan mibivisti te saku.

2 Cronica 26:1

Is in-ilis te keet-etawan te Juda ki Amazia te kedhadì ne iyan is anak din he si Uzia he ebpenuiǥen te 16 he tuig.

2 Cronica 26:22

Is duma pa he ǥuǥud mehitenged te kedhadì ni Uzia, puun pa te puunà taman te ketepusan, ne insurat te ebpeneuven he si Isaias he anak ni Amoz.

2 Cronica 27:1

Mibpenuiǥen si Jotam te 25 he tuig hein nehimu sikandin he hadì. Diyà sikandin med-ubpà te Jerusalem, ne midhadì sikandin seled te 16 he tuig. Is iney zin iyan si Jerusha he anak ni Zadok.

2 Cronica 28:1

Mibpenuiǥen si Ahaz te 20 he tuig hein nehimu sikandin he hadì. Diyà sikandin med-ubpà te Jerusalem, ne midhadì sikandin seled te 16 he tuig. Mezaat is ulaula zin diyà te etuvangan te Nengazen, kenà iring te mibeelan te kepuun din he si David.

2 Cronica 29:33

Mid-uwit dan daan te zuma pa he menge pemuhat he 600 he tudu he menge vaka wey 3,000 he menge kerehidu wey menge kambing.

Salmo 89:19

Dengan nekidlalag ka te metinumanen he menge suluǥuen nu pinaaǥi te kebpelawas nu kandan. Ke sikew te, “Midtevangan ku is sevaha he sundaru. Mid-aram ku sikandin puun te menge etew ku su para mehimu he hadì.

Isaias 13:1

Iyan heini lalag he mehitenged te Babilonia he impehayag te Nengazen diyà te ki Isaias he anak ni Amoz:

Isaias 2:1

Iyan heini impehayag te Megbevayà diyà te ki Isaias he anak ni Amoz mehitenged te Juda wey Jerusalem:

Isaias 20:2

Dutun te wazè pa heini mehitavù ne migkaǥi is Nengazen diyà te ki Isaias he anak ni Amoz te, “Luwasa nu is bisti nu he saku wey pul-uta nu is sendalyas nu.” Midtuman heini ni Isaias, ne midhiphipanew sikandin is wazà bisti wey sendalyas.

Isaias 21:2

Nekelawas a te mekahandekhandek mehitenged te kedluib wey kebpendezaat. Sikiyu is menge tig-Elam wey menge tig-Media, liǥuwi niw is Babilonia ne surunga niw. Edhimesazen te Megbevayà is kebpeentusa zin te zuma he menge nasyun.

Isaias 37:2

Ne impehendiyè din te ki Isaias he anak ni Amoz ensi Eliakim he edumala te turuǥan, si Shebna he sikritaryu, wey is lavew he menge memumuhat. Pudu sikandan mibivisti te saku.

Isaias 38:1

Dutun he timpu, nezeruwan si Hezekia ne henduen be te ebpatey en. Midhendiyà te kandin is ebpeneuven he si Isaias he anak ni Amoz ne migkaǥi te, “Migkaǥi is Nengazen he veeli nu en is egkesuatan nu te ebaal su kenè ke en egkeulian, kekenà, ebpatey kad.”

Isaias 40:9

Sikiyu is edsangyew ziyà te Zion, is inged he Jerusalem te meupiya he tudtulanen, tekezeg kew ziyà te metikang he vuntud, ne pekezaǥing kew is edsangyew te meupiya he tudtulanen. Kenè kew mahandek he ebpemensag. Keǥiyi niw is menge etew ziyà te menge inged he sakup te Juda he nekeume en is Megbevayè dan.

Isaias 6:1

Dutun te tuig te kebpatey ni Hadì Uzia, neehè ku is Nengazen he ebpimpinuu ziyà te metikang he pinuuwà te kedhadì. Is melayat he visti zin nekeeneb duen te valey te Nengazen.

