Genesis 9:4 - Manobo Western Bukidnon OT

⁴ Piru kenè niw keena is langgam he wazè pa maawà dutun is lengesa zin, he iyan igkeuyag din.

Genesis 9:4 ပူးပေါင်းရင်းမြစ်များ

Ezekiel 33:25

Ne guntaan keǥiyi nu sikandan, he iyan a, is Nengazen he MEGBEVAYÀ migkaǥi te, ‘Egkeisip niw ve he egkaangken niw ǥihapun haazà is tanà minsan egkaan kew te usa he zuen din pa lengesa, wey ed-azap kew te zuma he menge ed-ezapen niw, wey ebpenhimatey kew te etew?

Leviticus 19:26

Kenè kew kaan te usa he zuen din pa lengesa. Kenè niw veeli is ebeelan te menge kineegmanen etawa veyilan.

Leviticus 3:17

Kenè kew kaan te tavà etawa lengesa. Kinahanglan he heini he velaud edtumanen niw taman te huziyan he lapis te menge kevuwazan, minsan hendei kew ed-ubpà.

Leviticus 7:26

Minsan hendei kew ed-ubpà, ne kenè kew megkaan te lengesa te langgam ragkes en is lengesa te tagbis.

Deuteronomio 12:16

Piru kenè niw keena is lengesa; iitis niw heini ziyà te tanà iring te wahig.

Deuteronomio 12:23

Mebpekevantey kew zà he kenè kew mekekaan te lengesa, su is untung ne ziyà te lengesa. Kenè niw ipedregkesà te egkaan is untung wey is usa.

Deuteronomio 14:21

“Kenè niw keena is minsan hengkey he langgam he zaan he minatey. Egkehimu ke ibeǥey niw heini etawa ibelegyè niw ziyà te kenà menge Israilihanen he emurè niw te inged, ne egkeenen dan heini. Piru kenè kew mulà kaan kayi, su iyan kew menge etew he insivey para te Nengazen he Megbevayè niw. “Kenè niw sevawi is nati he kambing te gatas te iney zin.

Deuteronomio 15:23

Iyan, kinahanglan he kenè niw egkeenen is lengesa, iitis niw heini ziyà te tanà iring te wahig.

1 Samuel 14:32

Umbe, egkengezegdeǥusu zan is ebpemenguwa te nengaaǥew zan he menge kerehidu wey menge vaka, ne midlapè dan haazà, migkaan dan is usa he zuen pa zutun lengesa.