Haggai 1:6 - Manobo Western Bukidnon OT

⁶ Dekelà is impemula niw piru zeisey zà is neraǥun niw. Duen niw keenen, piru kenà heini ereg. Duen niw inumen, piru kurang heini. Duen niw visti, piru kenà heini utew ebpekaalang te meǥenew. Duen egkezawat niw he suwildu, piru meǥaan dà heini egkaamin.

Haggai 1:6 ပူးပေါင်းရင်းမြစ်များ

2 Samuel 21:1

Dutun te kedhadì ni David, duen nehitavù he vitil seled te tetelu he tuig. Ne zutun nekidlalag si David diyà te Nengazen. Migkaǥi is Nengazen te, “Neulaula is bitil tenged te kebpenhimetayi ni Saul wey te pemilya zin te menge Gibyunhen.”

1 Hadì 17:12

Ne migkaǥi haazà is balu te, “Tutuu is egkeǥiyan ku ziyà te etuvangan te Nengazen he Megbevayè nu, he wazè ku en supas. Iyan dà nesamà is sengekemkem he herina ziyà te yehung wey is deisey he lana ziyà te umuy. Umbe ebpengamì a te pira he leǥas he kayu su ed-uwiten ku heini ziyà te valey su edhilutuen ku sikan is nesamà he herina para kedì wey para te anak ku, ne emun egkaamin dey en heini ne egkeumes key en.”

Nehemias 5:2

Ke sikandan te, “Merapung is pemilya zey ne egkinahanglan key te egkekaan su para meuyag key.”

Job 20:22

Dutun te timpu he zekelà is azen din, egkeumahan sikandin te kelised. Utew subra he elentusen is ebpekeuma ziyà te kandin.

Job 20:28

Egkaanud te zalem is baley zin dutun te andew te kebpeǥezama kandin te Megbevayà te pauk din.

Salmo 107:34

Midhimu zin he wazà pulus duen te meupiya he tanà, su ǥeina te menge lalung is nen-ubpà duen.

Erubasa 11:24

Duen etew he ibpemeǥey zin dà is ketiǥeyunan din, iyan, nasì ed-iseg is kegketiǥayun din, ne zuen daan utew subra is kegkenuǥun din te azen din, iyan, nasì egkaawà diyà te kandin is menge azen din.

Isaias 5:10

Is dezuwa he hiktaryas he perasan ne menge heenem dà he gelun he vinu is egkekuwa zuen. Ne is ingkeezek he sepulù he ǥantang ne senge-ǥantang dà is egkeraǥun duen.”

Jeremias 12:13

Ebpemula is menge etew ku te trigu piru zuǥi is egkeraǥun dan. Mibpurung dan medhaǥù piru wazè dan nekuwa. Nekeraǥun dan te keelezan tenged te utew ku kegkepauk.”

Jeremias 14:4

Nemeka is tanà su wazà uzan. Ne tenged te kegkeeled te menge perevasuk midtembunan dan is menge ulu dan.

Jeremias 44:18

Piru hein mid-engked key he edtutung te veyewà he para te Rayna te Langit wey wazè key en medhalad te pemuhat he inumen diyà te kandin, naawà hinuun diyà te kenami is langun, ne ebpematey key en nasì te tebek wey bitil.”

Hoseas 4:10

Tutuu he egkaan kew, piru kenè kew egkahantey. Ed-azap kew te menge ed-ezapen he midtuuwan niw he ebpekeveǥey te anak, piru kenè kew ebpekaanak su inselikwey a keniyu

Hoseas 8:7

“Iring sikandan te nemula te keramag ne ebpekeraǥun sikandan te eribpures. Iring dan daan te trigu he wazè din pungu he kenà ebpekeveǥey te keenen. Piru minsan ebpekeveǥey heini te keenen, ne iyan egkaan duen is menge lumelengyawà.

Leviticus 26:20

Egkehimu he wazà pulus te menge kedhaǥù niw, su is menge tanè niw, kenà ebeǥey te sebpet ne is menge kayu niw ne kenà ebpemeǥas.

Leviticus 26:26

Egkurang is keenen niw, umbe sevaha zà he evuwan is egemiten te sepulù he vahi te kedlutù te supas, ne ebevehinen dan pa heini para keniyu. Uya, ebpekekaan kew piru kenè kew egkahantey.

Haggai 1:10

Umbe, tenged keniyu wazè en birisbiris ne kenè ne ebeǥey te sebpet is tanà.

Haggai 1:5

Is-isipa niw is nengehitavù keniyu.

Haggai 1:7

Umbe, is-isipa niw is nengehitavù keniyu.

Haggai 1:9

Migkaǥi pa is Nengazen he Mekeǥeǥehem te, “Dekelà is ebperetengen niw he sebpet piru zeisey zà is neraǥun niw. Ne zutun te ked-ulia niw kayi midezeetan ku heini. Mibeelan ku heini tenged te neregdas en is baley ku piru is kada sevaha keniyu mulà, ne egkevuhetanan te kedterebahu ziyà te kandin mismu he valey.

Haggai 2:16

Dutun te nehuna, emun edhendiyè kew te midtembuan te menge trigu he ebperateng kew he ebpekekuwa kew te 20 he takes, ne 10 dà he takes is egkekuwa niw. Ne emun edhendiyè kew te keresà te paras is ebperateng he ebpekekuwa te 50 he galun he vinu, ne 20 zà is egkekuwa niw.

Haggai 2:17

Midèdeetan te Nengazen is menge pinemula niw pinaaǥi te meinit he keramag, erat, wey kebpeuzan te ǥiyew he henduen be te menge vatu, piru wazè kew gihapun medlikù diyà te kandin, migkaǥi is Nengazen.

Zacarias 5:4

Migkaǥi is Nengazen he Mekeǥeǥehem, ‘Ibpaaǥi ku heini he rawak ne edseled heini ziyà te valey te tekawen wey ziyà te valey te nenangdù te tarù he migamit din is ngazan ku. Ne kenà heini egkaawà diyà te kandan taman te egkepurung egkewaǥey is menge valey zan.’ ”

Zacarias 8:10

Hein wazè pa mepuuni is ked-umana kebenguna te valey ku, melised is kebpekesavuk niw ragkes is kepekesavuk te menge uyaǥen niw. Wazà meveyazi is menge etew he edterebahu wey menge uyaǥen he migamit te kedterebahu, wey mekulbà is kedhiphipanew ziyà te minsan hendei su midhimu ku he mekedtetebek is menge etew.

Deuteronomio 28:17

Idrawak din keniyu is kekurang te menge abut wey menge keenen.