Haggai 2:14 - Manobo Western Bukidnon OT

¹⁴ Ne migkaǥi si Haggai te, “Iring daan keniyan is menge etew te Israel, migkaǥi is Nengazen. Geina te meremerik dan dengan tenged te salà, is minsan hengkey he ebeelan dan wey ibpemuhat dan diyà te pemuhatà, ne meremerik diyà te etuvangan te Nengazen.

Haggai 2:14 ပူးပေါင်းရင်းမြစ်များ

Erubasa 15:8

Egkeepesan te Nengazen is pemuhat te menge lalung, piru igkesuat din mulà is menge kebpengemuyù te menge metazeng.

Erubasa 21:27

Kenà igkesuat te Nengazen is ibpemuhat te menge lalung, lavew en ke mezaat is tuyù dan te ked-ul-ulaha zan dutun.

Erubasa 21:4

Salà is ked-undaunda wey kebmepelevawen. Egketuusan nu is menge lalung he menge etew pinaaǥi kayi he ulaula.

Erubasa 28:9

Is minsan hentei he kenà edtuman te Kesuǥuan, egkeepesan te Megbevayà minsan is menge pengemuyù din.

Isaias 66:3

Piru iyan heini paaǥi te kedseǥipaa ku te menge etew he iyan ebpezumdumahan dan is keugelingen dan dà he suat, ne igkelipey zan is utew mezaat he menge vaal zan: Emun edlapà sikandan te vaka he ibpemuhat dan, ne ibpeiring ku haazà te kedhimatey te etew. Emun ebpemuhat sikandan te kerehidu, ibpeiring ku haazà te midhimatey zan te asu. Emun ebpemuhat sikandan te pemuhat he para gasa, ibpeiring ku haazà te mibpelengesa zan te lengesa te vavuy. Ne emun edtutung sikandan te veyewà su edtentenuzan e zan, ibpeiring ku haazà te mibpenubtuvazan dan is duma he menge ed-ezapen.

Hoseas 9:4

Kenè en idtuǥut keniyu is kebpemuhat te vinu ziyà te Nengazen. Is menge pemuhat niw kenà ebpekepenunuat kandin. Is minsan hentei he egkaan te pemuhat niw ne ed-isipen he meremerik, su iring dà haazà te kegkaan diyà te mibpetayan. Is keniyu he egkeenen para zà te keniyu; kenè man diyà te valey te Nengazen is mibpemuhatan kayi.