Haggai 2:22 - Manobo Western Bukidnon OT

²² Edèdeetan ku is menge ginhedian ne id-awè ku is gehem dan. Eberiudsungen ku is menge kerwahi zan wey is ebpemen-untud kayi. Ebpemematey is menge kudà ne ed-uuney ebpehimhimetayà is menge pereuntud kayi.

Haggai 2:22 ပူးပေါင်းရင်းမြစ်များ

2 Cronica 15:6

Su edtetebek is menge etew ziyà te menge nasyun wey ziyà te menge inged, su migurigew sikandan te Megbevayà pinaaǥi te menge wazà med-iring-iring he menge kemereǥenan.

2 Cronica 20:22

Ne hein mibpuun dan en megkanta te kedalig, is menge Amonihanen, menge Moabitanhen, wey menge tig-Buntud he Seir he edsurung te Juda, ne impedtebek sikandan te Nengazen.

2 Cronica 20:23

Midsurung te menge Amonihanen wey menge Moabitanhen is menge sundaru ziyà te menge tig-Buntud he Seir ne nengepatey zan langun. Ne hein nengepatey zan en sikandan, ne mid-uuney zan mebpehimhimetayà.

Salmo 46:9

Ibpeengked din is menge tebek kayi te tivuuk he kelibutan. Ebpemedtìen din is menge panà wey menge vangkew, ne idrapug din is menge kelasag.

Salmo 76:6

He Megbevayà ni Jacob, nemematey en is menge pereuntud te kudà wey is menge kudè dan pinaaǥi zà te kedawey nu.

Exodus 14:17

Ibpemezesen ku is gehinawa te menge Ehiptohanen su para del-asa kew zan. Piru edèdeetan ku is hadì wey is menge sundaru zin, wey is menge pereuntud din te kudà wey menge kerwahi. Ne pinaaǥi kayi egkevantug a.

Exodus 14:28

Nengelened is langun he menge sundaru te hadì te Ehipto he edal-as te menge Israilihanen ragkes en is menge pereuntud te kudà wey menge kerwahi. Wazà minsan sevaha he nesamà kandan.

Exodus 15:19

Midlened te Nengazen is menge kudà te hadì te Ehipto wey is menge kerwahi wey is menge pereuntud te kudà dutun te kebpekerapes te menge Israilihanen duen te memaza he tanà duen te teliwazà te zaǥat.

Exodus 15:4

Midlened din diyà te zaǥat is menge kerwahi wey is menge sundaru te hadì te Ehipto. Nengelened diyà te Zaǥat he Meriǥà sikan is egkengeseriǥan he menge upisyal te hadì.

Isaias 19:2

Migkaǥi is Nengazen te, “Ibped-uney ku ibpedtetebek is menge Ehiptohanen: suled kuntra te suled, siringan kuntra te siringan, inged kuntra te inged, wey ginhedian kuntra te ginhedian.

Isaias 60:12

Su egkepurung egkezeeti is menge nasyun etawa menge ginhedian he kenà ebpenilbi kenikew.

Isaias 9:19

Tenged te pauk te Nengazen he Mekeǥeǥehem, egkevinsulan is tanè dan, ne egkehimu sikandan he tavun he ed-epuren te hapuy. Kenè dan egkehizuwan minsan is iring dan he menge Israilihanen.

Ezekiel 21:27

Edezeetan ku is Jerusalem! Ne kenè en heini egkeuman egketukud taman te kebpekelepew te pinilì ku he iyan edhukum kayi he inged; su insarig ku heini kandin.

Ezekiel 26:16

Is menge pengulu ziyà te menge lugar he veyvey te zaǥat edrenà puun te pinuuwà te lavew ne edluwasen dan is bisti te hadì wey is mekempet he pendizalem he visti zan. Ne ebpinuu sikandan diyà te tanà is egkerkeren tenged te nehitavù keniyu.

Ezekiel 38:21

Ibpehimetayan ku sikew, Gog, diyà te menge vuntud ku, ne ebpehimhimetayà is menge sundaru nu. Iyan a, is Nengazen he MEGBEVAYÀ, is migkaǥi kayi.

Daniel 8:25

Tenged te ebilidad din egkehimu sikandin he melempusen te kebpenlimbung din. Ebpegalbu sikandin, ne mahabet he menge etew is ebpenhimetayan din he kenè din en ebpetizeenan. Edsukulan din minsan is Pengulu te menge pengulu. Piru ziyà te huziyan he timpu edezeetan sikandin, kenà pinaaǥi te ǥehem te etew, kekenà, pinaaǥi te gehem te Megbevayà.

