Hoseas 3:4 - Manobo Western Bukidnon OT

⁴ Su ebpesavut heini he seled te meluǥayad he timpu is kebpengungubpaan te menge etew te Israel he wazè dan hadì, upisyal, pemuhat, tedeman he vatu, wazà ipud he egemiten te kebpenagnà, wey menge ed-ezapen.

Hoseas 3:4 ပူးပေါင်းရင်းမြစ်များ

Genesis 31:34

Piru ingke-eles-en ni Raquel ziyà te bulsavulsa zuen te silya te kemilyu zin, ne mibpinuuwan din heini. Ne midsusi ni Laban is langun he menge taǥù dutun te tulda ne wazè din maahà.

Genesis 49:10

Pedayun ka he edumala, Juda. Ebpuun te kevuwazan nu is egkehimu he menge sineriǥan. Umbe ebeǥey is menge nasyun te vuhis diyà te kenikew wey ebpevayèbayè dan kenikew.

2 Samuel 6:14

Midsayew si David diyà te etuvangan te Nengazen pinaaǥi te tivuuk he zesen din, he migkukumbalà te ipud he linu.

2 Hadì 23:24

In-awà ni Josia ziyà te Jerusalem wey te tivuuk he Juda is menge veyilan he ebpekidlalag te gimukud te nemematey en, is menge ledawan he ed-ezapen te menge pemilya, is duma he menge ed-ezapen, wey is langun he utew mezaat he ed-ezapen te menge etew. Mibeelan heini ni Josia su edtumanen din is menge suǥù he ingkesurat diyà te libru he naahà te memumuhat he si Hilkia ziyà te valey te Nengazen.

2 Cronica 15:2

Ne mibpekid-ahà sikandin ki Asa ne migkeǥiyan din te, “Pemineǥa a keniyu Hadì Asa, wey sikiyu is langun he tig-Juda wey tig-Benjamin. Is Nengazen ne kenà edsuwey keniyu emun kenè kew edsuwey kandin. Emun edangep kew kandin ne egkeehè niw is keupiya zin. Piru ke ed-iniyuǥan niw sikandin, ne ed-iniyuǥan kew zin daan.

Exodus 28:4

Ne iyan heini menge visti he ebeelan para kandin: is teleǥuey ziyà te kumeng, ipud, pendivavew he visti, pendizalem he visti he binurdahan, tengkulu, wey vagkes. Kinahanglan he ebaal zan te menge visti he para ki Aaron wey para te menge anak din he maama, su para mekepenilbi sikandan kedì pinaaǥi te kebpemuhat.

Exodus 28:6

“Is ipud, kinahanglan he iyan ebeelan is linu he utew meupiya, wey tanur he vulawan wey welin he tanur he meitem is kavuavu zin, merudtem wey kanggan. Kinahanglan he meupiya is kegkeburdahi kayi.

Penhulùhulù 2:9

Netembunan te tanà is menge pultahan te inged. Nengevengkag is menge terangka kayi, su mibpemadti heini te Nengazen. Mibihag is menge hadì wey is dungganen he menge etew te Jerusalem. In-engked en ipenurù is kesuǥuan. Wazè en menge lalag te menge ebpeneuven he ebpuun diyà te Nengazen.

Ezekiel 19:14

Netutung is sevaha he subpang kayi ne midelandap diyà te zuma he menge subpang ne netutung is menge veǥas din. Umbe wazè en nesamà he melig-en he subpang din he egkehimu he ebeelan he tuked te hadì. “Heini he kebpenhulùhulù ereg he egkentahan kayi he timpu.”

Ezekiel 20:32

“ ‘Kenà egkehitavù is egkeisip niw he egkeiring kew te zuma he menge nasyun he is menge etew zuen ed-azap te menge ed-ezapen he ledawan he vatu wey kayu.

Ezekiel 21:21

Su is hadì te Babilonia edhitindeg diyà te lembaǥan keniyan te zezuwa he kersada ne ibarè din ke hendei zutun te zezuwa is ed-ikulen din pinaaǥi te kedhubus te vesut te panà, wey kedsusi te atey te uyaǥen he impemuhat, wey ked-insà diyà te menge ed-ezapen.

Ezekiel 21:31

Ebpeǥezaman ku keniyu is utew ku kegkepauk, ne ibeǥey ku sikiyu ziyà te mesipala he menge etew, he nelayam he ebpenhimatey.

Daniel 11:31

“Edsuǥuen duen te hadì diyà te zizaya is menge sundaru zin he remeriki zan sikan is binerengbeng he baley te Nengazen. Ibpeengkezan dan te ebaal is andew-andew he kebpemuhat, ne idsavuk dan dutun is utew mezaat he iyan egkehimu he hinungdan te kebey-ani zutun te valey te Nengazen.

Daniel 12:11

“Edlavey is 1,290 he andew puun te timpu te kebpeengkeza te andew-andew he kebpemuhat wey kedsevuka te utew mezaat he vutang he egkehimu he hinungdan te kebey-ani zutun te valey te Nengazen taman te kegkeuma te ketepusan.

