Hoseas 10:3 - Manobo Western Bukidnon OT

³ Siguradu he ebpekekaǥi sikandan keuzemà: Wazè dey hadì su wazè key medtahud te Nengazen. Piru minsan duen dey pa hadì, wazà gihapun meupiya he egkehimu zin diyà te kenami.

Hoseas 10:3 ပူးပေါင်းရင်းမြစ်များ

Genesis 49:10

Pedayun ka he edumala, Juda. Ebpuun te kevuwazan nu is egkehimu he menge sineriǥan. Umbe ebeǥey is menge nasyun te vuhis diyà te kenikew wey ebpevayèbayè dan kenikew.

2 Hadì 15:13

Nehimu he hadì diyà te Israel si Shalum he anak ni Jabesh hein ike-39 he tuig te kedhadì ni Uzia diyà te Juda. Diyà te Samaria med-ubpà si Shalum, ne midhadì sikandin seled dà te senge vulan.

Salmo 118:9

Meupiya pa is kedangep diyà te Nengazen kenà is kedsarig diyà te mekeǥeǥehem he menge etew.

Salmo 12:4

Ke sikandan te, “Ebmezeeǥen key pinaaǥi te kebpahambug dey. Ebpekehimu key he egkaǥi te minsan hengkey he egkesuatan dey, ne wazà ebpekezawey kenami.”

Isaias 5:19

Ed-undaunda kew pa he ke sikiyu te, “Egègaanen te Waǥas he Megbevayà te Israel is kedsilut din sumalà te migkaǥi zin he ebeelan din, su wey zey maahà. Deyzey ke egkehitavù en is pelanu zin su wey zey metueni heini.”

Hoseas 10:15

Iyan daan heeyan egkehitavù keniyu te menge tig-Betel su utew en subra is kelelalung niw. Dutun te egkeriwaswas pa, ne ebpatey en is hadì te Israel.”

Hoseas 10:7

Egkezeetan wey egkahanew is hadì din iring te zeisey he kayu he egkaanud te wahig.

Hoseas 11:5

Ne ǥeina te kenè dan egkesuat he edlikù kayi te kedì, ne siguradu he ziyà sikandan ebpekelikù te Ehipto, ne tig-Asiria is edumala kandan.

Hoseas 13:10

Mibuyù kew te hadì wey menge upisyal su midsarig kew he iyan sikandan ebpeketavang keniyu. Umbe tenged te kegkepauk ku ne imbeǥey ku sikandan diyà te keniyu, ne tenged te kegkeepes ku in-awè ku sikandan diyà te keniyu. Na, hendei en be is hadì niw wey is menge pengulu ziyà te kada inged he edlibri keniyu?

Hoseas 3:4

Su ebpesavut heini he seled te meluǥayad he timpu is kebpengungubpaan te menge etew te Israel he wazè dan hadì, upisyal, pemuhat, tedeman he vatu, wazà ipud he egemiten te kebpenagnà, wey menge ed-ezapen.

Micas 4:9

“Ne ǥuntaan, maan is edag-es kew is menge meǥinged diyà te Zion he iring te vahi he ebeliliten? Duen niw pe man hadì ne wazè man mebpematey is menge sumesambag din. Sigi, belvelehey kew tenged te kegkesekiti iring te vahi he ebeliliten. Su kenè en egkeuǥet ne ebpekaawè kew ziyà te inged niw ne ziyè kew ebpekeubpà te menge vevesukà, ne zutun edumahan kew ziyà te Babilonia. Piru emun diyè kew en, edlibriyen ku sikiyu wey kew kenà mezezeeti te menge kuntada niw.

1 Samuel 12:25

Emun ebpedayun kew he ebaal te salà, sikiyu wey is hadì niw ne egkezeetan.”