Haggai 2:10 - Manobo Western Bukidnon OT

¹⁰ Duen migkaǥi te Nengazen diyà te ki Haggai hein ike-24 he andew te ikesiyam he vulan, dutun te ikezuwa he tuig te kedhadì ni Darius.

Haggai 2:10 ပူးပေါင်းရင်းမြစ်များ

Haggai 1:1

Dutun te nehuna he andew te ikeenem he vulan, dutun te ikezuwa he tuig te kedhadì ni Darius diyà te Persia, duen migkaǥi te Nengazen diyà te ki Zerubabel wey ki Josue pinaaǥi te ebpeneuven he si Haggai. Si Zerubabel he anak ni Shealtiel iyan gubirnedur ziyà te Juda, ne si Josue he anak ni Jehozadak iyan lavew he memumuhat.

Haggai 1:15

Mibpuunan dan is kebangun hein ike-24 he andew te ikeenem he vulan, dutun te ikezuwa he tuig te kedhadì ni Darius.

Haggai 2:18

Ike-24 guntaan he andew te ikesiyam he vulan, ne ǥuntaan nepasad sikan is pundasyun duen te valey te Nengazen. Ne peninimè kew en ke hengkey is egkehitavù puun guntaan.

Haggai 2:20

Mid-uman megkaǥi is Nengazen diyà te ki Haggai zutun mismu he andew.

Zacarias 1:1

Hein ikewalu he vulan te ikezuwa he tuig te kedhadì ni Darius diyà te Persia, duen migkaǥi te Nengazen diyà te ebpeneuven he si Zacarias. Heini si Zacarias, anak ni Berekia wey apù ni Ido.