Hoseas 5:4 - Manobo Western Bukidnon OT

⁴ “Is mezaat he menge vaal niw iyan ed-eǥen keniyu wey kew kenà mekelikù kayi te kedì te Megbevayè niw. Su ziyà te gehinawa niw is mulin-ulin he edtukù keniyu te ked-azap te zuma he menge ed-ezapen, ne wazà a keniyu kilelaa he Nengazen.

Hoseas 5:4 ပူးပေါင်းရင်းမြစ်များ

Salmo 78:8

Ne kenà sikandan egkeiring te menge kepuun dan he menge supekiru, kenà menge metinumanen, kenà melig-en is kedsarig dan te Megbevayà, wey kenè dan mepezumdumahan kandin.

Salmo 9:10

Edsarig kenikew is menge etew he nekekilala kenikew. Su wazè pa mid-aput diyà te kenikew he wazè nu zewata.

Jeremias 24:7

Idsavuk ku ziyà te ǥehinawa zan is tinguhà te kegkilala kediey te Nengazen dan. Egkehimu sikandan he menge etew ku ne egkehimu a he Megbevayè dan, su edlikù sikandan kayi te kediey te kedlikù he ebpuun diyà te gehinawa zan.

Jeremias 50:38

Ne egkemezahan is langun he menge wahig din. Su is Babilonia lugar he mahabet is menge ed-ezapen duen ne netazin is isip te menge etew kayi te mekeharatharat he menge ed-ezapen.

Jeremias 9:24

Iyan ereg he ibpegalbu zin is kegkesevuta zin wey kegkekilelaa zin kedì he iyan a Nengazen he mepinelenggaan; iyan a ebaal te hustu wey metazeng kayi te kelibutan su iyan heini ebpekelipey kediey.”

Jeremias 9:6

Pudu kedlimbung is menge vaal zan, ne wazè dan en megkilala kediey.

Hoseas 13:13

“Duen niw en penahun he ebeǥuwen niw is kebpengungubpaan niw. Piru tenged te wazè niw kedsavut, wazè niw heini beliya. Iring kew te vatà he kenà egkesuat he egawas diyà te getek dutun te idlusad en pezem sikandin.

Hoseas 4:1

Sikiyu is menge Israilihanen he meǥinged diyà te tanà he Israel, pemineǥa niw is riklamu te Nengazen keniyu: “Wazè en etew ziyà te tanè niw he metinumanen, ebmahal, wey egkilala kediey,

Hoseas 4:11

su wey niw maazap is duma he menge ed-ezapen. “Menge etew ku, is beǥu wey is daan he vinu ebpekaawà te meupiya he ked-isip-isip.

Hoseas 4:12

Ebpesambag kew te menge ed-ezapen niw he kayu. Ne kunaan niw ke edtavak heini. Midtazin kew te mulin-ulin he iyan midtukù keniyu wey niw maazap is duma he menge ed-ezapen, umbe mid-iniyuǥan a keniyu, iring kew te vahi he nengumpadi.

Hoseas 4:14

Piru kenè ku sikandan edsilutan tenged keniyan te mibeelan dan su sikiyu is menge maama nekidhilavet kew zaan te menge vahi he ebelegyà te zengeg dan diyà te simbahan, ne nemuhat kew pa zuma kandan te menge pemuhat he para te zuma he menge ed-ezapen. Ne ǥeina te sikiyu he menge etew, wazè niw kedsavut mehitenged te ketutuanan, ne edezeetan kew.

Hoseas 4:6

“Egkengezeetan is menge etew ku su ǥeina te kurang dan te keuluwanen mehitenged kediey. Su sikiyu mismu is menge memumuhat inselikwey niw is paaǥi te kegketau mehitenged kedì, umbe idselikwey ku en daan sikiyu is menge memumuhat ku. Midlipatan niw is Kesuǥuan ku, umbe edlipatan ku zaan is menge anak niw.

Hoseas 7:11

Iring sikandan te merepatik, he melemu zà he ed-ekalan wey wazè din emet. Mibuyù sikandan te tavang diyà te Ehipto wey Asiria.

Hoseas 8:11

Tutuu iyan he mibaal sikandan te mahabet he menge pemuhatà he para te menge pemuhat he para idlumpiyu, piru heini he menge pemuhatà, nehimu en he lugar he zutun sikandan ebaal te salà.

1 Samuel 2:12

Is dezuwa he menge anak ni Eli menge tulebung he menge etew. Wazè dan medtuman te suǥù kandan te Nengazen.