Haggai 2:5 - Manobo Western Bukidnon OT

⁵ Iyan daan heini impenaad ku zengan diyà te menge kepuun niw hein migawas sikandan diyà te Ehipto. Ne ǥuntaan is Mulin-ulin ku, ne kemulu pa ziyà te keniyu, umbe kenè kew mahandek.

Haggai 2:5 ပူးပေါင်းရင်းမြစ်များ

2 Cronica 20:17

Kenè en kinahanglan he ebpekidtebek kew pa. Andam kew zà wey mebpekelig-en, ne ahaà niw is kezeeǥan he ebeelan te Nengazen para keniyu. Sikiyu is menge tig-Juda wey tig-Jerusalem, kenè kew mahandek wey mebmeluya. Etuvanga niw sikandan keeselem su is Nengazen iyan eduma keniyu.’ ”

Nehemias 9:20

Imbeǥey nu kandan is meupiya he Mulin-ulin nu he iyan ebpenurù kandan. Wazè ka med-engked he ebpekaan kandan te ‘manna’, ne mibeǥayan nu sikandan te wahig he egkeinum dan ke egkemezahan dan.

Nehemias 9:30

Tenged te kebmahala nu kandan mahabet en he menge tuig is midlavey te kebpelavey nu, ne mibpetizeenan sikandan te Mulin-ulin nu pinaaǥi te menge ebpeneuven nu. Piru wazà sikandan mebpemineg, umbe imbeǥey nu sikandan diyà te menge etew he nekeelingkus kandan.

Exodus 19:4

‘Neehè niw is mibeelan ku ziyà te menge Ehiptohanen, wey ke mibmenumenu ku sikiyu te ked-uwita ku keniyu zini te kediey, iring te ked-uwit te kulaǥu te menge pispis din he ebpengelangan din te menge pakpak din.

Exodus 19:6

piru egkehimu kew he ǥaked ku he pinilì he menge etew, ne egkehimu kew he ginhedian he ebpenilbi kediey pinaaǥi te kegkememumuhat niw.’ Iyan heini keǥiya nu ziyà te menge Israilihanen.”

Exodus 24:3

Ne hein nekelikù sikandin diyà te menge etew migkaǥi zin kandan is langun he menge lalag wey menge velaud te Nengazen, ne mibperedredseey sikandan is edtavak te, “Ebeelan dey is minsan hengkey he nekaǥi te Nengazen.”

Exodus 24:8

Ne migkuwa si Moises te lengesa ne haazà impirik din diyà te menge etew he ke sikandin te, “Heini is lengesa iyan lig-en wey tuus te paaǥi te kebpekid-uyun te Nengazen diyà te keniyu kayi te kebeǥayi zin keniyu te langun he menge suǥù.”

Exodus 34:10

Migkaǥi is Nengazen diyà te ki Moises te, “Ebaal a guntaan te paaǥi te kebpekid-uyun ku keniyu te menge Israilihanen. Ebeelan ku ziyà te etuvangan te langun he menge zuma nu is egkein-inuwan he menge vaal he wazè ku pa meveeli ziyà te minsan hendei he nasyun kayi te kelibutan. Egketuenan te menge etew kayi te peliǥuy is mekeǥeǥehem he menge vaal ku te Nengazen para kenikew.

Exodus 34:8

Ne segugunà si Moises midluhud diyà te tanà is ed-azap te Nengazen.

Isaias 41:10

Kenè ka mahandek su iyan a zuma nu. Kenè ka meipeng su iyan a Megbevayè nu. Edlig-enan ku wey edtevangan ku sikew. Ebpengelangan ku sikew pinaaǥi te gehem ku he iyan daan ebpekeluwas kenikew.

Isaias 41:13

Su siak, is Nengazen he Megbevayè nu, midlig-enan ku sikew wey migkeǥiyan te, kenè ka mahandek su edtevangan ku sikew.

Zacarias 4:6

Ne migkaǥi sikandin kayi te kedì te, “Kenè ku pa edtevaken is insè nu, ne pemineǥa nu heini is menge lalag te Nengazen he Mekeǥeǥehem diyà te ki Zerubabel: “Zerubabel, egkepasad nu is kebpehitindeg te valey te Nengazen kenè pinaaǥi te zesen wey egkehimu te etew, kekenà, pinaaǥi te Mulin-ulin he ibpetavang ku kenikew.

Zacarias 8:13

Sikiyu is menge etew te Juda wey Israel, midrewakan kew te menge etew ziyà te zuma he menge nasyun. Piru edlibriyen ku sikiyu ne egkehimu kew he tuvad diyà te kandan. Umbe kenè kew mahandek, kekenà, pekelig-en kew.”

Zacarias 8:15

Piru ǥuntaan nekehukum a he ibpelaus ku is kebaal te meupiya ziyà te Jerusalem wey Juda. Umbe kenè kew mahandek.

Josue 1:9

Tentenuzi nu heini is insuǥù ku kenikew: ‘Mebpekelig-en ka wey mebpekevurut ka. Kenè ka mahandek wey luyahi, su siak, is Nengazen he Megbevayè nu, eduma a kenikew minsan hendei ka ebpevayà.’ ”

Josue 8:1

Ne migkaǥi is Nengazen diyà te ki Josue te, “Kenè ka mahandek etawa luyahi. Tiguma nu is langun he menge sundaru nu ne umani niw surunga is Ai, su ebpeveyveyaan ku en kenikew is hadì te Ai, is menge etew zin, is inged din, wey is tanè din.

1 Samuel 12:20

Midtavak si Samuel te, “Kenè kew mahandek. Minsan pa te nekevaal kew te kenà meupiya, kenè niw iniyuǥi is Nengazen, kekenà, silbiyi niw sikandin te tivuuk he gehinawa niw.