Haggai 1:9 - Manobo Western Bukidnon OT

⁹ Migkaǥi pa is Nengazen he Mekeǥeǥehem te, “Dekelà is ebperetengen niw he sebpet piru zeisey zà is neraǥun niw. Ne zutun te ked-ulia niw kayi midezeetan ku heini. Mibeelan ku heini tenged te neregdas en is baley ku piru is kada sevaha keniyu mulà, ne egkevuhetanan te kedterebahu ziyà te kandin mismu he valey.

Haggai 1:9 ပူးပေါင်းရင်းမြစ်များ

2 Samuel 21:1

Dutun te kedhadì ni David, duen nehitavù he vitil seled te tetelu he tuig. Ne zutun nekidlalag si David diyà te Nengazen. Migkaǥi is Nengazen te, “Neulaula is bitil tenged te kebpenhimetayi ni Saul wey te pemilya zin te menge Gibyunhen.”

2 Samuel 22:16

Emun edawey ka wey utew ka egkepauk ne egkengemezahan is daǥat ne egkaahà is tanà diyà te kinezizeleman kayi, wey egkaahà is pundasyun te kelibutan.

2 Hadì 19:7

Pemineg ka! Edtezinen ku is hadì te Asiria. Ebpekezineg sikandin te tudtul he ebpekepelikù kandin diyà te nasyun din. Ne zutun ibpehimetayan ku sikandin pinaaǥi te ispada.’ ”

Job 10:2

Ne iyan heini egkeǥiyen ku ziyà te Megbevayà: ‘Kenà a kenikew hukumi he mezaat a, kekenà, ipetueni nu kedì ke hengkey is insumbunga nu kedì.

Erubasa 11:24

Duen etew he ibpemeǥey zin dà is ketiǥeyunan din, iyan, nasì ed-iseg is kegketiǥayun din, ne zuen daan utew subra is kegkenuǥun din te azen din, iyan, nasì egkaawà diyà te kandin is menge azen din.

Erubasa 27:20

Kenà egkeengked is kebpemematey te etew; ne is suat te etew ne kenè daan egkeengked.

Megwewali 1:8

Mekeveveley he ed-is-isipen is minsan hengkey! Minsan utew en mahabet is neehè ta ne egkesuat ki pa he ed-uman ed-ahà. Ne minsan utew en mahabet is nezineg ta ne egkesuat ki pa he ed-uman ebpemineg.

Isaias 40:7

Is sagbet egkeǥangu ne egketaktak is menge vulak din su egkeremaǥen heini te keramag he ibpekeramag te Nengazen. Tutuu he iring te sagbet is etew.

Isaias 5:10

Is dezuwa he hiktaryas he perasan ne menge heenem dà he gelun he vinu is egkekuwa zuen. Ne is ingkeezek he sepulù he ǥantang ne senge-ǥantang dà is egkeraǥun duen.”

Jeremias 12:13

Ebpemula is menge etew ku te trigu piru zuǥi is egkeraǥun dan. Mibpurung dan medhaǥù piru wazè dan nekuwa. Nekeraǥun dan te keelezan tenged te utew ku kegkepauk.”

Ezekiel 21:31

Ebpeǥezaman ku keniyu is utew ku kegkepauk, ne ibeǥey ku sikiyu ziyà te mesipala he menge etew, he nelayam he ebpenhimatey.

Leviticus 19:25

Piru te ikelima he tuig ne ebpekekaan kew en te menge veǥas kayi. Ne emun edtumanen niw heini he sulunuzen, utew meveǥas is menge kayu niw. Iyan a kes Nengazen he Megbevayè niw.

Haggai 1:4

Egenahan kew ve he ed-ubpà diyà te mekempet he menge valey he neregdas mulà is kediey he valey?

Haggai 1:6

Dekelà is impemula niw piru zeisey zà is neraǥun niw. Duen niw keenen, piru kenà heini ereg. Duen niw inumen, piru kurang heini. Duen niw visti, piru kenà heini utew ebpekaalang te meǥenew. Duen egkezawat niw he suwildu, piru meǥaan dà heini egkaamin.

Deuteronomio 28:38

“Dekelà is ibpemula niw piru zeisey zà is egkeraǥun niw su edterepanen heini.