Haggai 2:7 - Manobo Western Bukidnon OT

⁷ Edhuyungen ku is langun he nasyun ne ed-uwiten dan kayi te valey ku is menge ketiǥeyunan dan, umbe egkepenù heini is baley ku te mahalen he menge azen.

Haggai 2:7 ပူးပေါင်းရင်းမြစ်များ

Genesis 22:18

Ne pinaaǥi te menge kevuwazan nu, edtuvazan ku is langun he menge nasyun diyan te kelibutan, tenged te midtuman nu is suǥù ku kenikew.”

Genesis 3:15

Edhimuwen ku he kuntada nu haazà is bahi, ne ebpekigkuntada zaan is kevuwazan din te kevuwazan nu. Edrupeten din is ulu nu ne edkeǥaten nu is palu zin.”

Genesis 49:10

Pedayun ka he edumala, Juda. Ebpuun te kevuwazan nu is egkehimu he menge sineriǥan. Umbe ebeǥey is menge nasyun te vuhis diyà te kenikew wey ebpevayèbayè dan kenikew.

1 Hadì 8:10

Ne hein migawas sikan is menge memumuhat duen te Segradu he Lugar, ne zuen gapun he nekepenù duen te valey te Nengazen.

1 Hadì 8:11

Ne kenè en ebpekehimu sikan is menge memumuhat te vuluhaten dan dutun te valey te Nengazen tenged dutun te ǥapun, su is mekeǥeǥehem ke kebpekiduma te Nengazen kandan nekeeneb dutun te valey zin.

2 Cronica 5:14

Kenè en egkeveelan te menge memumuhat is buluhaten dan dutun te valey te Nengazen tenged te ǥapun, su is gemhanan he kebpekiduma te Nengazen nekepenù dutun te valey te Nengazen.

Salmo 80:1

Sikew is ebantey te Israel, pemineǥa key kenikew, iyan ka migiya te iring te menge kerehidu he menge kevuwazan ni Jose. Sikew is ebpimpinuu ziyà te pinuuwè nu te kedhadì he egkezivavew te nepelestaran te menge kirubin, ipeehè nu is gehem nu

Salmo 85:9

Tutuu iyan he edlibriyen din is menge etew he edtahud kandin su para metuusi he kemulu edterebahu is gehem din kayi te tanè tew.

Isaias 2:19

Ebpememelaǥuy is menge etew pehendiyà te menge surung diyà te kelendiǥan wey ziyà te menge vudsi te tanà su ed-elesan dan is Nengazen he egkepauk wey is utew subra he ǥehem din emun edhuyungen din en is kelibutan.

Isaias 60:4

Tengteng ka ziyà te peliǥuy nu; netiǥum en is menge etew nu, ed-ulì en sikandan diyà te kenikew is ebpuun diyà te meziyù he menge lugar; henduen sikandan te menge vatà he edsepipiyen.

Isaias 60:7

Ed-uwiten te menge tig-Kedar wey menge tig-Nebayot is mahabet he menge kerehidu zan diyà te kenikew, ne ibpemuhat heini ziyà te pemuhatà he para te Nengazen su wey melipey sikandin. Edhimuwen pa te Nengazen he mevantug is baley zin.

Ezekiel 21:27

Edezeetan ku is Jerusalem! Ne kenè en heini egkeuman egketukud taman te kebpekelepew te pinilì ku he iyan edhukum kayi he inged; su insarig ku heini kandin.

Ezekiel 31:16

Egkerkeren tenged te kegkahandek is menge etew ziyà te menge nasyun emun egkezineg dan en is guǥumangkul te kegkezeeti zutun te kayu, emun ed-uwiten en diyà te lugar te menge minatey duma te nemematey he menge etew. Ne is langun he menge kayu ziyà te Eden wey is langun he meupiya wey mekempet he menge kayu ziyà te Lebanon he nekepurung mekesupsup te wahig, edlipey zan diyà te zizalem te tanà.

Ezekiel 38:19

Tenged te utew ku kegkepauk, ibpenangdù ku he zutun he timpu edlinug te mezesen diyà te tanà he Israel.

Ezekiel 44:4

Ne miduma a zuen te etew ziyà te egkesinaruwan duen te valey te Nengazen. Ne ziyè key mebayà te veyeey he zapit te zizaya. Ne zutun neehè ku is mekeǥeǥehem he kebpekiduma te Nengazen he nekeeneb dutun te valey zin, ne segugunà a midlangkeb.

Haggai 1:8

Guntaan, tekezeg kew ziyà te vuntud ne penguwa kew te menge kayu ne umana niw venguna is baley ku, su wey pinaaǥi kayi egkelipey a wey egkeveǥayan te zengeg. Iyan a, is Nengazen, is migkaǥi kayi.”

Malakias 3:1

Pemineg kew te migkaǥi te Nengazen he Mekeǥeǥehem, “Edsuǥuen ku is menunudtulè ku te ked-andam te ibayè ku. Ne is Nengazen he ebperetengen niw segugunè dà he ebpekeuma zutun te valey zin. Ebpekeuma is ebpengenduyen niw he menunudtulà te kebpekid-uyun ku.”