Hoseas 2:9 - Manobo Western Bukidnon OT

⁹ Umbe, zutun te tiraǥun edhewien ku is menge trigu wey vinu he imbeǥey ku. Wey edhewien ku zaan is menge manggad he welin wey linu he imbeǥey ku para idtambun te kegkelevasi zin.

Hoseas 2:9 ပူးပေါင်းရင်းမြစ်များ

Ezekiel 16:27

Umbe, midsilutan ku sikew wey impemeliǥet ku is tanè nu. Mibpeveyveyaan ku sikew te menge kuntada nu he menge Filistihanen, ne minsan sikandan, henduen be te neinuinu kenikew te mahawag he vetasan nu.

Ezekiel 16:39

Ibeǥey ku sikew ziyà te menge kumpadi nu, ne edrundusen dan is menge simbahan he para te menge ed-ezapen nu. Edlevasan ke zan ne egkuwaan dan is mekempet he menge elahas nu, ne ed-ewaan ke zan he lelevas.

Ezekiel 23:26

Edlevasan ke zan ne egkuwaan dan is menge elahas nu.

Daniel 11:13

Su ed-uman edtiǥum sikan is hadì diyà te zizaya te tuwas pa he mahabet he menge sundaru zuen te nehuna. Ne kedlavey te egkepipira he tuig ed-uman sikandin edsurung duma te mahabet wey egkeǥumeenan he menge sundaru.

Hoseas 2:3

Emun kenà sikandin ed-engked ne edluwasan ku sikandin ne egkelevasan iring hein in-anak sikandin. Edhimuwen ku sikandin he iring te sibsivayan etawa disirtu, ne ebpatey sikandin te kegkemezahi.

Hoseas 8:7

“Iring sikandan te nemula te keramag ne ebpekeraǥun sikandan te eribpures. Iring dan daan te trigu he wazè din pungu he kenà ebpekeveǥey te keenen. Piru minsan ebpekeveǥey heini te keenen, ne iyan egkaan duen is menge lumelengyawà.

Hoseas 9:2

Piru ziyà te huziyan he timpu egkaawà diyà te keniyu is menge trigu wey vinu.

Joel 2:14

Ne kela ke mahalin is isip te Nengazen he Megbevayè niw ne edtuvazan din is menge sebpet niw, su wey kew mekepemuhat en diyà te kandin te menge trigu wey vinu.

Zefanias 1:13

Ed-eǥawen is menge azen dan ne ed-ewaan dan is menge valey zan. Kenà iyan sikandan ebpekeubpà diyà te menge valey he mibangun dan. Wey kenà iyan sikandan ebpekeinum te vinu he ebpuun diyà te menge pinemula zan he paras.”

Malakias 1:4

“Emun egkaǥi is menge Edomanhen he menge kevuwazan ni Esau te, ‘Minsan nezeetan en is ubpaan dey, ne ed-umanan dey heini ebenguna,’ iyan a, kes Nengazen he Mekeǥeǥehem, egkaǥi te, ‘Minsan ed-umanan dan ebenguna haazà is inged dan ne edrundusen ku zed gihapun. Egngezanan sikandan he “mezaat he nasyun” wey “menge etew he layun dà igkeepes te Nengazen.”

Malakias 3:18

Ne egkeuman niw en maan egkaahà is mibizahayan te metazeng wey lalung, is mibizahayan te ebpenilbi te Megbevayà wey kenà ebpenilbi kandin.”