Genesis 9:26 - Manobo Western Bukidnon OT

²⁶ Ne migkaǥi zaan sikandin te, “Berakat daan he zeliǥa is Nengazen he iyan Megbevayà ni Shem! Ne verakat he mehimu he uripen ni Shem si Canaan.

Genesis 9:26 ပူးပေါင်းရင်းမြစ်များ

Genesis 14:20

Deliǥa is Utew Lavew he Megbevayà, su midhimu zin he mekezaag ka te menge kuntada nu.” Ne zutun, imbeǥey kandin ni Abram is ikepulù he vahin te langun he netavan din.

Genesis 24:27

Ke sikandin te, “Edeliǥen is Nengazen, he iyan Megbevayà te egalen ku he si Abraham. Impeehè din is kenà egkahanew he ǥaǥew zin te egalen ku. Iyan sikandin migiya kedì wey a mekehendiyà te kezuzumahi te egalen ku.”

Genesis 27:29

Berakat he mezakel he menge tribu is egkehimu menge suluǥuen nu, wey edtahud dan kenikew. Berakat he iyan ka mehimu he egalen te menge suled nu, wey medtahud kenikew is menge hazi nu. Berakat he is edrawak kenikew ne iyan merewaki, ne tuvazi mulà is ebpenuvadtuvad kenikew.”

Genesis 27:37

Ne midtavak si Isaac te, “Midhimu ku en he iyan sikandin egalen nu ne is langun he menge kezuzumahi zin ne midhimu ku en he menge suluǥuen din. Impenuvadtuvad ku en diyà te kandin is idsegkayà he egkekaan wey egkeinum. Umbe wazè en egkehimu ku para kenikew?”

Genesis 27:40

Pinaaǥi zà te kebpekidtebek egkekuwa nu is igkeuyag nu, ne egkehimu ka he suluǥuen te hazi nu. Piru emun ed-atu ka kandin, ebpekeǥawas ka te kegkeveyveyai zin kenikew.”

Salmo 144:15

Utew zeysey is menge etew he egkeiring kayi is ked-ubpè dan. Deyzey is menge etew he nekekilala wey midtuu te tutuu he Megbevayà he Nengazen.

Deuteronomio 33:26

Wazà iring te Megbevayà he ed-ezapen niw te menge Israilihanen. Ed-untud sikandin te ǥapun is edtavang keniyu. Pinaaǥi te gehem din edseǥazan din is langit.

Josue 9:23

Ne tenged kayi te vaal niw edrewakan kew te Megbevayà: Puun guntaan penilbi kew en pinaaǥi te kebpengayu wey kebpenekezu para te valey te Megbevayè ku.”

Zatù 1:28

Ne hein mid-iseg is gehem te menge Israilihanen, mibpeǥes dan is menge Canaanhen he medterebahu para kandan te menge Israilihanen, piru wazè dan segseǥa sikandan.