Daniel 9:27

Haazà is hadì, edhimu te melig-en he kesebutan diyà te mahabet he menge etew he egketapus te pitu he tuig. Piru kedlavey te tetelu he tuig wey tengà, ebpeengkezan din is kebpemuhat ne idsavuk din diyà te valey te Nengazen is utew mezaat he vutang he egkehimu he hinungdan te kebey-ani zutun te valey te Nengazen. Ne kenà heini egkaawà dutun taman te kemulu pa haazà is hadì su iyan heini imbanglis te Megbevayà.”

Hoseas 13:10

Mibuyù kew te hadì wey menge upisyal su midsarig kew he iyan sikandan ebpeketavang keniyu. Umbe tenged te kegkepauk ku ne imbeǥey ku sikandan diyà te keniyu, ne tenged te kegkeepes ku in-awè ku sikandan diyà te keniyu. Na, hendei en be is hadì niw wey is menge pengulu ziyà te kada inged he edlibri keniyu?

Hoseas 2:11

Ibpeengkezan ku en is langun he ispisyal he menge timpu te ked-azap he edsilibrahan din kada tuig, kada vulan, wey kada simana.

Leviticus 8:7

Ne impesul-ub din ki Aaron is bisti te lavew he memumuhat: is pendizalem he visti, is bakes, is pendivavew he visti, wey is ipud he mibpikitan te vakes he mibpurpurungan is kedhevela zuen.

Zacarias 10:2

Benar iyan, kenà ereg he edtuuwan is duma he menge ed-ezapen wey is menge menenagnà. Edseysey zan te sayep he kehuluǥan te menge teǥeinep. Wazà pulus te menge lalag dan he idasig. Umbe neiring is menge etew te Israel te menge kerehidu he nengetazintazin. Nerasey zan su wazè dan pengulu.

Zatù 17:5

Duen keugelingen ni Micas he simbahan he para te menge ed-ezapen. Ne mibaal sikandin te ipud wey menge ledawan. Midhimu zin he memumuhat is sevaha te menge anak din he maama.

Zatù 18:14

Ne sikan is lelima he maama he neniid diyà te Laish migkaǥi ziyà te menge zuma zan te, “Netuenan niw ve he is sevaha te menge valey kayi ne zuen duen ipud, duen daan ledawan he mid-epizan te pelata, wey zuma pa he menge ed-ezapen? Isip-isip kew ke hengkey is meupiya he ebeelan tew.”

Zatù 8:27

Ne haazà is netiǥum he vulawan, mibpeveelan ni Gideon he ipud ne impelastar zin haazà diyà te Ofra he iyan inged din. Ne zutun mid-iniyuǥan en maan te menge Israilihanen is Megbevayà su iyan dan ed-ezapen haazà is mibpeveelan ni Gideon. Nehimu haazà he zekelà he penggezam ki Gideon wey te pemilya zin.

1 Samuel 14:3

Sevaha zutun te sakup din si Ahia he memumuhat, he migkukumbalà te ipud. Si Ahia anak ni Ahitub, he suled ni Ikabud. Si Ahitub, anak ni Finehas. Si Finehas, anak ni Eli he memumuhat dengan te Nengazen diyà te Shilo. Wazà netau te kegenat ni Jonatan.

1 Samuel 15:23

Is kebpekidsukulà te Nengazen iring ded kezaat te kebpeveveyilan, ne is kegkemesinupaken iring ded kezaat te ked-azap te zuma he menge ed-ezapen. Geina te inselikwey nu is suǥù te Nengazen, idselikwey ke zin daan pinaaǥi te kegkeewaa kenikew he hadì.”

1 Samuel 2:18

Dutun he timpu, is batà he si Samuel pedayun he mibpenilbi te Nengazen. Midsul-ub sikandin te ipud he linu.

1 Samuel 21:9

Midtavak kes memumuhat te, “Kayi zed kes ispada ni Goliat kes Filistihanen, he midhimetayan nu ziyà te menge Suǥud he Elah. Mibukusan heini te manggad ne ziyà itaǥù te zivaluy te ipud. Kuwaa nu emun egkesuatan nu su wazè en duma pa he gumaan kayi.” Migkaǥi si David te, “Iveǥey nu heeyan kedì. Wazè en ispada he iring keniyan.”

1 Samuel 22:18

Ne zutun midsuǥù te hadì si Doeg he Edomanhen he iyan ibpepenhimatey te menge memumuhat, ne mibpenhimetayan dan ni Doeg. Te haazè dà he andew ne 85 he menge memumuhat is mibpenhimetayan ni Doeg.

1 Samuel 23:6

(Hein mibpelaǥuy si Abiatar he ziyà mebpevayà te ki David diyà te Keila, mid-uwit din is ipud te memumuhat.)

1 Samuel 23:9

Ne hein netuenan ni David is planu ni Saul, migkeǥiyan din si Abiatar kes lavew he memumuhat he kuwaa zin kes ipud.

1 Samuel 30:7

Ne zutun migkeǥiyan ni David si Abiatar he memumuhat he anak ni Ahimelec te, “Uwita nu kayi kes ipud.” Ne zutun mid-uwit ni Abiatar ziyà te ki David.