Amos 2:15

Minsan is menge perepanà diyà te tebek, ne ebpekeendud. Is menge sundaru he meǥaan he ebpelelaǥuy ne kenà ebpekepelaǥuy, ne is menge pereuntud te kudà ne kenè dan egkelibri is keugelingen dan.

Micas 5:10

Migkaǥi is Nengazen te, “Ziyà te huziyan he menge andew, ebpehimetayan ku is menge kudè niw wey edweǥayen ku is menge kerwahi niw.

Micas 5:15

Tenged te utew ku kegkepauk, ebelesan ku is menge etew ziyà te menge nasyun he wazà mebpezumazuma kedì.”

Micas 5:8

Piru ebpekeuwit daan sikandan te kezeetan diyà te menge nasyun. Egkeiring sikandan te mevurut he erimaung he ed-etaki te menge langgam diyà te ketelunan wey menge kerehidu ziyà te penebtavà. Su emun ed-etaki heini ne edlingketawan din is ebiktimahan din wey ebpengeǥaten din ne kenè ne heini ebpekelingkawas kandin.

Micas 5:9

Ebpekezaag is menge Israilihanen te menge kuntada zan. Edezeetan dan sikandan is langun.”

Micas 7:16

Ne emun egkaahà heini te menge etew ziyà te menge nasyun ne egkepeel-elezan dan minsan gemhanan sikandan. Ne kenè dan en edlalag wey ebpemineg te menge kedsudia kenami.

Zefanias 3:8

“ ‘Umbe, sikiyu is menge metinumanen he menge tig-Jerusalem, teǥazi niw zà is kebpeheyaǥa ku te salà te menge nasyun. Su midisisyun ad he edtiǥumen ku is menge etew ziyà te menge nasyun wey menge ginhedian su wey ku ikepeǥezami kandan is utew ku kegkepauk he iring te hapuy he ebpekeepur te tivuuk he kelibutan.

Zacarias 10:11

Edleyunen dan is ebpemaǥel he zaǥat piru ed-engked is menge vaǥel. Minsan is Wahig he Nilo ne egkemezahan. Is gelbuwen he Asiria ne ibpekevavà. Ne is gehem te Ehipto egkahanew.

Zacarias 10:5

Edsevaha is menge etew te Juda ne egkeiring sikandan te mezesen he menge sundaru he edaag te menge kuntada zan he henduen dà te vasak diyà te menge zalan he edtekutakan dan. Ebpekidtebek dan su ǥeina te siak is Nengazen, dume e zan. Ne edaaǥen dan is menge pereuntud te kudà.

Zacarias 12:9

Dutun he andew edezeetan ku is langun he menge nasyun he edsurung te Jerusalem.

Zacarias 14:3

Ne edtebeken te Nengazen haazà is menge etew ziyà te menge nasyun, iring te kebpekidtebek din dengan.

Zacarias 4:6

Ne migkaǥi sikandin kayi te kedì te, “Kenè ku pa edtevaken is insè nu, ne pemineǥa nu heini is menge lalag te Nengazen he Mekeǥeǥehem diyà te ki Zerubabel: “Zerubabel, egkepasad nu is kebpehitindeg te valey te Nengazen kenè pinaaǥi te zesen wey egkehimu te etew, kekenà, pinaaǥi te Mulin-ulin he ibpetavang ku kenikew.

Zacarias 9:10

Id-awè ku is kebpetebtebekà. Id-awè ku is para te tebek he menge kerwahi wey menge kudà te Israel wey Juda. Is menge panà he para te tebek ne ebedtien ku. Is ebpekeuma he hadì, egkaǥi ziyà te menge nasyun he engkezi zan en is kedtebek. Edhadì sikandin puun te sevaha he zaǥat taman te sevaha pa he zaǥat, wey puun te Wahig he Eufrates taman te kineziyuan he vahin te kelibutan.”

Zatù 7:22

Ne zutun te kebpezeǥinga zuen te 300 he menge Israilihanen te menge vudyung dan, mibpengelinteuwan te Nengazen he med-uney medtebek is menge etew zutun te kampu te menge Midianhen. Is duma kandan mibpelaǥuy pehendiyà te Bet Shita he uvey te Zerera pelaus diyà te dulunà te Abel Menola he uvey te Tabat.

1 Samuel 14:16

Diyà te Gibea, he sakup te tanà he Benjamin, naahà te menge bantey ni Saul is menge sundaru te menge Filistihanen, ebpemelaǥuy minsan hendei zà ebpekepevayà.