Hoseas 2:1 - Manobo Western Bukidnon OT

¹ “Umbe tewaǥa niw is iring niw he menge Israilihanen te menge ‘Etew Ku’ wey ‘Ingkehizu Ku.’ ”

Hoseas 2:1 ပူးပေါင်းရင်းမြစ်များ

Jeremias 31:33

Migkaǥi pa is Nengazen te, “Is beǥu he kebpekid-uyun he edhimuwen ku ziyà te menge tig-Israel te egkeuma he timpu iyan heini: Idtaǥù ku is menge suǥù ku ziyà te isip dan wey idsurat ku heini ziyà te gehinawa zan. Egkehimu a he Megbevayè dan, ne egkehimu zan he menge etew ku.

Jeremias 32:38

Egkehimu sikandan he menge etew ku ne egkehimu a he Megbevayè dan.

Jeremias 51:5

Su siak, is Nengazen he MEGBEVAYÀ he Mekeǥeǥehem, wey Waǥas he Megbevayà te Israel, wazè ku iselikwey is Israel wey Juda minsan pa te nekeeneb kayi he tanà is kelelalung.

Ezekiel 11:20

Edtumanen niw en is menge suǥù ku wey menge sulunuzen. Egkehimu kew he menge etew ku, ne egkehimu a he Megbevayè niw.

Ezekiel 36:11

Ibpemahabet ku is menge etew wey menge uyaǥen diyà te keniyu. Ebpeumanan ku sikiyu ebpeubpai te menge etew iring te zengan, ne ibpeuswag ku sikiyu te lavew pa te zengan. Ne egketuenan niw he iyan a Nengazen.

Ezekiel 36:28

Ed-ubpè kew ziyà te tanà he ibeǥey ku te menge kepuun niw. Egkehimu kew he menge etew ku, ne egkehimu a he Megbevayè niw.

Ezekiel 37:27

Ed-ubpà a he zuma zan. Egkehimu a he Megbevayè dan, ne egkehimu sikandan he menge etew ku.

Hoseas 2:2

“Menge anak, dewaya niw is iney niw minsan kenè ku en sikandin esawa, wey kenè e zin en esawa. Dewaya niw sikandin he engkezi zin is kebpengumpadi.

Hoseas 2:23

Ibpeubpè ku sikiyu ziyà te tanè niw su menge etew ku sikiyu. Ne sikiyu is migngezanan he Lo Ruhama he ke và dà egkegiya, ‘Wazà Mehizuwi,’ ibpeehè ku is hizu ku keniyu. Ne sikiyu zaan is migngezanan te Lo Ami he ke và dà egkegiya, ‘Kenà menge Etew ku,’ edtewaǥen ku he menge etew ku, ne egkaǥi kew te iyan a Megbevayè niw.”

Zacarias 13:9

Is egkesamà he iketelu he vahin, ne edlumpiyuwan ku he iring te pelata he edhimuwen he lunsey pinaaǥi te hapuy. Ne egezaman ku sikandan iring te kegezam te kegkelunsey te vulawan he pinaaǥi te hapuy. Ed-ampù dan kayi te kedì ne ebpemineǥen ku sikandan. Egkaǥi a te, ‘Menge etew ku sikandan,’ ne egkaǥi zaan sikandan te, ‘Is Nengazen iyan Megbevayè dey.’ ”