Haggai 1:8 - Manobo Western Bukidnon OT

⁸ Guntaan, tekezeg kew ziyà te vuntud ne penguwa kew te menge kayu ne umana niw venguna is baley ku, su wey pinaaǥi kayi egkelipey a wey egkeveǥayan te zengeg. Iyan a, is Nengazen, is migkaǥi kayi.”

Haggai 1:8 ပူးပေါင်းရင်းမြစ်များ

1 Hadì 6:1

Mibpuunan ni Solomon is kebangun duen te valey te Nengazen te ikezuwa he vulan, he iyan is bulan he Ziv, dutun te ikeepat he tuig te kedhadì din te Israel. Ike-480 he tuig haazà puun te ked-awà te menge Israilihanen diyà te Ehipto.

1 Hadì 9:3

Migkaǥi is Nengazen diyà te kandin te, “Nezineg ku is ampù nu wey hangyù nu kayi te kediey. Heini is baley ku he mibangun nu, mibpilì ku heini he lugar he kayi a ebeǥayi te zengeg taman te taman. Ebentayan ku heini wey layun ku ed-etura.

1 Cronica 22:19

Umbe ǥuntaan, uvey kew te Nengazen he iyan Megbevayè niw te tivuuk he ǥehinawa wey kedsavut niw. Puuni niw en is kedtukuza te valey te Nengazen he Megbevayà para ikesavuk niw en dutun kes Kavan te Kebpekid-uyun te Nengazen wey kes menge segradu he menge gelemiten te Megbevayà keniyan te valey te Nengazen he midtukud para te kegkeveyawa te ngazan din.”

2 Cronica 7:16

su heini is baley ku ne mibpilì ku wey insivey ku heini he lugar para kedì su wey mehimu he zutun a ebeǥayi te zengeg he wazà pidtemanan. Ebentayan ku heini wey ed-eturen ku lelayun.

Ezra 3:7

Mibeǥey is menge Israilihanen te selapì he ibayad te menge edsapsap te vatu wey te menge pandey. Mibeǥey zaan sikandan te menge keenen, menge inumen, wey lana he ibayad diyà te menge tig-Sidon wey te menge tig-Tyre para te menge kayu he sidru he ebpuun diyà te Lebanon. Heini he menge kayu, igkarga te varku ne ed-uwiten diyà te Jopa. Intuǥut heini ni Hadì Cyrus he hadì te Persia.

Ezra 6:4

Is kada tetelu he dezekelà he menge vatu he ibped-uuntud, kinahanglan he ebpezivevawan te sevaha he trusu. Is langun he gelestuwan, egkuwaan diyà te selapì te ginhedian.

Exodus 29:43

Dutun ku edhingumaa is menge kevuwazan ni Israel, ne pinaaǥi te mekeǥeǥehem he kebpekiduma ku egkehimu he segradu haazà he lugar.

Isaias 60:13

Egkehimu he kenikew is menge ketiǥeyunan diyà te Lebanon ragkes en is menge kayu zutun he pinu, inibru, wey sipris–su wey ikezayandayan diyà te valey he ubpeey ku.

Isaias 60:7

Ed-uwiten te menge tig-Kedar wey menge tig-Nebayot is mahabet he menge kerehidu zan diyà te kenikew, ne ibpemuhat heini ziyà te pemuhatà he para te Nengazen su wey melipey sikandin. Edhimuwen pa te Nengazen he mevantug is baley zin.

Isaias 66:11

su wey kew mekeǥezam te keuswagan din iring te vatà he egkahantey te gatas te iney zin.

Haggai 1:7

Umbe, is-isipa niw is nengehitavù keniyu.

Haggai 2:7

Edhuyungen ku is langun he nasyun ne ed-uwiten dan kayi te valey ku is menge ketiǥeyunan dan, umbe egkepenù heini is baley ku te mahalen he menge azen.

Haggai 2:9

Egkehimu he edhuna pa he mekempet heini is beǥu he valey te Nengazen kenà duen te nehuna. Ne ibeǥey ku is meupiya he kebpekesavuk kayi he lugar. Iyan a, is Nengazen he Mekeǥeǥehem, is migkaǥi kayi.”