Hoseas 11:4 - Manobo Western Bukidnon OT

⁴ Migiyahan ku sikandan duma is ked-elima iring te ked-elima te etew te vaka zin. Iring te midtangtang ku is eyuǥu ziyà te tengel zan ne migkumpayan ku sikandan.

Hoseas 11:4 ပူးပေါင်းရင်းမြစ်များ

2 Samuel 7:14

Egkehimu he iyan a amey zin, ne iyan daan sikandin anak ku. Emun ebpekesalà sikandin, ne ebmensuwen ku sikandin iring te kebmansu te amey te anak din.

Salmo 105:40

Mibuyù dan te keenen, ne mibpeuwitan din sikandan te menge piyuǥù, ne midhantey zin sikandan te keenen he ebpuun te langit.

Exodus 16:32

Migkaǥi si Moises te, “Iyan heini suǥù te Nengazen: Taǥù kew te senge-ǥantang he ‘manna’, para te peleebuten he egkelapislapis he menge kevuwazan, para meehè dan is keenen he imbeǥey ku keniyu ziyà te sibsivayan hein impeǥawas ku sikiyu puun diyà te Ehipto.”

Solomon 1:4

Dumaha a kenikew ne egaangaan ki egenat. Iyan ka hadì ku, ne uwita a ziyà te ruǥu nu. Utew zey sikew igkelipey! Edhuna is kegkesuati zey te kebmahal nu kenà te vinu. Ereg iyan he egkesuatan ke zan!

Isaias 63:9

Diyà te langun he menge elentusen dan, nekaantus daan sikandin, ne midlibri zin sikandan pinaaǥi te velinsuǥuen he mibpezayag diyà te etuvangan din. Tenged te kebmahala wey kegkehizuwi zin kandan midlibri zin sikandan; mid-etiman din sikandan seled te langun he andew zutun te nehuna he timpu.

Hoseas 2:8

“Wazè din isipa he iyan a mibeǥey kandin te trigu, binu, lana, wey mahabet he menge pelata wey vulawan he mibeelan dan he ledawan ni Baal.

Leviticus 26:13

Iyan a kes Nengazen he Megbevayè niw he mibpeǥawas keniyu puun te Ehipto su wey kew kenè en meuripen te menge Ehiptohanen. Mibeǥayan ku en sikiyu te vayàbayà umbe wazè en ereg he igkeeled niw.

Deuteronomio 32:12

Nengazen dà is migiya te menge etew zin ne wazè en kinahanglan is tavang te zuma he menge tarù he ed-ezapen.

Deuteronomio 32:14

Mibeǥayan din sikandan te menge kisu wey ǥatas he ebpuun diyà te menge vaka wey kerehidu, wey mibeǥayan te melambù he menge kerehidu, wey kambing he ebpuun diyà te Bashan. Mibeǥayan din daan sikandan te memeupiya he menge trigu wey impeinum te kinemeupiyahan he vinu he ebpuun te paras.