Genesis 9:5 - Manobo Western Bukidnon OT

⁵ Ke zuen etew wey minsan langgam he ibpetiǥis din is lengesa niw te menusiyà wey kew mebpatey, ebelesan ku. Ebelesan ku is minsan hentei he ebunù te zuma zin he etew.

Genesis 9:5 ပူးပေါင်းရင်းမြစ်များ

Genesis 42:22

Ne migkaǥi zutun si Reuben te, “Migkeǥiyan ku zengan sikiyu te, ‘Kenè niw pesipelahi is hazi tew? Piru wazè kew mebpemineg kedì. Umbe edsilutan kiw en guntaan tenged te kemetayen din.’ ”

2 Samuel 4:11

Guntaan, sikiyu is menge mezaat is menge ulaula edsilutan ku sikiyu te subra pa kayi, su midhimetayan niw is etew he wazè din salà, he ziyè dà edhidhizeǥà te keugelingen din he valey zutun te hizeǥeey zin. Ebpeveyazan ku heini keniyu is kedhimetayi niw kandin para mahanew kew zaan kayi te kelibutan.”

1 Hadì 2:6

Umbe, beeli nu ziyà te kandin is ereg he ebeelan sumalà is egkeisip nu he ereg he ebeelan, piru kenè nu ituǥut he melinawen sikandin he ebpatey tenged te keǥurang din.

2 Hadì 11:1

Hein netuenan ni Atalia he minatey en is anak din he si Hadì Ahazia he hadì te Juda, midisisyun sikandin he ebpenhimetayan din is langun he sakup te pemilya te hadì.

2 Cronica 24:22

Midlipatan ni Hadì Joash is kebpurungi kandin ni Jehoyada, he amey ni Zacarias, kekenà, mibpehimetayan din si Zacarias. Ne hein egkevidtawan en sikandin, ne ke sikandin te, “Berakat he seǥipaa te Nengazen is ebeelan niw, ne iyan sikandin mebales keniyu.”

2 Cronica 33:24

Ne zutun, mezaat is pelanu te menge upisyal ni Amon diyà te kandin, ne midhimetayan dan sikandin diyà te turuǥan din.

2 Cronica 33:25

Piru pudu midhimetayi te menge etew ziyà te Juda sikan is midhimatey ki Hadì Amon. Ne iyan in-ilis dan he hadì is anak ni Amon he si Josia.

Salmo 9:12

Ebelesan din is ebpemendaagdaag, su edseǥipaan din is kebpekitavang te menge dinaagdaag.

Exodus 20:13

“Kenè kew mebunù.

Exodus 21:12

“Sikan is ebpekepatey te zuma zin he etew, kinahanglan daan he edhimetayan.

Leviticus 19:16

Kenè kew ituk te zuma niw he etew. Kenè kew vaal te minsan hengkey he ebpekezezaat te untung din. Iyan a kes Nengazen.

Leviticus 24:17

“Is minsan hentei he ebpekepatey te etew, kinahanglan he edhimetayan daan.

Leviticus 24:21

Is minsan hentei he ebpekepatey te uyaǥen kinahanglan he ed-ilisan din heini, piru is ebpekepatey te etew ne kinahanglan he edhimetayan daan.

Numero 35:16

“Iyan, emun edlegkuten te sevaha he etew is duma zin he etew te putew ne ebpatey heini, ne ed-isipen he meveǥat is salà dutun he etew, ne kinahanglan he edhimetayan daan.

Numero 35:17

Emun ebpekepatey is sevaha he etew pinaaǥi te kegamit te vatu, ne ed-isipen heini he meveǥat is salè din, ne kinahanglan he edhimetayan daan sikandin.

Numero 35:18

Etawa edlegkuten din te kayu is sevaha he etew ne ebpatey heini, ed-isipen he meveǥat is salè din, ne kinahanglan he edhimetayan daan sikandin.

Numero 35:21

etawa kedsumbag, ne ed-isipen he meveǥat is salà te mibaal kayi, ne kinahanglan he edhimetayan sikandin. Is megeget he kezuzumahi zutun te nepatey iyan duen din ketenged te kedhimatey zuen te nekepatey. Himetayi zin heini emun egkeehè din.

Deuteronomio 19:11

“Piru emun edumut is sevaha he etew te iring din ne ebenteyanan din haazà ne edhimetayan din, ne ebpelaǥuy sikandin diyà te sevaha zuen te menge inged he eputà,

Deuteronomio 19:12

kinahanglan he ibpekuwa sikandin te menge edumala ziyà te inged din ne ibeǥey ziyà te egkesuat he ebales kandin su wey mehimetayi sikandin.

Zatù 9:56

Pinaaǥi kayi te neulaula, impevayad te Megbevayà si Abimelec te mezaat he mibeelan din diyà te amey zin he iyan is kebpenhimetayi zin duen te 70 he menge suled din.