Genesis 9:6 - Manobo Western Bukidnon OT

⁶ Ke zuen etew he edhimatey te zuma zin he etew edhimetayan daan sikandin te zuma zin he etew. Su midlimbag te Megbevayà is etew he iring te zagwey zin.

Genesis 9:6 ပူးပေါင်းရင်းမြစ်များ

Genesis 4:14

Midsegseg a kenikew kayi he tanà wey nekepekeziyù ad kenikew. Ne wazè en egketendù he egkeubpaan ku, umbe ebpekeriǥuriǥu a zini te lumpad. Ne egkehimu he edhimetayan a te minsan hentei he egkeuma ku.”

Genesis 42:22

Ne migkaǥi zutun si Reuben te, “Migkeǥiyan ku zengan sikiyu te, ‘Kenè niw pesipelahi is hazi tew? Piru wazè kew mebpemineg kedì. Umbe edsilutan kiw en guntaan tenged te kemetayen din.’ ”

Genesis 5:1

Iyan heini keguǥuza te menge kevuwazan ni Adan. Dutun te kedlimbaǥa te Megbevayà te menusiyà, midhimu zin is etew iring te kandin he zagwey.

2 Samuel 4:11

Guntaan, sikiyu is menge mezaat is menge ulaula edsilutan ku sikiyu te subra pa kayi, su midhimetayan niw is etew he wazè din salà, he ziyè dà edhidhizeǥà te keugelingen din he valey zutun te hizeǥeey zin. Ebpeveyazan ku heini keniyu is kedhimetayi niw kandin para mahanew kew zaan kayi te kelibutan.”

1 Hadì 2:9

Piru ǥuntaan iyan ka silut kandin. Metau ka, ne netuenan nu ke hengkey is ereg he ebeelan. Minsan meǥurang en sikandin ne ibpehimetayi nu.”

2 Hadì 11:1

Hein netuenan ni Atalia he minatey en is anak din he si Hadì Ahazia he hadì te Juda, midisisyun sikandin he ebpenhimetayan din is langun he sakup te pemilya te hadì.

2 Hadì 11:16

Umbe, midakep dan sikandin ne mid-uwit dan diyà te ǥawas te pultahan he ebpeveyaan te menge kudà te edhendiyà te turuǥan, ne zutun dan himetayi.

2 Hadì 11:20

Nengelipey is menge etew, ne mibmelinew is inged hein minatey en si Atalia diyà te uvey te turuǥan.

2 Cronica 33:24

Ne zutun, mezaat is pelanu te menge upisyal ni Amon diyà te kandin, ne midhimetayan dan sikandin diyà te turuǥan din.

Salmo 51:4

Diyè e zà te kenikew mekesalà. Mibeelan ku is menge vaal he mid-isip nu he mezaat. Umbe hustu is menge lalag nu he ebpekesuǥat kedì. Utew hustu is kedhukumi nu kediey.

Exodus 20:13

“Kenè kew mebunù.

Erubasa 28:17

Is etew he edsemuken te isip din tenged te kebpekevaal zin te mezaat pinaaǥi te kebpemumunù din, wazè din kelinew taman te kebpatey zin. Ne kenà sikandin ipetevangi te minsan hentei.

Megwewali 3:3

duen timpu te kedhimatey wey timpu zaan te kebawì, duen timpu te kedrundus wey timpu zaan te ked-uman kedtukud,

Leviticus 17:4

ne kenà diyà te Tulda he Ed-ezapan (egngezanan daan he Tulda he Edtelevukaayan), ne iring ded te nekevunù sikandin te etew, umbe kenè niw sikandin isipa he zuma niw. Midhimu heini he kebpemuhat su para ziyè niw veeli is kebpemuhat te ǥemawan te Tulda ne kenà diyà te zuma he lugar. Umbe is ibpemuhat niw he pemuhat he para gasa iveǥey niw ziyà te memumuhat he iyan ebpemuhat kayi ziyà te Nengazen.

Leviticus 24:17

“Is minsan hentei he ebpekepatey te etew, kinahanglan he edhimetayan daan.

Numero 35:16

“Iyan, emun edlegkuten te sevaha he etew is duma zin he etew te putew ne ebpatey heini, ne ed-isipen he meveǥat is salà dutun he etew, ne kinahanglan he edhimetayan daan.

Numero 35:25

Emun egkesusi he tutuu iyan he wazè din tivevaa is kedhimatey, kinahanglan he edipinsahan te kezekelan haazà is etew he nekepatey, para kenà mevelesi te ebales kandin, ne idlikù sikandin diyà te inged he eputà he zutun sikandin med-aput. Ne kinahanglan he kenà sikandin ed-awà dutun taman te ebpatey is lavew he memumuhat he impehinungud para te kebpenilbi.

Numero 35:33

Ne pinaaǥi kayi kenè niw egkeremerikan is tanà he ed-ubpaan niw, su is kedhimatey ebpekeremerik te tanà. Ne iyan dà ebpekelumpiyu kayi is kemetayen gihapun.

Deuteronomio 19:11

“Piru emun edumut is sevaha he etew te iring din ne ebenteyanan din haazà ne edhimetayan din, ne ebpelaǥuy sikandin diyà te sevaha zuen te menge inged he eputà,

Deuteronomio 5:17

“ ‘Kenè kew mebunù.

Zatù 9:56

Pinaaǥi kayi te neulaula, impevayad te Megbevayà si Abimelec te mezaat he mibeelan din diyà te amey zin he iyan is kebpenhimetayi zin duen te 70 he menge suled din.

1 Samuel 15:33

Ne zutun migkaǥi si Samuel te, “Guntaan utew mezakel is menge iney he neewaan te menge anak tenged te kebpemenhimatey nu, edhimetayan ku sikew su wey meewai is iney nu zaan te anak.” Ne zutun midhimetayan ni Samuel si Agag diyà te etuvangan te Nengazen diyà te Gilgal.