Hoseas 4:2 - Manobo Western Bukidnon OT

² kekenà, iyan mid-ulaula niw is kebpenrawak te zuma, kedtarùtarù, kebpenhimatey, kebpenakew, wey kebpengumpadi. Nekeeneb en heini, ne kenè en egkerintas is hinimetayà.

Hoseas 4:2 ပူးပေါင်းရင်းမြစ်များ

Genesis 4:8

Sevaha zutun he andew, migkaǥi si Cain diyà te hazi zin he si Abel te, “Edhendiyè ki te vevesukà.” Ne hein diyè dan en, midhimetayan ni Cain si Abel.

Isaias 24:5

Midremerikan is kelibutan te menge meǥinged kayi, su wazè dan tumana is menge kesuǥuan wey menge sulunuzen he ibpesunud te Megbevayà. Midrapas dan is wazà pidtemanan he kebpekid-uyun te Megbevayà kandan.

Isaias 48:1

“Pemineg kew is menge kevuwazan ni Jacob, he egngezanan te Israel, he ebpuun diyà te tribu ni Juda. Nenangdù kew pinaaǥi te ngazan te Nengazen, wey mid-umew niw is Megbevayà te Israel. Piru kenà heini ebpuun diyà te gehinawa niw, su kenè kew menge metazeng.

Jeremias 51:5

Su siak, is Nengazen he MEGBEVAYÀ he Mekeǥeǥehem, wey Waǥas he Megbevayà te Israel, wazè ku iselikwey is Israel wey Juda minsan pa te nekeeneb kayi he tanà is kelelalung.

Jeremias 6:7

Iring heini te serebseb he kenà ed-engked he edtuda, su kenà daan egkeengked is kebaal te mezaat kayi. Layun egkezineg kayi he inged is kebpaantus wey kebpendezaat. Is daru wey palì kayi iyan layun ku egkaahà.

Penhulùhulù 4:13

Piru nehitavù heini tenged te menge salà te menge ebpeneuven kandan wey te menge memumuhat dan, he ebpenhimatey te menge etew he kenà ereg he edhimetayan.

Ezekiel 7:23

“Ibpevihag ku is menge etew ku su grabi is hinimetayà wey kesamuk diyà te nasyun dan.

Hoseas 10:13

“Piru nemula kew te kelelalung, umbe ebpekeraǥun kew zaan te kelelalung. Midtarùtarù kew, ne beǥas heeyan te kelelalung niw. Ne ǥeina te midsarig kew te kebpekegaga niw, iring te kahabet te menge sundaru niw,

Hoseas 10:4

Edtulung dà sikandan egkaǥi piru wazè dan egkehimu. Ebpenangdù dan te tarù wey ebpekid-uyun dan he kenè dan edtumanen. Umbe is kukuman, neiring en te edhilu he sagbet he midtuvù diyà te vevesukà.

Hoseas 11:12

Migkaǥi pa is Nengazen te, “Layun e zà edterterui wey edlelunga te menge tig-Israel. Ne is menge tig-Juda mibpedayun te kebpekeziyù kayi te kedì, te Megbevayà he waǥas wey metinumanen.

Hoseas 12:14

Piru midhimu niw he mepauk a is Nengazen niw tenged te kebpenhimatey niw, umbe edsilutan ku sikiyu. Ebelesan ku sikiyu te kedsumpelita niw kediey.

Hoseas 5:2

Nekidsukulè kew kediey wey edtinguhè kew te kebpenhimatey, umbe ebmensuwen ku sikiyu is langun.

Hoseas 6:8

Is inged he Gilead mid-ubpaan te lalung he menge etew ragkes en is menge teremunù.

Hoseas 6:9

Is menge memumuhat niw henduen be te grupu te menge tulisan he ebantey zà te egkebiktima zan. Ebpenhimatey sikandan diyà te zalan he ibpehendiyà te Shekem, wey zuen pa zuma he mekeeled-eled he menge vaal he mibeelan dan.

Hoseas 7:1

Egkesuatan ku te ebawì is menge tig-Israel. Piru is egkeehè ku ziyà te kandan iyan is kelelalung dan. Ebpenlimbung sikandan, edseled dan diyà te menge valey is ebpenakew, wey ebpenulis dan diyà te menge zalan.

Hoseas 7:3

Nelipey zan is menge hadì dan wey menge upisyal zan pinaaǥi te kelelalung wey kedtarùtarù dan.

Hoseas 7:4

Pudu sikandan meluiven; iring sikandan te meinit he evuwan he kenè en kinahanglan he edtevunan te ebaal te supas puun te kebmasa zin taman te kebpetuvùa zin dutun te minasa zin he herina he edlutuen din.

Micas 3:2

Piru igkeepes niw is meupiya, ne mibmahal niw mulà is mezaat. Edèdaaǥen niw utew is duma ku he menge meǥinged; henduen be te mid-enisan niw sikandan, ne migkuwa niw is menge sapù dan diyà te menge tulan dan, ne mibpenggetad niw is menge tulan dan, ne mibpemisang niw is menge sapù dan, ne midhilutù niw wey migkaan.

Micas 3:9

“Sikiyu is menge pengulu te Israel wey Juda, pemineg kew! Igkeepes niw is metazeng he kukuman ne mibulegkù niw is hustu.

Micas 6:10

Mezaat kew he menge etew! Kenè ku egkelipatan is menge ketiǥeyunan he netiǥum niw pinaaǥi te mezaat he paaǥi. Migamit kew te kenà hustu he tekesà he iyan kes baal he midrewakan ku.

Micas 7:2

Is ibpesavut ku iyan is, wazè en neehè ku he etew kayi te Israel he mepezumdumahan te Megbevayà. Wazè en nesamà he metazeng he etew. Is kada sevaha, edtaǥad te meupiya he timpu te kegkehimetayi zin te zuma zin he meǥinged, iring te etew he edtaǥad te kegkeutela zin te langgam he edhingutelen din.

Zefanias 3:1

Migkaǥi si Zefanias te, “Mekehizuhizu is Jerusalem! Is menge meǥinged kayi nekidsukulà te Megbevayà wey mibaal te mezaat he menge vaal, ne is menge pengulu kayi midlisedlised dan is menge etew.

Zacarias 5:3

Ne migkaǥi haazà is belinsuǥuen kayi te kedì te, “Nekesurat keniyan te velesahan is rawak he egkehitavù diyà te tivuuk he tanà te Israel. Nekaǥi ziyà te senge vahin he id-awà puun te Israel is langun he menge tekawen, ne nekaǥi ziyà te selakew en he vahin he id-awà daan is langun he ebpenangdù te tarù.

Zacarias 7:9

“Iyan heini migkaǥi ku ziyà te menge etew ku: ‘Iveǥey niw is metazeng he kukuman. Ipeehè niw is keupiya niw wey kebpekedhihizuwè niw.

Deuteronomio 5:11

“ ‘Kenè niw ǥemita is ngazan ku te wazè din pulus su siak, is Nengazen he Megbevayè niw, edsilut te minsan hentei he egamit te ngazan ku te wazè din pulus.

Deuteronomio 5:18

“ ‘Kenè kew mebpengumpadi.

Deuteronomio 5:19

“ ‘Kenè kew mebpenakew.