Isaias 7:1

Si Ahaz he anak ni Jotam wey apù ni Uzia, hein hadì sikandin diyà te Juda, duen midsurung diyà te Jerusalem. Is nenurung iyan si Hadì Rezin he hadì te Aram wey si Hadì Peka he hadì te Israel, he anak ni Remalia. Piru wazè dan maaǥew is Jerusalem.

Jeremias 23:16

Migkeǥiyan te Nengazen he Mekeǥeǥehem is menge etew ziyà te Jerusalem te, “Kenè kew pemineg te egkeǥiyen kayi te teruen he menge ebpeneuven. Ibpeperateng kew zan dà te tarù. Is egkeǥiyen dan he nengelewasan dan ne kenà diyà ebpuun te kediey su ziyè dà te isip dan.

Ezekiel 1:1

Iyan a si Ezekiel, sevaha a he memumuhat ne anak a ni Buzi, wey sevaha a te menge mibihag pehendiyà te Babilonia. Duen andew he zutun diyà a te veyvey te Wahig he Kebar zuma te zuma he menge vinihag, ne neehè ku he nepuwasan is langit ne midumala a te ǥehem te Nengazen. Ne zutun duen impelewasan din kediey. Nehitavù heini hein ikelima he andew te ikeepat he vulan te ike-30 he tuig. Iyan heini timpu te ikelima he tuig te kegkevihaǥa ki Hadì Jehoyakin.

Hoseas 1:1

Heini he menge lalag impahayag te Nengazen diyà te ki Hoseas he anak ni Beeri dutun te timpu te kedhadì ni Uzia ziyà te Juda, pehendiyà te ki Jotam, ki Ahaz, wey ki Hezekia, ne timpu zaan haazà te kedhadì ni Jeroboam diyà te Israel he anak ni Joash.

Amos 1:1

Iyan heini menge lalag ni Amos he tig-Tekoa he perevantey te menge kerehidu. Heini he menge lalag, ne mehitenged te Israel. Impezayag heini te Megbevayà diyà te kandin hein dezuwa pa he tuig human egkehitavù is linug, hein timpu he si Uzia iyan hadì diyà te Juda ne si Jeroboam he anak ni Joash iyan hadì diyà te Israel.

Amos 4:5

Tutung kew te supas he midtepayan he pemuhat niw te kebpeselamat kayi te kedì. Sigi, ipahambug niw heeyan ragkes is menge pemuhat niw he keugelingen he suat is kebpemuhata zuen, su iyan man heeyan egkesuatan niw. Iyan a, is Nengazen he MEGBEVAYÀ, migkaǥi kayi.

Micas 1:1

Iyan heini menge lalag te Nengazen bahin te Samaria wey Jerusalem. Impahayag din heini ziyà te ki Micas he tig-Moreshet dutun te timpu te kedhadì ni Jotam diyà te Juda, ne neketinundug kandin te kedhadì si Ahaz, wey si Hezekia. Migkaǥi si Micas te,

Nahum 1:1

Is menge lalag kayi he libru, ne mehitenged te Nineve. Impahayag heini te Nengazen diyà te ki Nahum he tig-Elkosh.

Habakuk 2:2

Iyan heini tavak te Nengazen ki Habakuk: “Isurat nu he keladu ziyà te suratà he vatu is ibpahayag ku ziyà te kenikew su para melemu heini he ebesahan.

Numero 12:6

migkaǥi is Nengazen te, “Pemineǥa niw heini: Emun duen ku ebpeneuven diyà te keniyu, ne ebpekidlalag a kandin pinaaǥi te ibpelewasan ku wey ibpeteǥeinep ku.

Numero 24:16

Nezineg ku is lalag te Utew Lavew he Megbevayà, ne mibeǥayen e zin te ketau. Duen mibpelewasan kedì te Mekeǥeǥehem he Megbevayà. Mibpekevavà a ziyà te etuvangan din, ne impesavut e zin. Ne iyan heini menge lalag ku:

Numero 24:4

Nezineg ku is menge lalag te Megbevayà, wey zuen nelewasan ku he impelewasan kediey te Mekeǥeǥehem he Megbevayà. Mibpekevava a ziyà te etuvangan din, ne impesavut e zin. Ne iyan heini menge lalag ku: