Haggai 1:1 - Manobo Western Bukidnon OT

¹ Dutun te nehuna he andew te ikeenem he vulan, dutun te ikezuwa he tuig te kedhadì ni Darius diyà te Persia, duen migkaǥi te Nengazen diyà te ki Zerubabel wey ki Josue pinaaǥi te ebpeneuven he si Haggai. Si Zerubabel he anak ni Shealtiel iyan gubirnedur ziyà te Juda, ne si Josue he anak ni Jehozadak iyan lavew he memumuhat.

Haggai 1:1 ပူးပေါင်းရင်းမြစ်များ

1 Hadì 10:15

kenà ragkes is menge vuhis he ebpuun diyà te menge nigusyanti, diyà te langun he menge hadì diyà te Arabia, wey ziyà te menge gubirnedur ziyà te Israel.

1 Hadì 14:18

Ne inlalew te langun he menge tig-Israel haazà is batà ne inleveng dan sikandin, ne iyan heeyan nekaǥi te Nengazen pinaaǥi te suluǥuen din he mibpenaub din he si Ahia.

2 Hadì 14:25

Iyan sikandin nekehawì te menge lugar he gaked dengan te menge Israilihanen, he puun te Lebo Hamat taman te Zaǥat te Araba. Iyan heini impenaad te Nengazen he Megbevayà te Israel, pinaaǥi te suluǥuen din he mibpenaub din he si Jonas, he anak ni Amitai he tig-Gat Hefer.

1 Cronica 3:17

Iyan heini menge anak ni Jehoyakin he menge maama, te hadì he nevihag pehendiyà te Babilonia: si Shealtiel,

1 Cronica 3:19

Is menge anak ni Pedaya he menge maama iyan si Zerubabel wey si Shimei. Is menge anak ni Zerubabel he menge maama iyan si Meshulam wey si Hanania. Ne is etevey zan ne iyan si Shelomit.

Ezra 1:8

Insarig heini ni Hadì Cyrus ki Mitredat he iyan trisuriru te ginhedian din. Mibilang heini ni Mitredat ne imbeǥey zin is listahan diyà te ki Sheshbazar, he gubirnedur ziyà te Juda.

Ezra 10:18

Iyan heini menge maama he nemengesawa te kena menge Israilihanen, ne midsaad sikandan he edsuwayan dan is menge esawa zan: (Nemuhat is kada sevaha kandan te meemahan he kerehidu he vayad te salè dan.) Diyà te menge memumuhat: si Maasea, Eliezer, Jarib, wey si Gedalia, he ebpuun diyà te pemilya ni Jeshua he anak ni Jozadak wey is menge suled din;

Ezra 2:2

Is nengulu kandan dutun te ked-ulì dan, iyan ensi Zerubabel, Jeshua, Nehemias, Seraya, Reeleya, Mordecai, Bilshan, Mispar, Bigvai, Rehum, wey si Baanah. Iyan heini listahan te menge etew te Israel he nemen-ulì puun te kegkevihaǥa kandan:

Ezra 2:63

Migkeǥiyan sikandan te gubirnedur ziyà te Juda he kenà egkehimu ke egkaan dan te menge keenen he impemuhat diyà te Megbevayà dutun te wazè pa memumuhat he nekeinsà diyà te Megbevayà mehitenged te kegkememumuhat dan pinaaǥi te veveraan he Urim wey Thumim.

Ezra 3:2

Ne mid-umanan dan beeli is pemuhatà he para te Megbevayà te Israel su wey mepemuhati heini te menge pemuhat he edtutungen, sumalà te ingkesurat diyà te Kesuǥuan ni Moises he suluǥuen din. Is mibaal kayi iyan ensi Jeshua he anak ni Jozadak wey is duma zin he menge memumuhat, wey si Zerubabel he anak ni Shealtiel wey is menge kezuzumahi zin.

Ezra 3:8

Mibpuunan is kebenguna zuen te valey te Nengazen te ikezuwa he vulan te ikezuwa he tuig puun te kebpekeulì te menge Israilihanen diyà te Jerusalem. Mibpeug-uǥupà he edterebahu is langun he mid-ulì diyà te Jerusalem puun te kegkevihag, ragkes en ensi Zerubabel he anak ni Shealtiel, Jeshua he anak ni Jozadak wey is duma zin he menge memumuhat, wey menge Levihanen. Is midseriǥan te kedumala te kebenguna zuen te valey te Nengazen iyan is menge Levihanen he 20 he tuig is keǥurang dan pehendiyà te metikang.

Ezra 4:2

Ne midhendiyà sikandan te ki Zerubabel wey zuen te menge pengulu te menge pemilya, ne ke sikandan te, “Ed-uǥupan dey sikiyu te kebangun te valey te Nengazen su ed-ezapen dey man is Megbevayè niw iring te ed-ul-ulahan niw. Neuǥet en is kebpemuhata zey kandin te menge pemuhat, puun pa te timpu ni Hadì Esarhadon he hadì te Asiria he iyan mid-uwit kenami kayi.”

Ezra 4:24

Neengked is kebenguna zuen te valey te Megbevayà diyà te Jerusalem taman te ikezuwa he tuig te kedhadì ni Darius diyà te Persia.

Ezra 5:1

Dutun he timpu, midsuǥù te Megbevayà diyà te Israel is menge ebpeneuven he si Haggai wey si Zacarias he apù ni Iddo te kegkaǥi te menge lalag din diyà te menge Judio ziyà te Juda wey Jerusalem.

Ezra 5:3

Piru wazè en meuǥet, ne nekeuma ziyà te Jerusalem si Tatenai he gubirnedur te prubinsya zini layun te Eufrates, si Shetar Bozenai, wey is menge zuma zan. Mid-insaan dan is menge Judio te, “Hentei is midsuǥù keniyu te ked-uman kebangun kayi te valey?”

Ezra 6:14

Umbe, mibpedayun te kedterebahu is menge pengulu te menge Judio duma is kedlig-eni kandan te menge lalag te menge ebpeneuven he iyan si Haggai wey si Zacarias he menge apù ni Iddo. Nepasad dan te edterebahu is baley te Megbevayà sumalà te insuǥù te Megbevayà te Israel he impetuman eni Cyrus, Darius, wey Artaserkses, he nekesunud he menge hadì diyà te Persia.

Nehemias 12:1

Iyan heini listahan te menge memumuhat wey menge Levihanen he mid-ulì puun te kegkevihaǥa kandan duma ki Zerubabel he anak ni Shealtiel wey ki Jeshua he lavew he memumuhat. Is menge memumuhat kandan iyan ensi Seraya, Jeremias, Ezra, Amaria, Maluc, Hatush, Shecania, Rehum, Meremot, Iddo, Ginetoi, Abia, Miamin, Moadia, Bilga, Shemaya, Joyarib, Jedaya, Salu, Amok, Hilkia, wey si Jedaya. Iyan sikandan menge pengulu te iring dan he menge memumuhat wey te menge zuma zan hein timpu ni Jeshua.

Nehemias 12:10

Si Jeshua amey ni Joyakim. Si Joyakim amey ni Eliashib. Si Eliashib amey ni Joyada.

Nehemias 5:14

Seled te 12 he tuig te kebpenirbisyu ku he gubirnedur ziyà te Juda, he puun te ike-20 he tuig pehendiyà te ike-32 he tuig te kedhadì ni Artaserkses, wazà a mekezawat wey is menge kezuzumahi ku te keenen he para te gubirnedur.

Nehemias 7:7

Is nengulu kandan te kedlikù iyan si Zerubabel, si Jeshua, si Nehemias, si Azaria, si Raamia, si Nahamani, si Mordecai, si Bilshan, si Misperet, si Bigvai, si Nehum, wey si Baanah. Iyan heini lista te nevihag he menge Israilihanen piru nemen-ulì en:

Nehemias 8:9

Dutun te ebpemineg is menge etew te menge lalag diyà te Kesuǥuan, nemekesineǥew sikandan. Migkaǥi ziyà te kandan si Nehemias he gubirnedur, si Ezra he memumuhat wey menunudlù te Kesuǥuan, wey is menge Levihanen he mibpesavut kandan te Kesuǥuan te, “Heini he andew segradu para te Nengazen he Megbevayè niw, umbe kenè kew sineǥew.”

Exodus 4:13

Piru migkaǥi en maan si Moises te, “He Nengazen, iyan nu keniyan ipevaal is sengeeetew en.”

Haggai 1:12

Mibpezumazuma te Nengazen si Zerubabel, si Josue, wey is langun he menge zuma zan he menge Israilihanen he nemen-ulì diyà te Israel puun te kegkevihaǥa kandan diyà te Babilonia. Su mibpemineg dan is migkaǥi te Nengazen he Megbevayè dan pinaaǥi te ebpeneuven he si Haggai he midsuǥù te Nengazen diyà te kandan. Ne pinaaǥi kayi midtahud dan is Nengazen.

Haggai 1:14

Umbe, mibaghet te Nengazen si Zerubabel, si Josue, wey is langun he zuma zan he menge Israilihanen he nemen-ulì diyà te Israel, te kebangun duen te valey te Nengazen he Megbevayè dan he Mekeǥeǥehem.

Haggai 1:15

Mibpuunan dan is kebangun hein ike-24 he andew te ikeenem he vulan, dutun te ikezuwa he tuig te kedhadì ni Darius.

Haggai 1:2

Iyan heini migkaǥi te Nengazen he Mekeǥeǥehem pinaaǥi te ebpeneuven he si Haggai: “Migkaǥi kew te kenè pa heini timpu te ked-umana kebenguna zuen te valey ku.

Haggai 2:10

Duen migkaǥi te Nengazen diyà te ki Haggai hein ike-24 he andew te ikesiyam he vulan, dutun te ikezuwa he tuig te kedhadì ni Darius.

Haggai 2:20

Mid-uman megkaǥi is Nengazen diyà te ki Haggai zutun mismu he andew.

Haggai 2:21

Ke sikandin te, “Keǥiyi nu si Zerubabel he meǥaan ku en edhuyungen is langit wey is kelibutan.

Haggai 2:4

Piru mebpekelig-en kew! Terebehuwa niw is baley ku su eduma a keniyu, is Nengazen he Mekeǥeǥehem.

Zacarias 1:1

Hein ikewalu he vulan te ikezuwa he tuig te kedhadì ni Darius diyà te Persia, duen migkaǥi te Nengazen diyà te ebpeneuven he si Zacarias. Heini si Zacarias, anak ni Berekia wey apù ni Ido.

Zacarias 3:1

Ne impaahà te Nengazen kedì is lavew he memumuhat he si Josue he edhithitindeg diyà te etuvangan te velinsuǥuen te Nengazen. Midhitindeg diyà te egkekewanan din si Setanas he edsumbung kandin.

Malakias 1:8

Umbe, iyan impemuhat niw is menge uyaǥen he lakap, piang, etawa deruwanen. Kenà heeyan hustu! Gezami niw kun be beǥayi is gubirnedur niw te iring keniyan he kelasi te menge uyaǥen. Siguradu he kenà sikandin egkelipey keniyu wey kenè kew zin ebpaahaan te keupiya zin.” Iyan heini migkaǥi te Nengazen he Mekeǥeǥehem.