Genesis 9:25 - Manobo Western Bukidnon OT

²⁵ ke sikandin te, “Berakat he rewaki ka te Megbevayà, Canaan. Mehimu ka he uripen te menge suled nu, ne mehimu he utew minus is pid-etawan nu.”

Genesis 9:25 ပူးပေါင်းရင်းမြစ်များ

Genesis 3:14

Ne zutun migkeǥiyan te Nengazen he Megbevayà kes uled, ke sikandin te, “Te langun he menge langgam he ayam wey ke leew ve, iyan ka edrewakan ku tenged te mid-ulaula nu heini. Ebpekelangkeb ke zà ne ebpekezula ka taman te kenè ke pa ebpatey.

Genesis 4:11

Ne ǥuntaan tenged te mid-ulaula nu, edrewakan ku sikew ne edhimuwen ku he kenè ke en ebpekevasuk kayi te tanà su netiǥisan is tanà te lengesa te hazi nu he mibunù nu.

Genesis 49:7

Edrewakan ku sikiyu tenged te kegkepauk niw he utew subra. Ebpedsusuwayen ku is menge kevuwazan niw kayi te Israel.

Genesis 9:18

Is menge anak ni Noe he migawas dutun te arka ne iyan si Shem, si Ham, wey si Jafet. (Nehimu si Ham he amey ni Canaan.)

Genesis 9:22

Si Ham (is amey ni Canaan), mid-ehè din is amey zin he nelevasan ne midtudtulan din is menge kakey zin he ziyè pa te ǥawas te valey.

Genesis 9:24

Ne hein nepukew si Noe zutun te kegkelangut din, ne netuenan din ke hengkey is mibeelan kandin te anak din he hazi,

Deuteronomio 27:16

“Rinewakan is etew he wazà medtahud te menge ǥinikanan din.” Ne edtavak is langun te, “Amen!”

Deuteronomio 28:18

Idrawak din keniyu he zeisey zà is menge anak niw, sebpet niw, wey menge uyaǥen niw.

Josue 9:23

Ne tenged kayi te vaal niw edrewakan kew te Megbevayà: Puun guntaan penilbi kew en pinaaǥi te kebpengayu wey kebpenekezu para te valey te Megbevayè ku.”

Josue 9:27

Piru midhimu zin sikandan he menge perepengayu wey menge peresekezu para te menge Israilihanen wey para te pemuhatà para te Nengazen. Taman en guntaan is kebeeli zan kayi he vuluhaten diyà te lugar he mibpilì te Nengazen he zutun sikandin ed-ezapa.