Haggai 1:12 - Manobo Western Bukidnon OT

¹² Mibpezumazuma te Nengazen si Zerubabel, si Josue, wey is langun he menge zuma zan he menge Israilihanen he nemen-ulì diyà te Israel puun te kegkevihaǥa kandan diyà te Babilonia. Su mibpemineg dan is migkaǥi te Nengazen he Megbevayè dan pinaaǥi te ebpeneuven he si Haggai he midsuǥù te Nengazen diyà te kandan. Ne pinaaǥi kayi midtahud dan is Nengazen.

Haggai 1:12 ပူးပေါင်းရင်းမြစ်များ

Genesis 22:12

Ne migkaǥi is belinsuǥuen te, “Isavuk nu zà heeyan is ubpit! Kenè nu pelii is batà te minsan deisek dà! Netuenan ku en he iyan a is Megbevayà, utew lavew he ebmahalen nu su minsan is anak nu he utew nu minahal, wazè nu isipa he kenè nu ibeǥey kediey.”

Ezra 10:18

Iyan heini menge maama he nemengesawa te kena menge Israilihanen, ne midsaad sikandan he edsuwayan dan is menge esawa zan: (Nemuhat is kada sevaha kandan te meemahan he kerehidu he vayad te salè dan.) Diyà te menge memumuhat: si Maasea, Eliezer, Jarib, wey si Gedalia, he ebpuun diyà te pemilya ni Jeshua he anak ni Jozadak wey is menge suled din;

Ezra 5:2

Nemineg kandan si Zerubabel he anak ni Shealtiel wey si Jeshua he anak ni Jozadak. Umbe midlaus dan is kebenguna zuen te valey te Megbevayà diyà te Jerusalem ne midtevangan sikandan dutun te zezuwa he ebpeneuven te Megbevayà.

Salmo 112:1

Deliǥa is Nengazen! Utew zeyzey is etew he edtahud te Nengazen, wey igkelipey zin is kedtuman te menge suǥù din.

Erubasa 1:7

Is kedtahud te Nengazen iyan ebpuunan te hustu he ketau, piru is tulebung he etew kenè din egkesuatan is hustu he ketau, ne kenè din daan egkesuatan he metulid is mezaat he vetasan din.

Megwewali 12:13

Ne ǥuntaan te nevasa nu en heini is langun, ne iyan heini penapus he egkeǥiyen ku kenikew: Tehuza nu is Megbevayà wey tumana nu is menge suǥù din, su iyan heini ketengdanan te kada etew.

Isaias 1:19

Emun ebpezumazuma kew kedì, ne edtuvazan ku sikiyu.

Isaias 50:10

Hentei keniyu is edtahud te Nengazen wey ebpezumazuma te menge penurù te suluǥuen din? Ereg sikandin he edsarig te Nengazen he Megbevayè din minsan midhipanew sikandin diyà te merusirem he wazà duen bulug kerayag.

Haggai 1:1

Dutun te nehuna he andew te ikeenem he vulan, dutun te ikezuwa he tuig te kedhadì ni Darius diyà te Persia, duen migkaǥi te Nengazen diyà te ki Zerubabel wey ki Josue pinaaǥi te ebpeneuven he si Haggai. Si Zerubabel he anak ni Shealtiel iyan gubirnedur ziyà te Juda, ne si Josue he anak ni Jehozadak iyan lavew he memumuhat.

Haggai 1:14

Umbe, mibaghet te Nengazen si Zerubabel, si Josue, wey is langun he zuma zan he menge Israilihanen he nemen-ulì diyà te Israel, te kebangun duen te valey te Nengazen he Megbevayè dan he Mekeǥeǥehem.

Deuteronomio 31:12

Tiǥuma niw is menge etew: menge maama, menge vahi, menge vatà, wey is kenà menge Israilihanen he zuma niw he meǥinged su para mekepemineg sikandan su wey zan mekeistudyu te kedtahud te Nengazen he Megbevayè niw ne wey zan mapurungi te edtuman is langun he ibpetuman kayi he menge suǥù.

Deuteronomio 31:13

Beeli niw heini su para mekezineg sikan is menge anak niw he wazè pa metau kayi he menge suǥù ne ebpekeistudyu sikandan te kedtahud te Nengazen he Megbevayè niw zutun te ked-ubpè niw zuen te tanà he ed-engkenen niw he ziyà layun te Jordan.”