Hoseas 1:9 - Manobo Western Bukidnon OT

⁹ Migkaǥi is Nengazen diyà te ki Hoseas te, “Ngezani nu heeyan is batà te Lo Ami, he ke và dà egkegiya, ‘Kenà menge Etew ku,’ su is menge etew te Israel, ne kenè ku menge etew ne kenè e zan Megbevayà.

Hoseas 1:9 ပူးပေါင်းရင်းမြစ်များ

Jeremias 15:1

Migkaǥi is Nengazen kayi te kedì te, “Minsan si Moises pa wey si Samuel is ebpehizuhizu kediey para kayi he menge etew, ne kenè ku sikandan egkehizuwan. Umbe ipekeziyù sikandan kayi te etuvangan ku. Ipawè niw en sikandan!

Jeremias 20:3

Ne sunud he andew impeǥawas ni Pashur si Jeremias. Ne migkeǥiyan sikandin ni Jeremias te, “Pashur, mid-ilisan en te Nengazen is ngazan nu. Guntaan iyan en igngazan kenikew si Magor Misabib (he ke và dà egkegiya, ‘Is Etew he Layun Egkeherati’).

Hoseas 1:10

Piru egkeuma is timpu he egkehizuwan ku sikandan wey edtuvazan ku; egkeiring sikandan kahabet te pantad diyà te veyvey te zaǥat he kenà egkesukud wey egkevilang. Guntaan egngezanan sikandan he ‘Kenà kediey he menge etew,’ piru ziyà te huziyan he timpu egngezanan sikandan te, ‘Menge anak te uuyag he Megbevayà.’

Hoseas 1:8

Ne hein midlutas en ni Gomer sikan is anak din he si Lo Ruhama, mid-uman sikandin mebmeǥingey ne mid-anak te maama.

Hoseas 2:23

Ibpeubpè ku sikiyu ziyà te tanè niw su menge etew ku sikiyu. Ne sikiyu is migngezanan he Lo Ruhama he ke và dà egkegiya, ‘Wazà Mehizuwi,’ ibpeehè ku is hizu ku keniyu. Ne sikiyu zaan is migngezanan te Lo Ami he ke và dà egkegiya, ‘Kenà menge Etew ku,’ edtewaǥen ku he menge etew ku, ne egkaǥi kew te iyan a Megbevayè niw.”